CaspianLife, 15 қаңтар. Бұл оқиға кеше, 14 қаңтарда болды. Атырау халықаралық әуежайында FlyArystan әуекомпаниясына тиесілі әуе кемесі Алматы – Атырау бағыты бойынша орындалған FS7202 рейсінің қонуын сәтті аяқтап, ұшу-қону жолағын босатқаннан кейін, тұраққа қарай қозғалу барысында төмен жылдамдықпен әуе кемелерінің жолағы шегінен шығып кеткен. FlyArystan әуе компаниясының баспасөз қызметінің мәліметінше, әуе кемесінің бортындағы 166 жолаушы мен экипаж мүшелері арасында зардап шеккендер жоқ. Қазіргі уақытта әуе компаниясы әуежай қызметтерімен және авиациялық уәкілетті мекемелермен белгіленген тәртіпке сәйкес тергеу жүргізу үшін оқиғаны зертеуде.
Автор: Сайт әкімшілігі
CaspianLife, 14 қаңтар. Иреклі су қоймасынан су жіберу көлемі 15 қаңтардан бастап секундына 90 текше метрге дейін ұлғайтылады. Бұл шешім көктемгі тасқын суларын қабылдау үшін су қоймасы сыйымдылығын босату мақсатында қабылданды. «Урал56.Ру | Оренбург, Орск» Telegram-арнасының мәліметінше, 13 қаңтардағы жағдай бойынша Иреклі су қоймасындағы су деңгейі Балтық жүйесі бойынша 243,35 метрді құраған. Бұл қалыпты деңгейден 1,65 метрге төмен (қалыпты тіреу деңгейі – 245 м БЖ). Сондай-ақ, бір ай бұрын, 16 желтоқсанда Иреклі су қоймасы су жіберу көлемін екі есеге — секундына 30 текше метрден 60 текше метрге дейін арттырғаны еске салынды. Ол кезде су қоймасына келіп жатқан су көлемі секундына…
CaspianLife, 13 қаңтар. Қазақстан Республикасы Энергетика министрлігі бүгін, 13 қаңтарда, Қара теңіз акваториясында Каспий құбыр консорциумының (КҚК) теңіз терминалы маңында Қазақстанның экспорттық мұнайын тасымалдауға тартылған екі кемемен байланысты болған инциденттер туралы ақпаратты растайды. ҚР Энергетика министрлігінің баспасөз қызметінің мәліметінше, Мальта туымен жүрген «Matilda» танкері «ҚазМұнайГаз» ұлттық компаниясының қосалқы ұйымы арқылы жалға алынған және ҰҰА шабуылына ұшыраған. Кемеде жарылыс тіркелген, алайда кейінгі өрт болмаған. Экипаж мүшелері арасында қаза тапқандар мен зардап шеккендер жоқ. Техникалық қызметтердің алдын ала бағалауына сәйкес, танкердің теңізде жүзу қабілеті сақталған, қазіргі уақытта корпустың аса қауіпті зақымдану белгілері анықталмаған. Либерия туы астындағы «Delta Harmony» танкері де тиеуге кезек…
CaspianLife, 13 қаңтар. Бұл туралы Мәжіліс депутаты, «AMANAT» партиясы фракциясының мүшесі Бақтықожа Ізмұхамбетовтің Атырау облысы бойынша ҰҚК Шекара қызметі департаментінің Жағалауды күзету дивизионының жеке құрамымен кездесуі кезінде айтылды. Әскери бөлім Дамба ауылында орналасқан (Атыраудан төменгі Жайық өзенінің сағасына қарай шамамен 20–25 км қашықтықта — CaspianLife ескертпесі). Мәжіліс баспасөз қызметінің хабарлауынша, шараға Мәжіліс депутаты Абзал Құспан, облыстық ардагерлер кеңесінің төрағасы Мұрат Өтешов, «AMANAT» партиясының Атырау облыстық филиалы төрағасы Абдолла Идресов және облыстық маслихат депутаты Жеңіс Әбілқарес қатысты. Кездесу барысында мемлекеттік шекараны күзету қызметін атқаратын бөлімшенің материалдық-техникалық жағдайы талқыланды. «Атап айтқанда, жағалауды күзету бөлімшесінің әкімшілік-бөлме ғимараты 1980 жылы салынған бұрынғы балалар бақшасы…
CaspianLife, 13 қаңтар. «ҚазТрансОйл» АҚ 2025 жылы 2020–2025 жылдарға арналған Қазақстанның ішкі нарығына магистральдық құбырлар арқылы мұнай айдау қызметі бойынша инвестициялық бағдарлама аясында «Өзен – Атырау – Самара» және «Қаламқас – Қаражанбас – Ақтау» магистральдық мұнай құбырларының учаскелерін қайта жаңғырту жұмыстарын аяқтады. «ҚазТрансОйл» АҚ баспасөз қызметінің хабарлауынша, аталған жобаларды іске асыру мұнай тасымалының сенімділігін арттыруға, өндірістік және экологиялық қауіпсіздікті қамтамасыз етуге, сондай-ақ мұнай тасымалдау жүйесінің негізгі бағыттарындағы апаттық жағдайлар қаупін азайтуға бағытталған. Диаметрі 1020 мм болатын «Өзен – Атырау – Самара» магистральдық мұнай құбырында жалпы ұзындығы 30 км болатын екі учаске қайта жаңғыртылды. Жоба аясында құбырдың желілік бөлігі ауыстырылып, электр…
Caspianlife, 9 қаңтар. Қайта жаңғыртудан кейін стадион 8 мыңнан астам көрерменді қабылдай алады. Қазіргі таңда стадионның жобалық-сметалық құжаттамасы дайын. Өңірлік коммуникациялар қызметінің (ӨКҚ) хабарлауынша, жоба аясында қолданыстағы үш трибуна толықтай бұзылып, олардың орнына заманауи жаңа мінберлер салынады. Жаңартылған стадионда күрес, бокс, таэквондо және теннис залдары, сондай-ақ медициналық және массаж кабинеттері, VIP-аймақтар, конференц-зал, телестудия, оператор бөлмесі және жанкүйерлерге арналған барлық қажетті жағдайлар қарастырылады. Сонымен қатар, стадионда жылыту және автоматты суару жүйесі бар футбол алаңы салу жоспарланған. Алаң биіктігі 53 метр болатын төрт жарық мұнарасымен жарықтандырылады. Бұдан бөлек, стадионның іргелес аумағы толықтай абаттандырылады.
Caspianlife, 9 қаңтар. «Қазақстанның Автокөлік Одағы» (ҚАО) мәліметіне сәйкес, 2025 жылы Қазақстанда барлық типтегі автокөлік құралдарының (жеңіл автокөліктер, автобустар, жүк көліктері) 171 144 бірлігі өндірілді. Өндірілген өнімнің жалпы құны 2,3 трлн теңгеден асты. Бұл көрсеткіш өткен жылмен салыстырғанда (145 290 бірлік) 17,8%-ға жоғары, ал өнім көлемі 1,9 трлн теңгені құраған еді. ҚАО баспасөз қызметінің хабарлауынша, «бұл – қазақстандық автопром тарихындағы ең жоғары нәтиже». Сондай-ақ 2025 жылдың қорытындысы бойынша сала өңдеу өнеркәсібінің жалпы көлемінің шамамен 8%-ын қамтамасыз етіп, 41,7% үлеспен машина жасау саласында жетекші орынға ие болғаны атап өтілді. 2025 жылы автокөлік өндірісіне салынған инвестициялар 113,6 млрд теңгеден асты. Бұл қаражат…
CaspianLife, 9 қаңтар. АҚШ долларына шаққанда иран валютасы – риал рекордтық төмен деңгейге құлдырағаннан кейін басталған Ирандағы жаппай наразылықтар жаңа қарқын алды. Euronews телеарнасының хабарлауынша, бейсенбі кешінде Тегеран тұрғындары шетелде жүрген тақ мұрагерінің жаппай шеру өткізуге шақыруынан кейін көшеге шығып, ұрандатқан. Наразылық басталған бойда Иранда интернет пен телефон байланысы өшірілді. CloudFlare интернет-компаниясы мен NetBlocks құқық қорғау ұйымы интернеттің ажыратылғанын растады. Олар мұны Иран үкіметінің араласуымен байланыстырып отыр. Дубайдан Ирандағы қалалық және ұялы телефондарға хабарласу әрекеттері нәтиже бермеген. Бұған дейін мұндай байланыс үзілістерінен кейін биліктің қатаң қуғын-сүргіні жүргені белгілі. Бұл — бастапқыда Ирандағы экономикалық жағдайдың нашарлауына қарсы бағытталған, кейін бүкіл Ислам…
CaspianLife, 9 қаңтар. The Washington Post Маңғыстау өңірінің бірегей ландшафттарына назар аударды. Мақалада Қазақстанның туристік нысандары Жібек жолының айға ұқсас пейзаждары ретінде сипатталған. Бұл туралы «Kazakh Tourism» ұлттық компаниясының Telegram-арнасында хабарланды. The Washington Post басылымының авторы өңірге жасаған сапары туралы баяндап, Бозжыра, Торыш және Жығылған ойпаты сияқты табиғи нысандардың бірегейлігін шетелдік оқырманға таныстырады. «Торыш немесе “Шарлар алқабы” — мұнда қиыршық тастан бастап ірі валундарға дейінгі жүздеген домалақ тастар ландшафт бойына шашылып жатыр. Ғалымдар олардың қалай пайда болғаны жөнінде әлі ортақ пікірге келе алмады; ал мен жергілікті аңызды — бұл алқап құдайлардың ойын бөлмесі болған деген нұсқаны ұнатамын. Жығылған — бірнеше…
Caspianlife, 8 қаңтар. Туристік саланы дамыту мақсатында Қазақстанның бірқатар өңірінде шетелдік азаматтарға ғана қолжетімді ойын аймақтарын (казино) құру мүмкіндігіне қатысты әлеуметтік-экономикалық зерттеу жүргізілді. Туризм және спорт министрлігінің баспасөз қызметінің хабарлауынша, әңгіме Қазақстан Республикасының азаматтарына кіруге тыйым салынатын, тек шетелдік туристерге бағытталған казинолар туралы болып отыр. Әлемдік тәжірибе көрсеткендей, мұндай ойын аймақтары кейбір елдерде туристерді тартудың қосымша тетігіне айналып, курорттық инфрақұрылымды дамытуға ықпал етеді әрі ішкі әлеуметтік ортаға тікелей әсер етпейді. «Зерттеу нәтижесіне сәйкес, Маңғыстау облысында тұрғындардың 46 пайызы шетелдік туристерге арналған казино ашуды қолдайды. Экономикалық есептеулерге сүйенсек, 2029 жылға қарай өңірге шамамен 148 мың шетелдік азамат келуі мүмкін. Бұл өз…