АҚШ-та президенттік сайлауда берілген дауыстарды санау жалғасуда. Джорджия, Невада, Пенсильвания және Солтүстік Каролина штаттарындағы шиеленіс әлі де басылмаған. Көптеген штатта сайлау күні өткеннен кейін де пошта арқылы келіп түскен бюллетеньдерді қабылдауға рұқсат берілген. Бір ғана шарт хат 3 қараша күні жіберілген болуы керек. Сол себепті, дауыс санау процесі ұзаққа созылуы мүмкін. Джо Байденнің штаб-пәтері дауыс саны белгілі болған штаттардағы нәтиже бойынша оның жеңіске жақын екеніне сенімді. Алайда, Дональд Трамптың командасы Демократиялық партияның бақылауындағы сайлау комиссиялары дауыс беру нәтижесін бұрмалады деп күдіктенуде. Олардың айтуынша жергілікті сайлау комиссиялары Трамп тарапынан келген бақылаушыларды дауыс санауға жібермей, сол штатта тұрмайтын және қайтыс болған адамдар…
Автор: Сайт әкімшілігі
Халыққа көрсетілетін мемлекеттік қызметтер атыраулықтардың көңілін көншітпей тұр. Қазір органдардың жұмысы арнайы порталдар арқылы көрсетілсе де, мәселесін аяқтай келіп шешетіндер баршылық. Тұрғындардың сөзіне сенсек, мамандардың қызмет көрсетуі тым ұзаққа созылады. Мұндай шағымды қалалық құрылыс және ТКШ бөліміне келгендер айтты. Мемлекеттік орындардағы олқылықтар ҚР Мемлекеттік қызмет істері агенттігінің жанынан құрылған ведомствоаралық комиссияның мониторингілеуі барысында анықталды. Мамандардың сапасыз қызметінен бөлек, мүмкіндігі шектеулі жандардың мәселесі де айтылды. Жұмабек ЖАРЫЛҒАПОВ, ведомствоаралық комиссияның мүшесі Мониторинг аясында мүмкіндігі шектеулі жандарға қолайлы жағдай жасалмағаны анықталды. Арыз, шағым тастайтын жәшіктің арнайы мөрі және құлпы болмағаны да белгілі болды. Пандусқа қатысты мәселелер қарастырылып жатыр. Басшыларының айтуынша, мекеме жаңа ғимаратқа ауысатын…
Ембіде «ҚазМұнайГаз» ҰК» АҚ компаниялар тобы бойынша ең ұзын горизонталды ұңғыма бұрғыланды. Бұл туралы «Ембімұнайгаз» АҚ-ның баспасөз қызметі хабарлады. «Ембімұнайгаз» АҚ-да соңғы жылдары кен алаңдарында горизонталды ұңғымаларды бұрғылау технологиясын қосу белсенді жүргізілуде. Бұл – Ембі өңірінің байырғы кен алаңдарында қалған қорды игеруге мүмкіндік беретін әдіс. Қайрат КӨЗОВ, «Ембімұнайгаз» АҚ Кен орындарын игеру жөніндегі басқарушы директоры Горизонталды ұңғымаларды бұрғылау технологиясы өзінің тиімділігімен вертикалды ұңғымаларды алмастыруға мүмкіндік береді және қоршаған ортаға тасталар зиянды қалдықтардың көлемі азаяды. Сондай-ақ, бұл әдіс игерілуі қиын кен орындарының өнім беру мерзімін ұзартады. Өткен 2 жылда горизонталды ұңғымаларды бұрғылау әдісі өзінің тиімділігін дәлелдеді. Олардың өнімділігі вертикалды ұңғымаларға қарағанда…
Бала кезінен қолөнерге бейім Маңғыстау облысы, Мұнайлы ауданының тұрғыны, жас кәсіпкер Ахат Избасханов қазіргі уақытта өзінің қызығушылығын кәсіпке айналдырып отыр. Ол нәтижелі жұмыспен қамтуды және жаппай кәсіпкерлікті дамытудың 2017–2021 жылдарға арналған «Еңбек» мемлекеттік бағдарламасы аясында 200 АЕК көлемінде мемлекеттік грант ұтып алды. Бүгінде кәсібін дөңгелеткен Ахат сурет салып, тапсырыстар қабылдайды. Оның қолынан шыққан түрлі өнім көпшіліктің сұранысына ие. Ахат ИЗБАСХАНОВ, қолөнерші Бүгінде шеберханамда ағаш өнеріне қызығушылық танытқан жасөспірімдерге бар білгенінімді үйретіп жүрмін. Алдағы уақытта шеберхананы үлкейту жоспарымда бар. Қазір ағаш өнімдерін жасайтын 2 құрылғым бар. Енді 4 аппарат алуды көздеп отырмын. Бір айдағы табысым 100 мың теңгеге дейін жетеді.
Атырауда ТМД елдерінен әкелініп, тіркеуден өтпеген көлік иелерінің мекен-жайы белгісіз. Осы себепті, олар жол қозғалысы ережелерін бұзғаны үшін айыппұл төлеуден жалтарып кетіп жатады. Жақында аймақта автокөліктердің сақтандыру полисіне қатысты жедел профилактикалық шара басталды. Мақсаты – міндетті сақтандыру шартын жасамаған көліктерді анықтау. Облыстық полиция департаменті баспасөз қызметінің мәліметінше, шараның алғашқы күні тіркеуден өтпеген, міндетті сақтандыру жасаспаған 12 көлік анықталды. Бәрінің мемлекеттік белгісі – шетелдік. Тексеру барысында олардың біріне 34 рет жылдамдығын асырғаны үшін 500 мың теңге айыппұл салынғаны анықталды. Көлік иелеріне ӘҚБтК-нің 230-бабымен хаттамалар жасақталып, автокөліктер арнайы тұраққа қойылды. Жедел профилактикалық шара әлі жалғасуда.
Еуропадағы қауіпсіздік және ынтымақтастық ұйымы Беларусь билігін халықаралық стандартқа сай қайта сайлау өткізуге шақырды. Бұл туралы Венада өткен тұрақты кеңестің жабық отырысында айтылды. Ынтымақтастық және қауіпсіздік ұйымы тапсырған есепте Беларусьте 9 тамыз күні өткен президент сайлауының нәтижесін жою туралы ұсыныс болған. Сондай-ақ, сайлау процесі кезінде биліктің заңнаманы бұзғанына назар аударылып, адам құқығын таптау фактілерін бойынша айыптады. Бұл баяндама АҚШ, Франция, Ұлыбритания және т.б. 17 мемлекеттің өтініші бойынша әзірленген. Құжатта 700-ге жуық айғақ-дәлел келтірілген. Ал Минск болса, аталған құжатты дайындауға қатысудан бас тартқан. Еске салсақ, 9 тамыз күні болған президент сайлауынан кейін Минск пен елдің өзге қалаларында наразылық акциялары басталған еді.…
Атырау облысының әкімі Махамбет Досмұхамбетов тұрғындарды онлайн форматта қабылдады. Бұл туралы өңірлік коммуникациялар қызметі хабарлады. Аймақ басшысының кезекті қабылдауына жазылғандар әр түрлі әлеуметтік мәселеге қатысты өтініштерін айтты. Оның ішінде алдыңғы кезекте тұрғын үй мәселесі мен жалақысы жоғары жұмыспен қамтуға көмек сұрады. Азаматтардың өтінішін тыңдаған аймақ басшысы көтерілген мәселелерді заң шеңберінде шешу жолдары қарастырылатынын және әр өтініштің жеке өз бақылауында болатынын жеткізді. Онлайн қабылдауға қатысқан лаузым иелеріне де өтініштерге қатысты тиісті тапсырмалар берілді.
Атырау мұнай өңдеу зауытындағы ақауға кінәлілер жазаға тартылады. Бұл туралы «ҚазМұнайГаз» ҰК АҚ-ның әлеуметтік желідегі ресми парақшасында хабарланды. «ҚазМұнайГаз» ҰК АҚ Басқарма төрағасының мұнай өңдеу және мұнай химиясы жөніндегі орынбасары Данияр Тиесовтің Атырау мұнай өңдеу зауытына арнайы сапары барысында жиналыс өтіп, онда биологиялық тазарту құрылыстарында орын алған оқиға қарастырылды. Атап айтқанда, қазіргі кезде мұнай өнімдерінің бекітілген нормадан шекті рұқсат етілген шығарындыларының жоғары мөлшері анықталмағаны жөнінде есеп берілді. Бұдан бөлек, оқиға себептері мен жүргізілген тексерудің нәтижелері ескеріліп, табиғатты қорғау бойынша іс-шаралар жоспары қайта пысықталды. Оқиғаны тергеу жөніндегі комиссияның тексеру нәтижелері бойынша АМӨЗ-дің жауапты тұлғаларын жазаға тарту туралы шешім қабылданатын болады. Данияр…
Дания билігі коронавирустың мутацияға ұшырауынан қауіптеніп, елдегі күзендерден құтылу туралы шешім қабылдады. Олар 17 млн қаракүзеннің көзін жоятын болды. Мұндай ақпаратты елдің премьер-министрі Метте Фредериксен мәлімдеді. Оның айтуынша, сүтқоректілерге жұққан коронавирус мутацияланып, артынша адамдарға тараған. Денсаулық органдарының мәліметінше Солтүстік Ютландияның 12 тұрғынынан анықталған коронаиврустың өзгеріске ұшыраған түрі вирусқа қарсы дайындалып жатқан вакцинаның күшін әлсіретіп, антиденелерді жоятын көрінеді. Жалпы, Дания – қаракүзен терісін өндіруші ірі мемлекеттердің бірі. Елде осы жануар түрін өсіретін мыңнан астам шаруашылық бар. Коронавирус инфекциясының күзендерге жұқтыру жағдайы 200-ден астам фермада тіркелген. Қазірдің өзінде олардың үштен бірі жануарлардан толық тазарған. Сондай-ақ, бұл шаруашылықпен айналысатын кәсіпкерлерге өтемақы төленеді.
2019 жылы «Ембімұнайгаз» АҚ-да алғаш рет «Мұнайшылар демалысы» бағдарламасы іске қосылды. Компанияға қарасты өндірістік құрылымдық бөлімшелердегі жатақханаларда жатып, ауысымдық әдіспен еңбек ететін мұнайшылардың жұмыстан кейінгі демалыс уақыттарын тиімді пайдалану мақсатында ондағы спорт бұйымдары, музыкалық аспаптар толығымен жаңартылды. Мұнда кітап бұрыштары ұйымдастырылып, мұнайшылардың жұмыстан кейінгі демалыс уақыттарында кітап оқумен, спортпен айналысуларына барлық жағдайлар жасалған.