Бүгіннен бастап темекі және алкоголь өнімдерін сатып алу үшін жеке куәлікті алып жүру шарт емес. Осыған дейін Халық денсаулығы және денсаулық сақтау жүйесі туралы кодекске енгізілген ережеге сәйкес, сатушылардан тұтынушылардың түр-сипатына қарамастан құжат талап ету міндеттелген еді. Жаңа заң көпшілікке жақпай қалса керек, ұзақ уақыт күттірмей, министрлік толықтырулар енгізді. Енді саудагер сатып алушының 21 жасқа толғандығына күмәнданған жағдайда ғана құжатын сұрай алады.
Автор: Сайт әкімшілігі
Армениялық автокөліктерді тіркеудің аяқталуына аз уақыт қалды. Бүгінде Атырау облысында 2600-ден астам жүргізуші сары нөмірлі болып үлгерген. Ресми деректерге сүйенсек, өңірге барлығы 4000 автокөлік еніпті. Тұлпарын қыркүйектің біріне дейін тіркемегендер түрлі қиындыққа тап болуы мүмкін. Оларға 28 мың теңге төлеу міндеттеліп, көлігі айыппұл тұрағына қойылады. Гүлназира МҰХТАРОВА, ПД баспасөз хатшысы: – Автокөліктерді тіркеу Атырау облысы бойынша облыс орталығы Атырау қаласының, Жылой ауданының орталығы Құлсары қаласының және Құрманғазы селосының мамандырылған халыққа қызмет көрсету орталықтарында жүргізілуде. Сонымен қатар, полиция департаментінің полиция басқармасындағы call-орталыққа хабарласып тіркеу ережелерін білуге болады.
Жылыойлық кәсіпкерлер ақхалаттыларға көмек көрсетуде. Вирус жұқтырғандар алғаш тіркелген уақыттан бастап жергілікті әкімдіктің қолдауымен бизнесмендер қаржылай да, заттай да жәрдемдесіп келеді. Бұл жолғы игі істі қос мекеме қолға алды. Осылайша аудандық емханаға түрлі медициналық және техникалық құрал-жабдықтар табысталды. Сейітжан БАЛЖІГІТОВ, мекеме өкілі: – Осы індетті жеңуге барымызша атсалысып жатырмыз. Бұған дейін де біраз демеушілік жасадық. Соның жалғасы ретінде тыныс алу аппараттары мен басқа да керекті құралдар әкелдік. Жалпы, аудандағы эпидемиялық ахуал тұрақты. Бүгінге дейін коронавирус пен пневмонияға шалдыққан 1053 жылыойлықтың 1045-і сауығып шыққан. Аймақта дәрі-дәрмек қоры жасақталып, күні кеше ғана өкпе аурулары ауруханасы жанынан ашылған провизорлық стационар да науқастардың азаюына…
Атыраудағы қалааралық қоғамдық көліктердің шаһардан шығуына әлі рұқсат жоқ. Өзге қалаларға тек әуе қатынасы арқылы жетуге болады. Ақмола, Алматы, Ақтөбе және Маңғыстау облыстарына жүретін жолаушылар пойызына шектеу қойылғалы біраз уақыт өтті. Аудандар мен басқа өңірлерге бару үшін жеңіл көлікті ғана пайдалануға болады. Ал адам тасымалына арналған арнайы автобустардың аяғы тұсаулы. Айгүл ЫСҚАҚОВА, облыстық тауарлар мен көрсетілетін қызметтердің сапасы мен қауіпсіздігін бақылау департаментінің бөлім басшысы: – Қалаға, ауданға тек қана жеңіл көліктің көмегімен бара алады. Оның арнайы тәртіптерін сақтау керек. Яғни, бетперде таға отырып, жүргізушіден басқа 2 адамды алып жүруге болады. Ал демалыс күндері қоғамдық транспорттың жұмысы тоқтатылады. Еске сала кетейік,…
KLPE және ТШО «Газ айыру қондырғысын» жобалау кезіндегі өзара іс-қимылдың негізгі талаптары бойынша келісімге қол қойды. Бұл туралы «Ембімұнайгаз» мекемесінің әлеуметтік желідегі ресми парақшасы хабарлады. 18-тамыз күні «Самұрық-Қазына» ҰӘҚ АҚ-ның Басқарма төрағасы Ахметжан Есімов және «ҚазМұнайГаз» ҰК АҚ-ның Басқарма төрағасы Алик Айдарбаев Атырау облысының өндірістік кәсіпорындарына іссапармен барды. Іссапар барысында Атырау облысындағы қуаты жылына 1,25 млн тонна полиэтилен өндіретін зауыт құрылысының жобасы талқыланды. Бұрын жобаның серіктесі «Borealis» компаниясы болған еді. Алайда COVID-19 инфекциясының таралуы мен мұнайдың төмен бағасына байланысты туындаған жаһандық дағдарыстың салдарынан инвестицияларды шектеуге мәжбүр болған «Borealis» жобаның іске асырылуына қатыспау туралы шешім қабылдады. Соған қарамастан, «Самұрық-Қазына» мұнай-газ химиясы…
Маңғыстау облыстық бас санитарлық дәрігердің № 37 қаулысының 4.7 ші тармағына сәйкес, ауыл шаруашылығы жәрмеңкесі уақытша әр аптаның жұма күні өтетін болады. Бұл туралы Ақтау қаласы әкімінің баспасөз қызметі хабарлады. Ақтау қаласының тұрғындары мен қонақтары 21-тамыз күні «Қасиет» медициналық орталығына қарама-қарсы жол бойындағы жаңа автотұрақта өтетін ауыл шаруашылығы жәрмеңкесіне келе алады. Онда бау-бақша, ет, сүт және балық өнімдері саудаға шығарылады.
Атырау облысының полиция қызметкерлері 18–20 тамыз аралығында ақпараттық технологияларды, соның ішінде интернетте алаяқтықпен айналысатын заңбұзушылықтарға қарсы күрестің тиімділігін арттыруға бағытталған «Anti-fraud» республикалық жедел алдын-алу іс-шарасын өткізді. Осы шараның алғашқы күні Атырау облысында бұрын жасалған алаяқтық сипаттағы 8 интернет қылмыс ашылды. Сонымен қатар, порнографиялық материалдарды тарату фактісі анықталып Қылмыстық Кодекстің 311-бабы бойынша тергеп-тексеру жүргізілуде. Тәртіп сақшылары Instagram әлеуметтік желісінде жиһаз сату туралы хабарландыру жариялап, тұтынушы болған Атырау қаласы тұрғынынан 260 000 теңге мөлшерінде алдын-ала төлем алған Қарағанды облысының тумасын ұстады. Тексеру барысында ұсталған әйелдің осы тектес бірнеше алаяқтық қылмысқа қатысты екені анықталды. Өз кінәсін толық мойындаған азамат әзірге қолхатпен бостандыққа жіберілді.
Жоспар жүйесіз болғандықтан ба, уәде уақытында орындалмады. Амандосов пен Берғалиев көшелерінің қиылысындағы жөндеу жұмыстары тағы да ұзаратын болды. Атырау облысы әкімдігінің әлеуметтік желісінде осы туралы ақпар жарияланды. Әкімдіктегілердің жазуынша, қарама-қарсы бағыттағы жолдарға үш жолақтан дайындалған. Енді инфрақұрылымға арналған жұмыстар атқарылып жатқан көрінеді. Амандосов–Берғалиев көшелерінің қиылысы 22-тамызда ашылады дегенмен, Баймұхановқа дейінгі жол 27-тамыздан бастап пайдалануға берілмекші.
Ауылда балабақшаның жоқтығынан перзентін көрші ауылға таситын ақкөлдіктер үшін жаңа оқу жылы қуанышпен басталмақ. 5 мыңнан астам отбасы тұратын Құрманғазы ауданына қарасты Ақкөл ауылында жаңа балабақша салынуда. 300 орындық мектепке дейінгі ұйымның құрылысы аяқталып келеді. Асхана, гимнастика залы және мектепалды даярлық сыныптары бар балабақша 1-қыркүйектен бастап ашылмақ. Эдуард АЗАТОВ, аудандық құрылыс, сәулет және қала құрылысы бөлімі басшысының орынбасары: – Осы округке 300 орындық мектеп салу жоспарланған. Балқұдықта мектеп жанынан 100 орындық асхана құрылысы жүргізіліп жатыр. Сүйіндік ауылдық округінде жатахана күрделі жөндеуден өтіп жатыр. Құрманғазы ауылдық округінде де орталық үлкен стадионын қайта жарақтандыру басталады. Қазір Құрманғазы ауданындағы басты міндет – карантин…
Еңбекке қабілетті 700 мың қазақстандық жыл соңына дейін жұмыссыз жүруі мүмкін. Мұндай болжамды Еңбек және халықты әлеуметтік қорғау вице-министрі Серік Шапкенов баспасөз мәслихатында айтты. Карантиндік шектеулер мен вирустың өршуі жұмыссыздықтың өсуіне әсер етпей қоймады. Шектеу шараларының шарықтау шегінде жұмыссыздар 4 миллион 200 мыңға жетіпті. Маусымда бұл көрсеткіш 1 миллионға дейін қысқарған. Серік ШАПКЕНОВ, ҚР Еңбек және халықты әлеуметтік қорғау вице-министрі: – Егер карантин ұзарып, инфекция қайта күшейсе, онда бұл көрсеткіш тағы да көбейеді. Бірақ бұл кезде жұмыспен қамтудың жол картасын қолданамыз. Қазақстанда жұмыссыздардың саны 8 есеге өскен. Вице-министрдің сөзінше, 11 мың адам мемлекеттік бағдарламалар аясында қызметке орналасты. Ал Атырауда 18…