Қазақстандықтардың 60%-да коронавирусқа қарсы иммунитеті болғанда пандемияны тоқтата аламыз. Бұл туралы ҚазАқпарат тілшісіне берген сұхбатында ҚР ДСМ Қоғамдық денсаулық сақтау ұлттық орталығының директоры Дамир Көбжасаров айтты. Оның айтуынша, қазіргі уақытта қазақстандық вакцина (QazCovid-in®) ДДҰ-на I және II фазалық клиникалық зерттеулерге кандидат вакцина ретінде тіркелді. Ол Алматы қаласындағы Фтизиопульмонология Ұлттық ғылыми орталығында клиникалық сынақтан өтетін болады. Тәжірибеге 18–50 жас аралығындағы денсаулығы жақсы еріктілер қатыса алады. Сонымен қатар, Дамир Көбжасаров ҚР Денсаулық сақтау министрлігінің коронавирус бойынша жасап жатқан болжамдарының дәлдігне қатысты пікір білдірді. Дамир КӨБЖАСАРОВ, ҚР ДСМ Қоғамдық денсаулық сақтау ұлттық орталығының директоры: – COVID-19 – әрдайым қолданыстағы эпидемиологиялық заңдар мен қағидаларға…
Автор: Сайт әкімшілігі
Өткен тәулікте республика бойынша коронавирустық инфекция белгілері бар пневмонияның 139 жағдайы және 1 өлім тіркелді. Оған қоса 2 адам емделіп шықты. Бұл туралы coronavirus2020.kz сайты хабарлады. Атырауда 6 адам тіркелсе, Маңғыстау облысынан бірде-бір науқас анықталмады. Ал 1 тамыздан бері барлығы 27 762 адам ауырып, 314 жағдай өлімге соқтырған. Сонымен қатар, жазылып шыққандардың саны – 5 959.
Атыраудан Каспий теңізіне қарай 30-40 шақырым жерде қамыстың біраз уақыттан бері өртеніп жатқаны қалалықтарға белгілі. Жергілікті төтенше жағдай қызметкерлері батпақтың кесірінен өртті сөндіру мүмкін болмай отырғанын айтқан еді. Осыған байланысты Шымкенттен арнайы МИ-17 тікұшағы жеткізіліп, өрттің үстіне 30 тоннаға жуық су шашқан. Сондай-ақ, ТЖМ қызметкерлері «Еврокоптер-145» тікұшағы арқылы да әуеден жиі мониторинг жасап отырған. Қазіргі уақытта елдімекендерге келіп тұрған қауіп жоқ. Қызыл жалын басқа кеше кешке қарай сөндірілді. Оған 93 адам мен тікұшақтан бөлек 23 техника жұмылдырылған.
Мирас ықшамауданында не қоқыс салатын жәшік, не жаяужол қарастырылмаған. Ал жолдың арғы бетіне өткіңіз келсе, жүгіріп өтуден басқа амал жоқ. Мирас ықшамауданының тұрғындары өздерін жауаптылардың назарынан тыс қалған жетім балаға теңейді. Жолы болғанымен тротуары, белгілері болғанымен жолағы жоқ көшеде жүру, әсіресе, балалар үшін қауіпті. Олардың айтуынша, кейін пайда болған аудандардың өзінде аталған мәселелердің бірі де жоқ. Тұрғындар қоқыс жәшігіне де жарымай отырғандарын айтады. Сол себепті, тұрмыстық қалдықтарды екі апта бойы үйде сақтауға мәжбүр. Сейітқали ТОЙЛЫБАЙ, қала тұрғыны: — Біздің өзекті мәселеміз — қоқыс шығару. Осы — 2000-нан бергі басты прблема. Қоқыс қоятын жәшік жоқ. Біз ұсыныс жасағанмен, жоқ екенін айтады.…
«Атырау – адалдық алаңы» жобалық кеңсесінің қызметкерлері жүргізген тексеріс барысында әскери билет пен жүргізуші куәлігін жасайтын жігіт туралы таралған ақпарат расталды. Өзін бірде ресейлік, бірде елорда тұрғыны ретінде таныстырған азамат жүргізуші куәлігін категориясына қарай 60-80 мың, ал әскери билетті 100-150 мың теңгеге әзірлеп береді. Пысықай жігіттің жасаған құжатына қол жеткізгендер телеграм арқылы алғыс та айтқан. Дегенмен Атырау облысында мұндай жағдай тіркелген жоқ. Мамандандырылған халыққа қызмет көрсету орталығының қызметкерлері емтихан тапсыру кезеңі әділ өтетіндіктен, осы секілді жайттарға жол берілмейді деп отыр. Едіге ДОСҚАЛИЕВ, «Азаматтарға арналған үкімет» МК» КЕ АҚ АОФ бөлім басшысы: – Әлеуметтік желіден көріп жатырмыз. Бірақ ол жерде алаяқтық…
Мұнайлы өңір халқы 650 мыңға жетті. Тұрғындар өткен жылмен салыстырғанда 12 мыңға артып, Атырау облысы елорда, Алматы, Шымкент қалалары мен Маңғыстаудан кейінгі бесінші орынға тұрақтады. Облыс халқының тең жартысы ауылдық жерде тұрады. Олардың ең көп қоныстанған аудандары — Жылыой, Құрманғазы және Индер. Сонымен қатар, туу коэффициенті де өсіп отыр. Маржан ӘКІМОВА, Атырау облыстық статистика департаментінің басқарма басшысы: —Облыс халқы жыл басынан бері 6 423 адамға немесе 1,3 пайызға өскен болатын. Қаңтар-шілде айында 9 821 сәби дүниеге келді. Өткен жылмен салыстырғанда, 30,4 пайызға немесе 180 сәбиге артық. Ал ел тұрғындарының саны бірінші тамыздағы мәліметке сәйкес, 18 миллион 768-ге жетіп отыр.
KazService журналының нұсқасы бойынша Қазақстанның үздік мұнайшыларының рейтингі жарияланды. Оған бизнесмендер, мұнай-газ компаниялары мен мемлекеттік құрылымдардың басшылары енді. Биылғы оңай емес кезеңде бұл тізім жаңа он адаммен толықтырылды. Сонымен, алғашқы ондыққа Атырау облысының бұрынғы әкімі Нұрлан Ноғаев кірді. Ал үздік елулікке Ноғаевтың кезінде әкім орынбасары болған, қазіргі энергетика вице-министрі қызметіндегі Жұмабай Қарағаев енді. Бұрын бұл тізімнің үшінші орнында тұрған Махамбет Досмұхамбетов биыл көрінбеді. Рейтингті құру кезінде компанияның құны, әлеуметтік және экономикалық маңызы мен үміткерлердің лауазымы сынды критериялар назарға алынды.
Атырауда мұнайшылар күні аталып өтті. Қара алтынды өндіріп, талмай еңбек етіп жүрген мұнай-газ кешеніндегі компания өкілдері Сафи Өтебаев атындағы Атырау мұнай және газ университетінде бас қосты. Жергілікті биліктен бастап, 36 компания республикада мұнай-газ саласы кадрларын даярлайтын бірден-бір мамандандырылған жоғары оқу орнына қолдау көрсетуге білек сыбана кіріскен. Ол үшін оқу орны жанынан индустриялық комитет пен қамқоршылық кеңесі де құрылған. Комитетке мүше мекемелер университеттің даму стратегиясына, оқу процесіне қатысу мүмкіндігіне ие. Нақтырақ айтсақ, мұнай-газ, геология саласындағы компания қызметкерлері оқу орнына келіп, білім алушыларға дәріс беріп, тәжірибемен бөліседі. Қамқорлық кеңесті облыс әкімі басқарады. Оған «Теңізшевройл», «НКОК», «Ембімұнайгаз», «АМӨЗ», «Каспиймұнайгаз», «КМГ Инжиниринг» секілді ірі…
Өңірлік Бас редакторлар клубының кезекті мәжілісі Индер ауданында ұйымдастырылды. Дендер топырағына қадам басқан облыс журналистері алдымен қазақ позиясының алыптары – Мұрат Мөңкеұлы мен Табылды Досымовтың ескерткіштеріне тәу етті. Одан кейін қазақ журналистикасының өркендеуіне өлшеусіз үлес қосқан тұлғалардың «Жетілген», «Бодандық пен бостандық» және аудан жастарының шығармаларын топтастырған «Жалын жүрек жырлайды» кітаптарының түсаукесеріне қатысты. Атыраудағы «Ағатай» баспасында жарық көрген туындылар оқырмандарға тарту етілді. Қойшығұл ЖЫЛҚЫШИЕВ, «Ағатай» баспасының директоры: – Бүгін өтіп жатқан журналистер күніне орай көп жыл редакторлық еткен Төлеубай Ысқақовтың, Ерсайын Көшековтың жергілікті ақын Самиғолла Ғалымның, жас қызметкер Сұңқар Көшектің кітаптарының тұсаукесері өткізіліп жатыр. Төлеубай Ысқақов аудандық газетте бас редактор бола…
Жол-көлік апаттарына бақташысыз жайылатын төрт түліктің де әсері болатынына көптеген статистика дәлел. Осыған байланысты Маңғыстау облыстық полиция департаменті қажетті шараларды қолға алуда. Апаттың алдын алу үшін жергілікті полицейлер елдімекендердің арасындағы тасжолдарға күні-түні бақылау жасап, қараусыз малды қайырумен жүретінін әркім біле бермейді. Сондай-ақ, жануардың иесі кім екенін анықтап, олармен түсініктеме жұмыстарын жүргізеді. Жағдай қайтала берсе, оларды әкімшілік жауапкершілікке тартуға да қақылы. Қазіргі уақытта адамдармен қатар жылқы, түйе, сиыр малдары көп жүретін жерлерге арнайы шамдар мен ерекше жарық орнатылып, қатты дыбыс шығаратын жолақ төселген. Сонымен қатар, «КазАвтоДор» мекемесі жолдың бірнеше жеріне жануарларды үркітуге арналған ультрадыбысты құрылғы қондырып, сымды және электрлі қоршау жасаған…