Өткен тәулікте республика бойынша коронавирустық инфекция белгілері бар пневмонияның 571 жағдайы және 6 өлім тіркелді. Оған қоса 79 адам емделіп шықты. Бұл туралы coronavirus2020.kz сайты хабарлады. 1 тамыздан бері ауру жұқтырғандардың саны 26 322-ге жетсе, 301 адам қайтыс болған. Ал жазылып шыққандардың саны 5 773 жетті. Маңғыстау облысында соңғы 5 тәулік бойына дерт жұқтырған бір де бір жағдай тіркелмеді. Ал Атырауда соңғы тәулікте 5 адамнан коронавирустың белгілері анықталды.
Автор: Сайт әкімшілігі
Қыркүйектің басындағы есеп бойынша, COVID-19-бен күресуге тартылған 1111 медицина қызметкері коронавирустық инфекцияны немесе вирустық пневмонияны жұқтырған жағдайда мемлекеттік әлеуметтік сақтандыру қорынан берілетін біржолғы әлеуметтік төлемді алды. Сондай-ақ, МӘСҚ аурудың салдарынан қайтыс болған 8 медицина қызметкерінің туыстарына ақша аударған. Жоғарыда аталған төлем төленетін медицина қызметкерлерін өңірлердің және республикалық маңызы бар қалалардың денсаулық сақтау басқармалары жанындағы арнайы комиссиялар ауырған медицина қызметкерлерін тексеру нәтижелері негізінде анықтайды. Өтінімдерді жинақтауды ҚР Денсаулық сақтау министрлігі жүзеге асырады, одан кейін өтінімдер электрондық іс макеттерін қалыптастыру үшін «Азаматтарға арналған үкімет» мемлекеттік корпорациясы» КЕАҚ-қа беріледі, кейін төлем тағайындау үшін МӘСҚ-ға жіберіледі. COVID-19 немесе вирустық пневмонияны жұқтырғаны үшін төлем алғандардың…
Президент Қасым-Жомарт Тоқаев Қазақстан халқына арнаған Жолдауында айтылған құқық қорғау саласы мен сот жүйесін реформалауды жүзеге асыру мәселелері жөнінде кеңес өткізді. Бұл туралы Ақорданың ресми сайты хабарлады. Мемлекет басшысының айтуынша, алдағы өзгерістердің басты мақсаты – заң үстемдігін, әділеттілікті және азаматтардың қауіпсіздігін қамтамасыз ету. Жиында азаматтардың құқықтары мен бостандықтарын қорғауды қамтамасыз етудің үш буынды моделін құру және құқық қорғау органдары мен сот жүйесі өкілеттіліктерінің ара-жігін ажырату мәселелеріне басымдық берілді. Президент аталған жүйе заңдылық пен әділеттілікті қалыптастыру механизмінің кепілі болуға тиіс екенін атап өтті. Қасым-Жомарт Тоқаев «Жаңа жағдайдағы Қазақстан: іс-қимыл кезеңі» Жолдауындағы міндеттерді жүзеге асырудың негізгі бағыттарын белгілеп, құқық қорғау органдары басшыларына…
Сәтбаев көшесіндегі көпқабатты 16-үйдің тұрғындары ойын алаңына тиесілі жердің заңсыз иемделгенін айтып шағымдануда. Таң атысымен наразылық білдірген олар кәсіпкер мен әкімдіктегілердің іс-әрекеті қытықтарына әбден тигенін жеткізді. Ерлан ӘМІРҚҰЛОВ, Атырау қаласының тұрғыны: – Қалалық әкімдік бізді жер қатынастарын тексеру бөліміне жіберді. Бізге ол жақтан хат жіберді. Президенттің тапсырмасымен жеке кәсіпкерді тексере алмаймыз дейді. Жарайды, онысымен келісеміз. Бірақ біз салығын тексерсін деп жатқан жоқпыз. Жауапты мекеме ретінде келіп, құжаттарының дұрыстығын көрсетсін. Біз осының заңды екеніне көз жеткіміз келеді. Элитарлық мектеп-балабақша кешенінің аумағы алғашында мұндай кең болмаған. Кезінде балалар асыр салып жүрген жерде қазір қариялар бел жазатын орын да жоқ. Кәсіпкер бұл жерді…
Бүгін таңертеңгі сағат сегіз шамасында Атыраудағы Махамбет пен Бейбарыс көшелерінің қиылысында адам өліміне соқтырған жол-көлік апаты болды. Оқиғаға «Лада Ларгус» жеңіл автокөлігі мен қос бірдей автобустың қатысы болған. Алдын ала болжам бойынша апатқа көше қиылысындағы істен шыққан бағдаршам себеп болуы мүмкін. Бізге жеткен деректерге сүйенсек, оқиға салдарынан «Лада» автокөлігінің 1996 жылғы жүргізушісі сол жерде жан тапсырса, көліктегі жолаушы жансақтау бөліміне жеткізілген көрінеді. Ал түрлі дене жарақатын алған автобустың 7 жолаушысына дереу алғашқы медициналық жәрдем берілген. Қазір осы жағдай бойынша ҚК-тің 345-бабымен қылмыстық іс қозғалды.
Атыраулық жүргізушілердің асыға да, қорқа да күтіп жүрген «Сергек» камералары 10 қыркүйектен бастап айыппұл салуды бастайды. Мұнайлы шаһардағы 3 мың ақылды камера жол ережесін бұзғандарды қалт жібермей, анықтап отырмақ. Қырағы камералардың 774-і қоғамдық қауіпсіздікті бақылайды. Яғни, мектеп, саябақ, вокзал, әуежай, аурухана сияқты қоғамдық орындарда орнатылған. Ал көше қиылыстарындағы 750 камера жылдамдықты асыру, тоқтау жолағы мен 15 метрге дейінгі үзіксіз сызықты кесу секілді ережебұзушылықты анықтайды. Тек жылдамдықты қадағалауға арналған 614 камера ұзын көшелерде орналасқан. Назымгүл ҚАЙСАҒАЛИЕВА, Атырау қаласы әкімінің баспасөз хатшысы: – Қазір «Сергек» камералары 153 жолда және 51 көше қиылысында орналасқан. Олар қазірден бастап нақты жұмысқа кірісті. Бірақ айыппұл салу…
Әдеби жанрдың оқырмандары темір тордың ар жағынан да табылды. С.Өтебаев атындағы Атырау мұнай және газ университеті Атыраудағы әйелдер колониясына жүздеген дана кітап тарту етті. Тартылған туындылардың мазмұнына да ден қойылған – басым бөлігі психологиялық және мотвациялық бағыттарда. ЖОО ректорының айтуынша, қазіргідей қиын сәтте қолдау бәріне қажет. Гүлзада ШАКУЛИКОВА, С.Өтебаев атындағы АтМГУ ректоры: – Дағдарыс қоғамның прогрессивті бөлігінен бұрын бас бостандығынан айырылған әйелдер үшін қиынға соғуда. Сондықтан жоғары оқу орны ретінде біз әйелдерге көмек көрсетуді мақсат етіп қойдық. Темір торға түскендер жақында онлайн режимде тіл үйрену курстары мен кәсіпкерлік тренингтерге қатысып, психолог кеңесін ала алады. Бұл жұмыстарды университет мамандары жүргізбек. Идея…
Қыркүйекте ауа райы құбылмалы болады деген болжам бар. Алғашқы онкүндікте термометр көрсеткіші 37 градусқа дейін көтерілсе, айдың ортасында бұл бағам 32-ге төмендемек. Синоптиктердің сөзінше, үшінші декадада ауа температурасы 27–29 градус аралығында болады. Мейіргүл ҒИЛАЖЕВА, «Қазгидромет» РМК АОФ жетекші инженер-синоптик: – Орташа ауа температурасы 18–19 градус жылылықты көрсетеді. Бұл нормаға сай. Жауын-шашын мөлшері қалыпты болады деп күтілуде. Жаңбыр мен желдің күшеюі көбінесе бірінші және екінші онкүндіктің ортасында және үшінші онкүндіктің соңында болады. Ал қыркүйектің бірінші бөлігінде найзағай мен дауыл күтіледі.
Соңғы тәуліктің есебі бойынша, Атырау облысында коронавирус жұқтырған жалғыз адам тіркелсе, Маңғыстау облысында соңғы төрт тәулік бойына ешқандай адам дерт жұқтырмаған. www.coronavirus2020.kz сайтының мәліметінше, өткен тәулікте коронавирустық инфекция белгілері бар пневмонияның 27 жағдайы және 3 өлім тіркелді. Бір қуанарлығы, 103 адам емделіп шыққан. 1 тамыздан бері барлығы 25 751 адам ауырса, оның 295-і қайғылы жағдаймен аяқталған. Ал жазылып шыққандардың саны 5 694-ке жетті.
ҚР Білім және ғылым министрі Асхат Аймағамбетов халықты балабақшамен 100 пайызға қамту қай кезеңде шешілетіні туралы айтты Асхат АЙМАҒАМБЕТОВ, ҚР Білім және ғылым министрі: – Мемлекет басшысының Жолдауында білім мен ғылым саласын дамыту бойынша тапсырмалар берілді. Бұл тапсымаларды іске асыруды қамтамасыз ету бойынша жұмысты бастадық. Басты бағыттарына тоқталсақ, 6 жасқа дейінгі балаларды балабақшамен 100 пайыз қамту жөніндегі міндет 2025 жылға қарай кезең-кезеңмен іске асырылады. Министрдің айтуынша, бұл жұмыс жекеменшік балабақшалардың үлесін көбейту арқылы орындалады. Яғни, қазір мемлекеттік тапсырысты қай балабақшаның алатынын аудан, қала білім бөлімдері шешсе, ал бұдан кейін оны ата-аналардың өздері ваучерлік қаржыландыру принціпімен шешетін болады. Нақты бір баланың…