Індет келгелі бері қорғаныш құралдарының жеткіліксіздігі айқын білінді. Бұл мұқтаждықтың бетін қайтаруға жергілікті зауыттардың бірі бел буған. Осыған дейін бір реттік шприц өндіріп келген цех енді медициналық бетперде шығармақ. Тауарды нарыққа жіберу үшін құжаттаманы үйлестіру ғана қалды. Өндірістің жылдық қуаты 25 миллион дананы құрайды. Дегенмен кәсіп иелері «мұнымен тынбаймыз» дейді. Нұролла ЖАНТУМИН, мекеме қызметкері Қазіргі таңда 2 жолақ жұмыс істеп жатыр. Жақын арада үшіншісі іске қосылады. Ал төртінші жолақ көршілес Ресейден келе жатыр. Біздің айлық өндірісіміз – 1 миллион 800 мың дана. Егер болашақта сұраныс болса өндірістік қуатты күшейтіп, кез келген сұранысты қамтамасыз етуге мүмкіндігіміз бар. Сұранысқа ие тауардың сапасы…
Автор: Сайт әкімшілігі
Бүгін Маңғыстау облысының әкімі Серікбай Трұмов ел ағаларымен кездесті. Көшпелі отырыста өңірдің әлеуметтік-экономикалық дамуы, алға қойылған жоспарлары талқыланып, үлкендердің ұсынысы тыңдалды. Бұл туралы Маңғыстау облысы әкімдігінің әлеуметтік желідегі ресми парақшасында хабарланды. Жиында өнеркәсіптік әлеуетті толық пайдалану, ауыл шаруашылығын дамыту, шағын және орта кәсіпкерлік, білім мен медицина саласына қатысты азаматтардың әлеуметтік әл-ауқатын арттыру мәселелері көтерілді. С.Трұмов өзінің алғы сөзінде ортақ мәселелерді шешу үшін осындай кездесулерді өткізудің маңыздылығын атап өтті. Өйткені, қоғамдық құрылыстың, экономика мен шаруашылықтың сан-саласында ұзақ жылдар елеулі еңбек етіп, бүгінгі таңда елдің тыныс-тіршілігінен қалыс қалмай, әлі де болса бойдағы күш-қуатын қоғам игілігіне жаратуды көздеген ақсақалдардың өңір дамуында алатын орыны…
Ауылдық өңірлерде қаржыгер мен заңгер тапшы. Себебі, онда баруға ешкімнің құлқы жоқ. Бұл туралы облыстың кеңейтілген кадр комиссиясы отырысында айтылды. Одан бөлек, мемлекеттік аппараттағы штат санын 10 процентке азайту жоспарланған. Алайда мемлекеттік қызмет істері агенттігінің Атырау облысы департаментінің басшысының пікірінше, бұл шара білікті мамандарды айналып өтуі тиіс дейді. Салауат МҮКСІМОВ, ҚР Мемлекеттік қызмет істері агенттігі АОД басшысы Округ әкімдеріне штаттық кестені қайта қарап, қаржыгер және заңгер лауазымдарын нақтылауды сұраймын. Абай атамыз айтқандай, «Көп шуылдақ не табар, билемесе бір кемел». Биыл мемлекеттік аппаратты оңтайландыру үрдісі олардың қатарын 10 пайызға қысқарту білікті және тиімді қызметкерлерді айналып өтуі тиіс. Мейлінше, тұрақты бос орындарды…
Былтыр ғана жаңа мектептің салынатынын естіп, бөркін аспанға атқан жаңаталаптықтардың қуанышы ұзаққа созылмады. Биылғы оқу жылында пайдалануға берілуі тиіс 300 орынды білім ошағының әлі іргетасы да қаланбаған. Соның кесірінен округ тұрғындары балаларын көрші ауылға, тіпті, қалаға жіберуге мәжбүр. 3 000-нан астам халқы бар жаңа ауылда мектеп, балабақша, тіпті, ойын алаңдары жоқ. Мұндағы жеке тұрғын үйлердің қарқынды құрылысын естіп, округтен қоныс тапқысы келетіндер де аз емес. Ал бұл қазірдің өзінде аяқталмаған нысанға сұраныс одан сайын артады деген сөз. Білім ұясын салатын жер белгіленіп, аумағы қоршауға алынғанымен құрылысы басталмаған. Жоба құны 2 млрд теңгені құрайды. Ал нысанның төлқұжатында жұмыстар 2019 жылдың жазында…
АҚШ-тағы президент сайлауында берілген дауыс санын есептеу басталды. Сайлауға қазіргі президент, республикашыл Дональд Трамп пен бұрынғы вице-президент, демократ Джо Байден түсті. Штаттардағы сайлау учаскелері жабылды. АР агенттігі сайлау нәтижесі белгілі деген штаттарда нақты қай үміткер жеңетінін болжай бастады. Олардың мәліметінше, Байден 9 штатта жеңіске жетсе, Трамп 7 штатта басымдыққа ие болған. Жеңімпаз сайлаудың ресми қорытындысы жарияланғаннан кейін ғана белгілі болады. Ақпарат құралдары жекелеген учаскелердегі дерек негізінде ғана болжам жасайды. Биылғы таңдауда 97 миллион адам мерзімінен бұрын дауыс берген. Көптеген бюллетень пошта арқылы жіберілгендіктен дауыс санау бірнеше күнге созылуы мүмкін. Жалпыұлттық сауалнама нәтижесінде көпшілік Байденді қолдаған. Америка халқы президент сайлауы аясында…
Атырауда ажырасу айтарлықтай азайған. Биылғы он айдағы көрсеткіш өткен жылмен салыстырғанда 40 процентке төмен. Нақтырақ айтсақ, қала бойынша былтыр неке бұзу туралы мың жарымға жуық арыз түссе, осы жылы 900 шаңырақта «ыдыс-аяқ сылдырлаған». Атырау қалалық сотының сөзінше, әлі де болса шағым түсіргендердің басым бөлігі ымыраға келмей, ажырасып тынатын көрінеді. Жасұлан ЖАҚСЫЛЫҚ, Атырау қалалық сотының төрағасы Жоғары Соттың бастамасымен некені сақтап қалу үшін үлкен іс-шаралар атқарылып жатыр. Отбасылық сотта 3 судья жұмыс істейді, биыл татуластыру орталығы ашылды. «Шаңырақ-2008» АҚ-дан 2 психолог бөлінді. Болмашыдан басталған нәрсе түсінбеушілікке ұласып жатады. Олардың ашық сөйлесуі үшін алаң керек. Медиаторларымыз жақсы жұмыс істеп жатыр. Елдің болашағы…
Индер ауданында «Атырау-Ақпарат» ЖШС серіктестігінің басшысы, сондай-ақ, «Атырау» және «Прикаспийская коммуна» газеттерінің бас редакторлары қатысқан кездесуде айтылды. Медиахолдинг директоры оқырманның басты құндылық екенін жеткізіп, онлайн жазылудың тиімділігіне тоқталды. Ысқақ ЕГЕМБЕРДИЕВ, «Атырау-Ақпарат» ЖШС директоры Бүгінгі таңда «Атырау-Ақпаратқа» қарасты жеті аудандық, екі облыстық газет бар. Тың жобалар да басталып жатыр. Жаңа жылдан бастап онлайн жазылу қолға алынады. Онлайн жазылудың артықшылығы кез-келген оқырман интернеті бар жерде отырып онлайн жазыла алады. Әрине, оның бағасы қолжетімді болмақ. Бір айға – 150 теңге. Сіз қалаған айыңызға жазыла аласыз. Оған белгілі бір шектеу жоқ. Өңірдегі аға басылымдардың редакторлары шығармашылық ұжымдардың бүгінгі тыныс-тіршілігін, сондай-ақ, болашақ жоспарлармен таныстырды. Медиа-серіктестіктің…
Республикалық маңызы бар Атырау-Астрахан тас жолында жол-көлік оқиғалары азайған. Биылғы апатты жағдайлар саны былтырғымен салыстырғанда 4 есеге төмен. Қазір күре жолда түбегейлі жөндеу жұмыстары жүргізілуде. Тәртіп сақшыларының сөзінше, қайғылы оқиғаға ауыр жүк көліктері де душар болады. Гүлназира МҰХТАРОВА, Атырау облыстық ПД баспасөз хатшысы Биыл жыл басынан Атырау–Астрахан тасжолында болған екі жол-көлік оқиғасынан 1 адам қаза тауып, 8 адам жарақат алды. Олардың біріне ауыр жүк көлігінің қатысы болған. Қауіп-қатерге толы жолдың ойқы-шойқы шұңқырларынан мезі болған жүргізушілер мен жүк тасымалдау компаниясының өкілдері жөндеу жұмыстарының аяқталуын асыға күтіп жүр. Растям АЖГЕЛЬДЕЕВ, жүк тасымалы компаниясының басшысы Жол күйі нашар болғандығы себепті қолайсыздық өте көп.…
«Ислам мемлекеті» экстремистік тобы Австрия астанасындағы террорлық шабуыл үшін жауапкершілікті өз мойнына алды. Бұл туралы содырлар өз интернет порталдарында хабарлаған. Шабуыл нәтижесінде 4 адам қаза тауып, 20-дан астамы жарақат алды. Сейсенбі күні Вена орталығындағы террорлық шабуыл құрбандарын еске алу мақсатында бір минуттық үнсіздік жарияланды. Ар сәрсенбіден бастап елде үш күндік ұлттық аза тұту басталады. Ел билігі діни және ұлттық төзімсіздікке жол бермеуге шақырды. Себастьян Курц, Австрия канцлері Біз бұл христиандар мен мұсылмандар арасындағы немесе автриялықтар мен мигранттар арасындағы қарама-қайшылық емес екенін түсінуіміз керек. Бұл бостандыққа сенетіндер мен соғысты қалайтындар арасындағы күрес. Бұл өркениет пен жабайылық арасындағы күрес. Біз ел болып…
Маңғыстау облыстық ауруханасының В блогында ем қабылдап жатқан 24 науқас, Ақтауда қаласындағы 1А шағынауданында орналасқан жаңа модульдік стационарға ауыстырылды. Бұдан былай Covid-19 және пневмония диагнозы қойылған науқастар осында ем-дом қабылдайтын болады. Инфекциялық бөлімшеде жаңа заманға сай жасанды тыныс алу аппараттары, оттегі стансасы, биофильтрмен ағынды-сорғылы желдету жүйесі, арнайы көліктерді өңдеу және зарарсыздандыру стансасы бар. Ақхалаттылар тұрғындарды әлеуметтік арақашықтықты сақтауға және бетперде тағып жүруді естен шығармауға шақырады. Қазір жағдай тұрақты болғанымен, санитарлық-эпидемиологиялық ахуал бір сәтте тұрақсыз болып кетуі ғажап емес. Еске сала кетейік, жаңа модульдік стационар 200 науқасқа шақталған. Бұған дейін кадрлық резерв және мамандардың біліктілігін арттыру курстары ұйымдастырылған болатын.