Caspianlife, 21 сәуір. Батыс аймақтың үш өңірінде – Атырау, Маңғыстау және Батыс Қазақстан облыстарында «Бекіре» жедел-профилактикалық іс-шарасы жалғасуда. Батыс Қазақстан облыстық полиция департаментінің баспасөз қызметі хабарлағандай, бір тәулік ішінде «Атырау — Орал» тас жолында полиция қызметкерлері үш көлікті тоқтатқан. «Атап айтқанда, Чапаев ауылының маңында LADA Largus автокөлігі тоқтатылып, оның жүргізушісі тиісті құжаттарсыз 273,5 келі балық (табан, сазан, шортан) тасымалдағаны анықталды. Шағатай ауылының маңында ВАЗ-2110 автокөлігінің жүргізушісі тоқтатылды. Одан 10 келіге жуық бекіре тұқымдас балық және 125 дана өзге балық түрлері (табан, сазан) табылды, оның да тиісті құжаттары болмаған. Сонымен қатар, «УАЗ» автокөлігі де тоқтатылды. Тексеру барысында 28,5 келі балық пен…
Автор: Сайт әкімшілігі
Caspianlife, 20 сәуір. Мекке әл-Мүкаррама өңіріндегі Сыртқы істер министрлігінің филиалы Қажылық маусымының басталуына байланысты бірқатар маңызды шектеулер мен талаптарды жариялады. Қазақстан мұсылмандары діни басқармасының (ҚМДБ) хабарлауынша, қабылданған шаралар қажылардың қауіпсіздігін қамтамасыз ету, сондай-ақ құлшылық рәсімдерін тыныш әрі ұйымдасқан түрде өткізу мақсатында енгізіліп отыр. Негізгі талаптар: 2026 жылғы 18 сәуір мен 31 мамыр аралығында «Nusuk» платформасы арқылы Ұмра құлшылығын өтеуге рұқсат беру уақытша тоқтатылды. 2026 жылғы 18 сәуірден бастап Мекке қаласына кіруге және онда болуға қажылыққа арналған арнайы визадан басқа визалардың барлық түрлерін иеленушілерге тыйым салынады. Билік өкілдері аталған талаптарды бұзу Сауд Арабиясы Корольдігінің заңнамасына сәйкес жауапкершілікке әкеп соқтыратынын ескертеді. Сауд…
Caspianlife, 20 сәуір. Бұл туралы бүгін Премьер-министр Олжас Бектенов төрағалық еткен құқықбұзушылықтардың алдын алу жөніндегі ведомствоаралық комиссия отырысында айтылды. Жиында Президенттің «Заң және тәртіп» тұжырымдамасы аясында жол қауіпсіздігін қамтамасыз ету шаралары қаралды. Премьер-министрдің баспасөз қызметі ІІМ-ге сілтеме жасап хабарлағандай, жыл сайын жол-көлік оқиғаларында шамамен 40 мың адам жарақат алады, ал қаза тапқандар саны 2,5 мыңға жуықтайды. 2025 жылы елдегі жолдағы өлім-жітім 10%-ға төмендесе, 2026 жылдың басынан бері 4%-ға азайған. Ішкі істер министрі Ержан Сәденов айтуынша, жол апаттарының негізгі себептері – жүргізушілердің тәртіп деңгейінің төмендігі, жол инфрақұрылымының жағдайы (әсіресе қыс мезгілінде) және көліктердің техникалық жай-күйі. Орташа жылдамдықты бақылау жүйелері жеткіліксіз қамтылған.…
Caspianlife, 20 сәуір. Оқиға кеше, 19 сәуір күні сағат 15:10 шамасында Астрахан – Красный Яр – Қазақстан шекарасы тас жолының 42-шақырымында, Краснояр ауданы аумағында болған. Астрахан өңірінің «Каспий Инфо» жаңалықтар порталының мәліметінше, «Toyota» көлігін басқарған 38 жастағы ер адам рөлге ие бола алмай, жол жиегіне шығып кетіп, көлік аударылған. Жол-көлік оқиғасы салдарынан жүргізуші мен екі жолаушы – 37 жастағы әйел және төрт жасар бала зардап шекті. «Краснояр ауданының мемлекеттік автоинспекциясы тексеру жүргізіп жатыр. Зардап шеккендердің барлығы Қазақстан азаматтары», — деп хабарлады Астрахан полициясының баспасөз қызметі.
CaspianLife, 20 сәуір. Қазақстан Республикасы Мәдениет және ақпарат министрлігі көрнекті қазақ ақыны, драматург, қоғам қайраткері, Қазақстанның Еңбек Ері, Халық жазушысы Мұхтар Шахановтың қайтыс болуына байланысты оның отбасы мен жақындарына, туған-туыстарына және барша қазақ халқына көңіл айтты. Министрліктің баспасөз қызметі таратқан мәліметте Мұхтар Шахановтың қазақ әдебиеті мен рухани мәдениетінің дамуына зор үлес қосқан көрнекті тұлға болғаны атап өтілген. Оның терең мазмұнды, өзіндік ерекшелігімен және жоғары азаматтық ұстанымымен дараланған шығармашылығы ұлттық поэзияны байытып, мәдени мұрадан лайықты орын алды. «Ол қоғамдағы өзекті мәселелерге әрдайым үн қатып, әділдік қағидаттарын табандылықпен қорғады, халық пен ел мүддесіне адал қызмет етті. Мұхтар Шахановтың жарқын бейнесі, батылдығы, принципшілдігі…
Caspianlife, 17 сәуір. Қазақстандық лоукостер FlyArystan Ақтау – Батуми – Ақтау жаңа халықаралық бағытының ашылғанын хабарлады. Әуе компаниясының баспасөз қызметінің мәліметінше, рейстер 6 маусымнан басталып, 29 тамызға дейін жалғасады. Ұшулар аптасына екі рет – сейсенбі және сенбі күндері орындалады. Кесте жолаушылар үшін қолайлы уақытты ескере отырып жасалған. FS7729 рейсі Ақтаудан сағат 09:05-те ұшып, Батумиге 09:55-те жетеді. Кері бағыттағы FS7730 рейсі Батуми қаласынан 10:55-те ұшып, Ақтауға 13:40-та келеді. Барлық уақыт жергілікті уақытпен көрсетілген. Бір бағыттағы билет құны 41 000 теңгеден басталады*. Әуе билеттері FlyArystan-ның мобильді қосымшасында, ресми сайтында және басқа да сату арналары арқылы қолжетімді. Стандартты тарифке ұшақтағы кездейсоқ орын және…
CaspianLife, 17 сәуір. Бұл ақпарат Еділ өзенінің су режимі реттелетін жағдайда балықтың табиғи өндірісін қамтамасыз ету мәселелері қаралған кеңес барысында мәлім болды. Кеңес Астрахан мемлекеттік техникалық университетінің (АМТУ) базасында өтті, оған Ресейдің Балық шаруашылығы жөніндегі федералдық агенттігінің басшысы Илья Шестаков қатысты. Жиын барысында Астрахан облысындағы балық шаруашылығы мен Еділдегі су биологиялық ресурстарының жай-күйі бүгінде ерекше назар аударуды талап ететіні атап өтілді. Ғылыми мәліметтер Каспий теңізінің тартылып бара жатқанын көрсетеді. Бұл балықтың табиғи өсіп-өну жағдайын нашарлатады. Әсіресе қаракөз (вобла) мен қаражон майшабақ (сельдь-черноспинка) жойылып кету қаупі жоғары аймақта тұр. «Еділ-Каспий бассейні — отандық кәсіпшілік пен аквакультура үшін негізгі аймақтардың бірі. Мұндағы…
CaspianLife, 16 сәуір. Жылыой ауданындағы Жем өзенінің бойында орналасқан Аралтөбе учаскесінде су қоймасын салу жоспарлануда. Жоба аймақтың су ресурстарын тиімді басқаруға және ауыл шаруашылығының қажеттіліктерін өтеуге бағытталған. Бұл туралы баспасөз туры барысында аудан әкімі Жұмабек Қаражанов мәлімдеді. Оның айтуынша, бастама аясында Жем өзенінде сыйымдылығы 220 млн текше метр болатын су қоймасы құрылысының техникалық-экономикалық негіздемесі әзірленген. Құжат Жайық-Каспий бассейндік инспекциясына келісуге жіберілді. Мемлекеттік сараптамадан өткеннен кейін жобалау-сметалық құжаттаманы әзірлеу үшін қаржыландыру қарастырылатын болады. Сонымен қатар, Құлсары қаласын (Жылыой ауданының әкімшілік орталығы) су тасқынынан қорғауға мүмкіндік беретін гидрошлюз құрылысы аяқталды. Жем өзеніндегі жаңа нысан Құрсай каналындағы су ағынын реттеуді қамтамасыз етеді. Бұл…
Caspianlife, 16 сәуір. «Заң мен тәртіп» қағидаты аясында Ішкі істер министрлігі мал ұрлығын анықтау және оның жолын кесу бағытында жүйелі жұмыстарды жалғастыруда. ҚР ІІМ-нің Polisia.kz ведомстволық сайтының хабарлауынша, 9 сәуірде Атырау облысында полиция қызметкерлері түйе ұрлаумен айналысқан ұйымдасқан топты құрықтады. Қаскөйлердің далалық алқаптарға арнайы шығып, қараусыз жайылған малдарды іздегені анықталды. «Түнгі уақытта жануарларды айдап әкетіп, кейіннен сату үшін жүк көліктерімен Маңғыстау облысына тасымалдап отырған. Қазіргі таңда топтың ондаған бас мал ұрлығына қатысы бар екені дәлелденді. Шығын көлемі 10 млн теңгеден асты. Ұрланған мүліктің едәуір бөлігі тәркіленіп, сатылымға шығуына жол берілмеді. Барлық күдіктілер ұсталып, уақытша ұстау изоляторына қамалды», — деп хабарлайды…
CaspianLife, 16 сәуір. FlyArystan әуе компаниясы Таяу Шығыстағы тұрақсыз жағдайға байланысты Ақтау – Дубай – Ақтау бағыты бойынша рейстердің 2026 жылғы 29 тамызды қоса алғандағы мерзімге дейін тоқтатылғанын хабарлады. Әуе компаниясының баспасөз қызметінің мәліметінше, тоқтатылған рейстер жолаушыларына билеттердің толық құнын айыппұлсыз қайтару мүмкіндігі ұсынылады. FlyArystan-ның ресми сайты немесе мобильді қосымшасы арқылы билет сатып алған жолаушылар қайтарымды онлайн түрде өз бетінше рәсімдей алады. Ал туристік агенттіктер мен басқа да сату арналары арқылы алынған билеттер бойынша сатып алынған жерге жүгіну ұсынылады.