CaspianLife, 3 ақпан. Бұл деректер кеше «ҚазТрансОйл» АҚ бас директоры (Басқарма төрағасы) Арман Қасеновтың Атырау қаласына жасаған жұмыс сапары барысында айтылды. Сапар аясында ол компанияның өндірістік нысандарын аралап, еңбек ұжымымен кездесті, сондай-ақ құрылымдық бөлімшелер басшыларының есептерін тыңдады. «ҚазТрансОйл» баспасөз қызметінің хабарлауынша, Атырау мұнай құбыр басқармасы (МҚБ) «ҚазТрансОйл» АҚ-ның құрылымдық бөлімшесі болып табылады және ішкі нарық пен экспорт бағыттары бойынша негізгі мұнай тасымалын қамтамасыз етеді. Атап айтқанда, мұнай жеткізу «Атырау мұнай өңдеу зауыты» ЖШС-не, сондай-ақ Солтүстік-Батыс құбыр компаниясының (СБҚК) «Мұнайтас» мұнай құбырлары жүйесі арқылы Павлодар мұнай-химия зауытына және «ПетроҚазақстан Ойл Продактс» ЖШС-не жүзеге асырылады. Сонымен қатар, мұнайды «КҚК-К» АҚ мұнай құбырлары…
Автор: Сайт әкімшілігі
CaspianLife, 3 ақпан. Қазақстан Республикасы Ұлттық қауіпсіздік комитетінің (ҰҚК) Сыбайлас жемқорлыққа қарсы іс-қимыл қызметі (СПҚ) биылғы қаңтар айындағы атқарылған жұмыс қорытындыларын жариялады. ҰҚК баспасөз қызметінің мәліметінше, жыл басынан бері 126 қылмыстық құқықбұзушылық тіркелген, оның 110-ы сыбайлас жемқорлыққа қатысты. Сыбайлас жемқорлық фактілерінің басым бөлігі парақорлық, алаяқтық және қызметтік өкілеттіктерін теріс пайдалану қылмыстарына жатады. 89 адамның заңсыз әрекеті тоқтатылды. Барлығы 129 қылмыстық іс бойынша тергеу аяқталып, оның 121-і сотқа жолданды. Аяқталған қылмыстық істер бойынша келтірілген залал көлемі 18 млрд теңгені құрады, оның ішінде 100 млн теңгеден астамы бюджетке өтелді. Аталған бағыттағы жұмыс жалғасуда.
CaspianLife, 2 ақпан. Бұл туралы Премьер-министр Олжас Бектенов Қазақстан Республикасының жаңа Конституциясы жобасын халыққа түсіндіру мәселелері қаралған кеңесте мәлімдеді. Премьер-министрдің баспасөз қызметінің хабарлауынша, кеңеске Үкімет мүшелері мен өңір әкімдері қатысты. Үкімет басшысы барлық деңгейдегі министрліктер мен әкімдіктерге жаңа Конституция жобасын азаматтарға жан-жақты түсіндіру жұмыстарын жандандыруды тапсырды. «Жалған әрі бұрмаланған ақпараттармен күресуге баса назар аударылды. Әлеуметтік желілер мен мессенджерлерде шындыққа жанаспайтын арандатушылық сипаттағы жарияланымдар тіркелуде. Ішкі істер министрлігіне «Заң мен тәртіп» қағидатына сәйкес, жалған мәліметтерді таратқаны үшін қатаң құқықтық әрекет және жауапкершілікке тартуды қамтамасыз ету тапсырылды. Үйлестіру Премьер-министрдің орынбасары – мәдениет және ақпарат министрі Аида Балаеваға жүктелді», — делінген хабарламада.
CaspianLife, 2 ақпан. Соңғы уақытта интернет желісі мен әлеуметтік желілерде жүргізушілерді даярлауға арналған жедел онлайн-курстарға қатысу туралы ұсыныстар тарап жатыр, деп хабарлайды ҚР Ішкі істер министрлігінің ведомстволық сайты (Polisia.kz). «Осыған байланысты хабарлаймыз: жүргізушілерді даярлау тек лицензияланған авто мектептерде жүзеге асырылуы тиіс, соның ішінде практикалық сабақтарды толық оқу курсын өту міндетті. Көлік құралын басқару дағдыларын онлайн форматта алу және бекіту мүмкін емес. Сонымен қатар, авто мектепте білім алғанын растайтын куәлік қағаз түрінде азаматтарға қажет еместігін назарға аламыз», — делінген ҚР ІІМ мәлімдемесінде. Сондай-ақ, курсты аяқтау туралы ақпарат арнайы халыққа қызмет көрсету орталықтарына ақпараттық жүйелер арқылы электрондық форматта автоматты түрде түсетіндігі атап…
CaspianLife, 2 ақпан. Бейнеу ауданының әкімі Рахымжан Шалбаев ауа райының қолайсыздығына байланысты төрт түлік малдарына жете алмай отырған шаруашылық иелерімен арнайы кездесу өткізді, деп хабарлайды Қоғамдық коммуникация орталығы. Аудан әкімдігінің баспасөз қызметінің мәліметінше, кездесу барысында аудан басшысы шаруалардың жағдайымен танысып, көтерілген мәселелер мен ұсыныстарды тыңдады. Қыс мезгіліндегі қарлы боран мен қолайсыз ауа райы салдарынан бірқатар елді мекендердегі шаруашылықтарға қатынау қиындаған болатын. Осыған байланысты аудан әкімдігінің ұйымдастыруымен арнайы техникалар жұмылдырылып, шаруашылық иелеріне мал қыстақтарына апаратын уақытша жолдар ашылды. Бұл жұмыстар Сам, Ноғайты және Тұрыш ауылдарына қарасты шаруашылықтарда жүргізілді. Кездесу барысында аудан әкімі шаруаларға жем-шөп мәселесіне де тоқталып, жем бағасы Бейнеу ауданындағы…
CaspianLife, 2 ақпан. Бүгін, 2 ақпан күні Маңғыстау облысының әкімі Нұрдәулет Қилыбайдың төрағалығымен Қазақстан Республикасының жаңа Конституциясы жобасын талқылауға арналған актив отырысы өтті. Жиынға қала және аудан әкімдері, басқарма және құқық қорғау органдарының басшылары, өндірістік кәсіпорын жетекшілері, сондай-ақ қоғам өкілдері қатысты. Кездесуде облыс әкімі елімізде жүзеге асырылып жатқан конституциялық реформалардың маңыздылығына тоқталып, жаңа конституциялық модель халық билігі, заң үстемдігі және билік тармақтарының тепе-теңдігі қағидаттарына негізделетінін атап өтті. – Қазақта «Елу жылда – ел жаңа» деген ұлы сөз бар. Уақыт пен заманның өз талабы болады. Сол себепті 21 қаңтар күні Президентіміз Қасым-Жомарт Кемелұлы Тоқаевтың Жарлығымен Конситуциялық реформа жөнінде комиссия құрылды. Комиссия…
CaspianLife, 2 ақпан. Атырау қаласының прокуратурасы интернет-алаяқтық деректерінің көбеюіне байланысты азаматтарды сақ болуға шақырады. Соңғы жылдары өңірде интернет-алаяқтыққа қатысты қылмыстар саны 14 пайызға артқан. Қалалық прокуратураның мәліметінше, «… жәбірленушілерге келтірілген материалдық шығынның жалпы көлемі 1,2 млрд теңгені құрайды». Қадағалау органы өкілдерінің айтуынша, алаяқтар азаматтарды алдау үшін әлеуметтік желілерді, мессенджерлерді, жалған сайттар мен хабарламаларды кеңінен пайдаланады. Көбіне олар өздерін банк қызметкерлері, құқық қорғау органдарының өкілдері немесе таныс адамдар ретінде таныстырып, жеке деректерді, банк карталарының реквизиттерін немесе растау кодтарын алуға тырысады. Осыған байланысты Атырау қаласының прокуратурасы азаматтарға келесі сақтық шараларын ұстануды ұсынады: күмәнді сілтемелерге өтпеу; жеке және банктік деректерді бөгде адамдарға бермеу;…
CaspianLife, 30 қаңтар. Бүгін, 30 қаңтарда Ақтау қаласында облыс әкімі Нұрдәулет Қилыбай өңірдің зиялы қауым өкілдерімен кездесті. Жиынның басты тақырыбы — Мемлекет басшысы Қасым-Жомарт Тоқаевтың Ұлттық құрылтайдың V отырысында белгілеген стратегиялық міндеттерін іске асыру болды. Кездесуді ашқан өңір басшысы Президент ұсынған реформалардың ел болашағы үшін маңыздылығына тоқталды. Оның айтуынша, қоғамды жаңғырту мен ұлттық бірегейлікті нығайтуда зиялы қауымның рөлі ерекше. «Қазіргі таңда экономикалық өсім мен халықтың әл-ауқатының артуы жүргізіліп жатқан реформалардың нақты нәтижесі. Президент белгілеген стратегиялық міндеттерді өңір деңгейінде сапалы орындау үшін бізге зиялы қауымның қолдауы мен парасатты пікірі қажет», — деді Нұрдәулет Қилыбай. Жиын барысында өңірдің рухани және әлеуметтік-экономикалық дамуына…
CaspianLife, 29 қаңтар. Атырау қаласында «Атырау облысындағы бірыңғай торапта магистральдық құбырлар (этан, пропан) салу» жобасы аясында алғашқы ай сайынғы жұмыс кеңесі өтті. Кеңеске «KMG PetroChem» ЖШС, CITIC Construction Co., Ltd., «ЧППИ Казахстан» ЖШС және China Petroleum Pipeline Engineering Co. басқаруымен құрылған консорциум өкілдері қатысты. «KMG PetroChem» ЖШС баспасөз қызметінің хабарлауынша, бұл жоба Қазақстан үшін бірегей саналады. Алғаш рет этан және пропан құбырлары біртұтас техникалық торап аясында салынбақ. Әрбір магистральдық құбырдың ұзындығы шамамен 210 шақырымды құрайды. Жоба этан мен пропан фракцияларын сұйытылған күйде болашақта полиэтилен және полипропилен өндіретін зауыттарға тұрақты әрі үздіксіз жеткізуді қамтамасыз етуге бағытталған. Жиын барысында «KMG PetroChem» командасы…
CaspianLife, 29 қаңтар. Атырау қаласының әкімдігі мен қоғамдық көлікте жолақы төлеудің электронды жүйесін ұсынатын «Oñay» компаниясы арасында ынтымақтастық туралы меморандумға қол қойылды. Бұл жүйе бүгінде Алматы, Қарағанды, Теміртау, Саран, Балқаш және Өскемен қалаларында табысты жұмыс істеп келеді. Өңірлік коммуникациялар қызметінің мәліметінше, биыл Атырау қаласы әкімдігінің жолаушылар көлігі және автомобиль жолдары бөлімі мен «Oñay» компаниясы арасында тиісті құжат алмасу және келіссөздер жүргізіліп, жүйені қала аумағында іске қосуға дайындық шаралары басталған. Жоба аясында мектеп, колледж және жоғары оқу орындарының білім алушыларына «Oñay» картасын тегін тарату жоспарланып отыр. Осы мақсатта білім беру ұйымдарында оқушылар мен студенттердің деректері жиналуда. Сонымен қатар қаладағы барлық қоғамдық…