Кеше Атырау әуежайынан Алматыға бағыт алған «FlyArystan» әуе компаниясының ұшағынан техникалық ақау шықты. КС-7201 рейсінің ұшуы барысында желдету жүйесіндегі авионикалық дабыл іске қосылып, экипаж мүшелері кері қайтуды шешкен. Куәгерлердің сөзіне сенсек, әуе кемесі Атыраудың аспанын бір сағат бойы айналыпты. Ал компания өкілі ұшақтың не себепті бірден қондырылмағанын былай түсіндірді: Ләззат НӘБИЕВА, «FlyArystan» әуе компаниясының баспасөз хатшысы: – Әуе кемесінің қондыру салмағын азайту үшін жанармайдың таусылуын күтуге тура келді. Ұшақ штатты режимде жерге қонағаннан кейін «ЭйрАстананың» инженерлік қызметі техникалық тексеріс жүргізді. Жарты сағат ішінде әуе кемесі эксплуатациядан өтіп, ақау қалыпқа келтірілді. Жолаушыларды қондырып, кері тіркеуден өткізуге бір сағат 40 минут уақыт…
Автор: Сайт әкімшілігі
Атырау облысы бойынша 722 жұп жасанды ұрықтандырудың кезегінде тұр. Ал ақылы клиникалардың тіркеу журналындағы сан бұдан 4 есе көп. Бұған еш жерге тіркелмеген ерлі-зайыптыларды қосыңыз. Мамандардың айтуынша, бедеуліктің алдын алуға биыл 37 квота бөлінген. Дегенмен бұл да аз, себебі, келушілер жыл санап көбеюде. Гүлсара БАСАРОВА, Адам ұрпағын өрбіту орталығының директоры: – 37 квота облысқа аздық етеді. Ал Қасым-Жомарт Кемелұлының жолдауымен «Аңсаған сәби» бағдарламасы бойынша квотаны 7000-ға дейін көтеру – өте үлкен жаңалық. Әдетте мекемеге жүгінгендердің жартысына жуығының емі сәтті аяқталып, ата-ана болу бақыты бұйырып жатады. Сондай баққа ие болған жанның бірі – 35 жастағы келіншек. Аты-жөнін жасыруды сұраған оның сөзінше,…
Коста-Рика ғалымдары жылқылардан алынған антиденелер негізінде коронавирусты емдеудің арзан әдісін сынауды бастайды. Біраз уақыт бұрын жылқыларға COVID-19 тудыратын SARS-Cov-2 вирусы егілген еді. Бұл туралы ҚазАқпарат хабарлады. Препаратты сынауға 26 пациент қатыспақ. Дәріні Коста-Рика университетінің Клодомиро Пикадо институты (ICP) әзірлеген. Коста-Рика билігі зерттеудің екінші кезеңі сәтті өтсе, дәрі-дәрмекті ауруханаларда кеңінен қолдануға үмітті. Бүгінде Коста-Рикада коронавируспен ауыратын 471 науқас стационарлық ем қабылдауда. Мұндай зерттеулер Аргентина мен Бразилияда да жүріп жатыр.
Өткен тәулікте республика бойынша коронавирустық инфекция белгілері бар пневмонияның 16 жағдайы және 1 өлім тіркелді. Оған қоса 217 адам емделіп шықты. Ал 1 тамыздан бері барлығы 27 778 адам ауырса, 315 өлім жағдайы тіркелген. Жазылып шыққандардың саны – 6 176. Сондай-ақ, Атырауда соңғы тәулікте 3 адамнан ауру анықталса, Маңғыстау өңірінде бірде-бір науқас тіркелмеді.
ҚР Ұлттық экономика министрлігі Статистика комитетінің ресми сайты 2020 жылғы тамыз айындағы Маңғыстау облысының ең төменгі күнкөріс деңгейінің мөлшерін жариялады. Орташа есеп бойынша ең төменгі күнкөріс деңгейінің мөлшері 42 667 теңгеге жеткен. Нақтырақ айтсақ, 13 жасқа дейінгі балалар үшін 38 288 теңге керек болса, 14–17 жас аралығындағы ұлдар мен қыздардың қажеттілігіне тиісінше 53 003 және 40 610 теңге жеткілікті болған. Ал 18 жастан асқан еңбекке қабілетті ерлер мен әйелдер бір айда 49 969 және 39 631 теңге жұмсаған көрінеді. Сондай-ақ, статистикада зейнеткерлер мен қарт адамдарға 39 346 теңге керектігі жазылған. 13 жасқа толмаған балалардың азық-түлігіне 21 058 теңге қажет болса, басқа тауарлар мен ақылы қызметтерге 17 230…
Статистика бойынша, биыл тіркеуге тұрған жүкті әйелдердің саны былтырғымен салыстырғанда 25 процентке кеміген. Қолда бар мәліметке сүйенсек, алғашқы сегіз айда аяғы ауыр келіншектердің саны өткен жылдағыдан 167-ге дейін азайыпты. Ал сәуір мен қыркүйек аралығында 329 әйел құрсақ көтерсе, бұл сан былтыр 400 болған. Бұның бәрі – бір ғана емханадағы көрсеткіш. Дегенмен бұл статистика облыс бойынша бірқалыпты болып саналады. Дәрігерлердің айтуынша, жылына 16 мыңнан аса ана сәби сүйеді. Дәл қазір облыстық перинаталдық орталықта 9000-ға жуық жүкті әйел тіркеуде тұр. Бір айда оның мың жарымы баласын бауырына алады. Қазір облыстық перзентхананың провизорлық бөлімінде аяғы ауыр 2 әйел бар. Бұл көрсеткіш пандемияның қиын…
Алмалы ауылдық округіне қарасты Бугорки саяжайы маңындағы қоқыс туралы бейнероликтің әлеуметтік желіні шарлағанына біраз болды. Видеода байқалғандай, шашылған шыны бөтелкелер мен полиэтилен пакеттерден аяқ алып жүру мүмкін емес. Табиғатта демалуды әдетке айналдырған атыраулықтар қасақана «ұмытылған» қоқысы үшін қызаруды білмейтін сыңайлы. Тамара ТИТОВА, «Энергетик 5» бағбандық қоғамының төрағасы: – Келген демалушылар Жайықты да қоқысқа толтырып кетеді. Мына жерде жүріп, ескерту жасасам, өздерінікін дұрыс деп есептейді. Мен барлық қала тұрғындарынан арттарын жинап жүрулерін сұраймын. Бізде жасыл желек аз. Отырғыза қалсақ, оларды жұлып алып, сындырып кетеді. Қаптаған қалдыққа бей-жай қарамайтын табиғат жанашырлары бұл аумақта «Taza picnic» эко шарасын ұйымдастырды. Өңірдің 500-ге жуық тұрғыны…
Шаһарда аз қамтылған 300 шаңыраққа азық-түлік таратылды. Әлеуметтік қаптың 150-і Имағали мешітінде берілсе, жартысы қалған 6 мешітте жүзеге асты. Шараның өтуіне ат салысқан имамдардың айтуынша, бұл – індет кезіндегі садақа жасаудың әрі қайырымдылыққа атсалысудың әдемі үлгісі. Алтынбек ҰТЫСХАНҰЛЫ, Атырау облысының бас имамы: – Еліміздің түкпір-түкпірінде яғни әрбір жерде осындай қайырымдылық шарасын өткізіп отыр. Өйткені, қырқын, жетісін, үшін деген қазіргі таңда беріліп жатқан жоқ. Солардың орнына әлеуметтік жағдайы төмен отбасыларға қайырымдылық шараларын өткізіп отыр. Садақаның сауабынан үмітті жандар дәл осындай 6 300 қап азық-түлік әзірлеп, оны тарату жұмыстарын республика көлемінде қолға алған. Індет кезінде тұрмысы тұралаған тұрғындар игі істі бастаушыларға алғысын…
Маңғыстау облысында сұйытылған газ мәселесі нақты шешімін таппай тұр. Облыс бойынша көгілдір отынды сататын станса қожайындары бүгін тағы да әкімдік жанына жиналды. Олар бірнеше жылдан бері түйінін таппаған мәселенің басын ашуды сұрайды. Жиналған кәсіпкерлер сұйытылған газ әр кәсіпкерге қолжетімді болсын деген талап қойды. Ал ол үшін электронды сауда алаңы арқылы сатып алу тиімдірек. Алайда газ мөлшерін бөлу министрлік тарапынан бекітіледі екен. Әбден ашынған кәсіпкерлер бірнеше жылдан бері шешімін таппаған мәселенің бизнеске жасалған қастандық екенін айтады. Олар әкімдік пен министрлікке жазылған хаттың шегі болмаса да, нақты жауап ала алмай сандалып жүргендеріне ызалы. Көбі түрлі тосқауылдарға байланысты сұйытылған газды келісімшарт жасалмаған газ…
Атырауда бір айда орташа есеппен 36 119 теңгемен күнелтуге болады. Бұл туралы ҚР Ұлттық экономика министрлігі Статистика комитетінің ресми сайты хабарлады. Нақтырақ айтсақ, 13 жасқа дейінгі балалар үшін 34 138 теңге керек болса, 14–17 жас аралығындағы ұлдар мен қыздардың қажеттілігіне тиісінше 44 332 және 33 959 теңге жеткілікті. Ал 18 жастан асқан еңбекке қабілетті ерлер мен әйелдер бір айда 41 872 және 33 180 теңге жұмсайтын көрінеді. Сондай-ақ, статистикада зейнеткерлер мен қарт адамдарға 33 051 теңге керектігі жазылған. 13 жасқа толмаған балалардың азық-түлігіне 18 776 теңге қажет болса, басқа тауарлар мен ақылы қызметтерге 15 362 теңге шығын жұмсалады. 14–17 жастағылар: ұлдар үшін 24 383 (азық-түлік) теңге,…