Өр суының тасымауы себепті Жайық жағалауындағы ірілі-ұсақты көлдер құрғап қалуда. Сол жерде өсіп-жетілетін жас шабақтар қажетті оттегінің болмауынан жойылып кетудің алдында тұр. Саны жыл сайын азайып жатқан су маржандарын құтқару қазір өзекті. Сол үшін Индер ауданының әкімдігі мен жергілікті балық қорғау инспекциясы шағын көлдердегі шабақтарды Жайыққа жіберді. Азамат ӘБІҒАЛИЕВ, Индер аудандық балық қорғау инспекциясы бөлімінің бас маманы: – Жалпы Индер ауданы бойынша 21 су тоғаны бар. Соңғы жылдары судың тапшылығына байланысты көлдердің көбі кеуіп кетуде. Сондықтан Жайық өзені жағалауында бөлінген кішкентай көлшіктерден жас шабақтарды сүзіп алып, Жайық өзеніне жібереміз. Негізгі мақсатымыз – балықтың өліп қалуын болдырмау. Жыл сайынғы шабақтарды құтқару…
Автор: Сайт әкімшілігі
Гаитидің солтүстігінде Тортуга аралынан адамдар тасымалдайтын қайық аударылды. Салдарынан кем дегенде 14 адам қаза тауып, бірнешеуі із-түссіз жоғалып кеткен. Жергілікті бұқаралық ақпарат көздерінің мәліметіне сүйенсек, қайыққа жолаушы мен жүк артығымен тиелген көрінеді. 9 адам құтқарылып, оларға медициналық көмек көрсетілуде. Ал жоғалған адамдар саны әзірге белгісіз.
Биыл «Мектепке жол» акциясы Atamekenim.kz порталы арқылы жүзеге асады. Аталған порталға Атырау облысы бойынша әлеуметтік аз қамтылған топқа жататын отбасы балалары туралы мәліметтер енгізілді. Бұл туралы Атырау облыстық білім беру басқармасының баспасөз-қызметі хабарлады. Атырау облыстық білім беру басқармасының бөлім басшысы Алмагүл Қайырлиеваның айтуынша, «Мектепке жол» акциясы аясында көмек көрсетудің бұл жаңа форматы өткен жылдан бері қолданыла бастады. Порталдың ерекшелігі – көмекке мұқтаж ата-ана баласының мәліметін ЖСН арқылы тіркеп, тізімге енгізе алады. Алмагүл Қайырлиева, Атырау облыстық білім беру басқармасының бөлім басшысы: – Бүгінгі күні Атырау облысы бойынша әлеуметтік жағдайы төмен, жетім, ерекше білімді қажет ететін 11 187 оқушы бар. Оның 3641-іне…
АҚШ Иранға қарсы санкция салмақ. Бұл туралы ақ үй басшысы Дональд Трамп мәлімдеді. Вашингтон бұл жолы Ирандағы уран өндірісін тоқтатпақ. Сонымен қатар, Иранға салынған қару-жарақ эмбаргосын тағы 13 жылға дейін ұзарту көзделіп отыр. Бұл санкция осы жылдың қазан айында аяқталуы тиіс еді. Алайда БҰҰ-ның қауіпсіздік кеңесі АҚШ-тың бұл шешімін қолдамаған. Дауыс беру кезінде қару-жараққа қатысты тыйымды АҚШ пен Доминикан Республикасы қолдаса, Ресей мен Қытай қарсы болған. Ал ұйымның қалған 11 мүшесі дауыс беруден қалыс қалған. Иран мен әлемнің жетекші алты державасы 2015 жылдың шілдесінде бірнеше айлық келіссөзден кейін Иран атомына қатысты мәселені шешу туралы тарихи келісімге қол жеткізген еді. Тараптар…
Биыл Атырау облысындағы жасөспірімдер қылмысы былтырғымен салыстырғанда 9 пайызға азайды. Жеткіншектерге қатысты 40-қа жуық қылмыс пен 1500-ден астам әртүрлі әкімшілік құқықбұзушылық дерегі тіркелген. Полицейлер олардың тәртібін ретке келтіру үшін кәмелетке толмағандарды бейімдеу орталығы мен девиантты мінез-құлықты балаларға арналған мектеп-интернатқа рәсімдеген. Гүлназира МҰХТАРОВА, Полиция департаментінің баспасөз хатшысы: – Ата-аналардың немесе басқа да заңды өкілдердің балаларды тәрбиелеу жөніндегі міндеттерін орындамауының 85 фактісі анықталды (ҚР ӘҚБтК 127-бабы). Олардың арасында кәмелетке толмағандардың ішімдік ішкені туралы 13 дерек бар. Сонымен қатар, 22:00-ден кейін ойын-сауық орындарында және 23.00-ден кейін ересектердің қарауынсыз көшеге шыққан 1400-ден аса жасөспірім анықталды. Балалардың ата-аналарына немесе олардың заңды өкілдері әкімшілік хаттама толтырылып,…
Бүгін Құрманғазы ауданы аумағында шамамен 3,5 миллиондай шабақ құтқарылды, деп хабарлайды Атырау облыстық коммуникациялар қызметі. Кеше Құрманғазы ауданының Бірлік ауылдық округіне қарасты Амангелді ауылы тұсындағы Ржанау сайына көктемде келетін судың тартылуы салдарынан шағын көлшік бөлініп қалған. Ондағы сазан және мөңке балықтарының шабақтарын құтқару үшін шұғыл шаралар қолға алынды. Шараға жергілікті атқарушы орган өкілдері, жануарлар дүниесін қорғау мекемесі қызметкерлері, ауылдың ерікті жастары, «Каспий балық» және «Амангелді» табиғат пайдалуанушылар қызметкерлері бар 60 адам жұмылдырылған. Соның арқасында шамамен 3 миллионнан аса шабақ құтқарылып, Қиғаш өзеніне жіберілді.
Ақтау қаласының әкімі Нұрдәулет Қилыбай 29-ықшамаудан тұрғындарымен жүздесті. Бұл туралы қалалық әкімдіктің әлеуметтік желідегі ресми парақшасы хабар таратты. Қала басшысы шағынаудандағы балалар ойын және спорт алаңдарының тапшы екендігін, сонымен қатар, ішкі жолдарды қалпына келтіру мен қоқыс контейнерлері, жасыл желектерді суару бойынша мәселелеріне көз жеткізді. Қаладағы көгалдарды суару осыған дейін кездескен бірнеше шағынаудандықтардың өзекті мәселесі болатын. Осы тұста қала басшысы талдарды уақытылы суару мен күтіп ұстау бойынша келер жылға өзге әдіспен іс-жоспар жасақталатынын айтты. Одан бөлек, 29-шағынауданның тұрғын үйлері жанына жаңа бірнеше қоқыс контейнерлері орнатылатын болды. Шенділер жол, балалар ойын және спорт алаңдары мәселелері үшін шағынауданды кешенді абаттандыруға жобалық сметалық құжаттама…
Атыраулық ескекшілер суға қайта шықты. Олар карантиндегі ұзақ уақыт үзілістен кейін жаттығу жұмыстарына кіріскеніне қуанышты. Байдарка мен каноэде ескек есу кез келген спорт түрі секілді жүйелі жаттығуды талап етеді. Ал белестерді бағындыру жолында карантин де кедергі болмауы тиіс. Тимур БАКИРОВ, ескекші: – Өзімізді қалыпта ұстау үшін аптасына 4 рет жүгіріп, осынша рет велосипед тебуді әдетке айналдырдық. Шыны керек, карантин аздап әлсіретіп жіберді. Енді бұрынғы қалыпқа келуге тырысып жатырмыз. Карантинге дейін әр секцияда 40 адам жаттыққан. Қазір олардың саны екі есеге дейін азайыпты. Болашағынан үміт күттіретін әрі ішіндегі ең жасы Илья Аристов – бар болғаны 12-де. Дәл осы кезеңде спортшының икемі…
Қазір Атырауда төрт модульді полиция бекеті бар. Мұның пайдасы мол. Себебі, былтыр мереке қарсаңында Исатай-Махамбет алаңынан бір тәулікте жоғалған 93 баланың ата-анасы жақын маңдағы сондай полиция бекеттеріне жүгіну арқылы перзентімен қауышыпты. Биыл бұл бекеттердің санын арттыру жоспарланған. Жыл басынан бері мұнда 500-ден аса азамат түрлі өтініш-сауалмен жүгінген. Көбі кең ауқымды іс-шаралар кезінде алаңдар мен саябақтарда құжаттарын жоғалтып, баласын таба алмай қалатын көрінеді. Сонымен қатар, ұрлық, алаяқтық секілді қылмыстық жағдайларға куә болған кезде қайда шағымдану керектігі туралы қажетті ақпараттар алынған. Гүлназира МҰХТАРОВА, облыстық ПД баспасөз хатшысы: – Болашақта облыс аумағында осындай заманға сай жабдықтармен, компьютермен және ҚР ІІМ-нің арнайы базасымен қамтылған…
Геолог ықшамауданы бағытындағы теміржол көпірі 22-тамызда ашылатыны туралы қалалық ТКШ бөлімі қосымша хабарлады. Мамандардың айтуынша, бұрынғы айналма жолдағы жөндеу жұмыстары құрылыс материалдарының баяу жеткізілуіне байланысты кешіктірілуде. Сондықтан тұрғындарға тағы екі күн кептелекке көнуден басқа амал жоқ. Ал Амандосов пен Баймұханов көшелеріндегі аумақ 27 тамызда ашылмақ. Аңсаган САҒЫНБАЕВА, қалалық ТКШ бөлімінің баспасөз хатшысы: – Ол жерде асфальт төсеудің өзі 5 бөліктен тұрады. Соның соңғы бөлігін төсеу ғана қалды. Ол үшін жиектасты алып келу міндеттелген болатын. Бірақ 2 күн кешіктірілуіне орай, 22-тамызда Амандосов-Берғалиев көшелеріндегі жол қозғалысы қалпына келтіріледі. Жолдың ашылуы қайта-қайта кейінге қалдырылып келді. Екі аптада ашылуы тиіс уәделі тасжол жауын-шашынның кесірінен…