Өткен тәулікте республика бойынша коронавирустық инфекция белгілері бар пневмонияның 347 жағдайы және 1 өлім тіркелді. Оған қоса 57 адам емделіп шықты. 1 тамыздан бері барлығы 28 575 адам дер жұқтырса, 317 науқас қайтыс болды. Ал жазылып шыққандардың саны 6 605 жетті. Атырау облысы бойынша 8 адамнан коронавирус белгілері анықталған. Сондай-ақ, бірнеше күннен бері ауру байқалмай келген Маңғыстау өңірінен 2 науқас тіркелді.
Автор: Сайт әкімшілігі
Атырау облысында мұнай кен орны сатылымға шықты. Құны көптің назарын аудармай қоймады, бақандай 50 миллиард теңгеге бағалаған. 135 млн тоннадай қоры бар кәсіпорын шұлықпен бірге сатылып, жарнамалық сайттың шырайын келтірген. Ал энергетика министрлігі «Жер қойнауы және жер қойнауын пайдалану туралы» кодексіне сәйкес, сатылымның заңдылығын жоққа шығарды. Оның үстіне, үлкен көлемді қоры бар кен орны Атырауда мүлдем тіркелмеген. Соған қарағанда, жарияланған жарнама әзіл болуы мүмкін екені айтылды.
Қытай мен Үндістан арасындағы шекарада атыс болды. Бұл туралы «Хабар 24» порталы хабар таратты. Қос тарап бір-бірін айыптап отыр. Қытай әскери өкілінің мәлімдеуінше, Үндістан жауынгерлері қос ел арасындағы нақты бақылау сызығынан асып өтіп, келіссөздерге дайындық білдірген қытай сарбаздарына оқ атқан. Қытай сыртқы істер министрлігінің ресми өкілі Чжао Лицзянь Үндістаннан қауіпті қимылдарды дереу доғарып, алғы шептегі әскерін мұқият бақылауды талап еткенін айтты. Айтуынша, олар болашақта мұндай жағдай қайталанбас үшін оқ атқан сарбаздарын тауып, жазаға тартуы тиіс. Ал Үндістан жағдайдың асқынуына қарсы тарапты кінәлі деп отыр. Олар Қытай жауынгерлері алғы шептегі бекеттерінің бірін қоршауға тырысып, оқ атқанын алға тартуда. Үндістан әскери өкілінің…
Өңірде карантиндік шектеулер жеңілдетілгелі бірқатар жұмыс орны жанданды. Бұл тізімге автовокзал, қала және ауданаралық көлік қатынасы да қосылды. Дегенмен санитария талаптарын сақтау міндетін ешкім кейінге қалдырған жоқ. Бетперде тағу, кіріп-шыққан сайын дене қызуын тексеріп, қолды залалсыздандыру тәртібі сол қалпында қатаң күйде сақталмақ. Ерлан СӘРСЕНҒАЛИЕВ, облыстық жолаушылар көлігі және автомобиль жолдары басқармасының бөлім басшысы: – 3 қыркүйектен бастап Атырау облысы аумағында облыстық бас санитардың қаулысына сәйкес облыстық маршуттар өз жұмысын бастады. Атап айтқанда, Атырау–Құлсары, Атырау–Индер, Атырау–Махамбет, Атырау–Мақат бағытында жол жүрушілер автобекетке кірерде міндетті түрде термометрия және санитарлық шараларға байланысты бекітілген шараларды сақтауға міндетті.
Маңғыстау облысында карантиннің салдарынан тұралап қалған тұз үңгірінің ісі кері жанданды. Былтыр ғана ашылған емдік орынның тұрақты келушілері бар. Кәсіпкер мұнда мүмкіндігі шектеулі жандардың тегін емделуіне жағдай жасалғанын айтты. Жәмила ЖАЛҒАСОВА, кәсіпкер: – Бір күнде 10 адам келеді. Өткен айдың 17-не жұмысымызды бастадық. Жұмыспен қамту орталығынан 4 адам алып, жұмыс тауып бердім. Ең бастысы, өкпе, тыныс алу жолдарын тазартады. Тұз үңгірі үлкен қалалардағы санторийлерде ғана болады. Ақтауда 2-3 жерде кездеседі. Ал біздің Мұнайлы ауданында біреу-ақ. Тұз терапиясы – пандемия кезінде таптырмайтын әдіс. Мұны кез келген емделуші мойындайды. Денсаулығы сыр берген жанға тұз үңгірі санаториймен тең. Мұндай киелі орынның ауылдық жерде…
Құлсары қаласының орталық көшелеріне 2019 жылы 100 бейнебақылау орнату қолға алынған еді. Қазіргі таңда жоспар жүзеге асып, жедел басқару орталығы ашылды. Енді 10 қыркүйек күні, яғни ертеңнен бастап камералар іске қосылмақ. Қазір аудан орталығына орнатылған бейнебақылау құрылғылары қоғамдық тәртіпті назарда ұстаумен қатар басқа аймақтардан енген автокөліктерді автоматты түрде тіркеп отырады. Сондай-ақ, кардон камерасы темір тұлпарлардың жылдамдығын өлшеп, көлік қозғалысын реттеуге септігін тигізбек. Ерболат ДОСМАҒҰЛОВ, Жылыой ауданы полиция бөлімінің бастығы: – Бүгінгі таңда аудан орталығында 100 камера жұмыс жасап тұр. Аудан тұрғындарына 10 қыркүйекте «Кордон» автокөлік жылдамдығын реттейтін құрылғы іске қосылатынын ескерткіміз келеді. Қоғамдық тәртіпті қадағалауда, жылдамдықты реттеуде бұлардың көмегі көп.…
Маңғыстау ауданының орталығы Шетпе кентінде спорт кешендері жөндеуден өтті. Бұл туралы аудан әкімінің кеңесшісі Адайбек Қалиевке сілтеме жасап Маңғыстаумедиа мәлімдеді. Көп жылдардан бері жөндеу көрмеген күрес залына биыл «Жұмыспен қамтудың жол картасы» бағдарламасы бойынша бөлінген 44.240 млн теңге бөлініп, оған «Нұрлы жол Сервис» ЖШС жөндеу жұмыстарын жүргізді. Адайбек ҚАЛИЕВ, Маңғыстау ауданы әкімінің кеңесшісі: – Күрес залының толықтай шатыры ауысты. Залдың іші-сырты сырланды. Ішіне линолеум жайылды. Бокс залына да сондай жөндеу жүргізілді. Жуынатын бөлме дайындалып, су жеткізілді. Барлық жылу, су құбырлары ауыстырылды. Залдың сырты қоршаумен қоршалып, жаттығу құралдары қойылды. «Мантеком» ЖШС бұл жұмыстарды 56.890 млн теңгеге жүргізді. Аталған жұмыс барысында әр…
Индер ауданында биылғы оқу жылы жаңашылдықпен басталды. Кезекші сыныптарда мектепалды даярлық тобы мен бастауыш сынып оқушыларын қосқанда 435 бүлдіршін тәлім алуда. Ал қалған балалардың онлайн оқуы үшін бар жағдай жасалып жатқан көрінеді. Роза ДӘУЛЕТОВА, Әуезов атындағы орта мектеп директоры: – Толық біліммен қамту үшін 127 балаға жалпыға міндетті білім қорынан ақшалай көмек көрсетілді. Биылғы оқу жылының ерекшелігіне байланысты ата-аналар негізінен қажетті құрылғылар алуға жұмсады деп ойлаймыз. Сонымен қатар, ата-аналарға балаларына білім беру үшін мектептегі компьютер құрылғылары берілді. Қазір сабаққа қатыспай отырған бала жоқ. Айтқандай, 295 отбасыға компьютерлер уақытша беріліп, әлеуметтік жағдайы төмен отбасыларға модем, роутер құрылғылары мен интернет желісіне төленетін…
Атыраудағы емханалар тұмауға қарсы екпе салуға дайындықты бастады. Биыл мұнайлы өңірдің 60 мың тұрғыны үшін тегін вакцина сатып алынған. Оның 33 мыңы шаhар халқына бөлініп отыр. Қалалық №1 емханаға өткен жылы 3000 мың доза берілсе, биыл 5 мыңы бөлінді. Өміргүл ҚОСТАЕВА, Атырау қалалық №1 емхананың эпидемиолог-дәрігері: – Вакцина бірінші кезекте тәуекел топқа жататындарға салынады. Бұл дегеніміз диспансерлік есепте тұрған және алты айдан асқан жиі ауыратын балалар, жүктіліктің екінші немесе үшінші кезеңіндегі әйелдер, созылмалы аурулары бар адамдар, медициналық-әлеуметтік мекемедегі тұрғындар. Ал қалғандары өздерінің қауіпсіздігі үшін ақылы екпеге жүгіне алады. Вакцинациялаудан бас тартатындар да жоқ емес. Оларға түсіндірме жұмыстарын жүргізетін арнайы мобильді…
Өткен тәулікте коронавирустық инфекция белгілері бар пневмонияның 450 жағдайы және 1 өлім тіркелді. Оған қоса 372 адам емделіп шықты. Еліміз бойынша тамыздан бері ауырғандардың жалпы саны 28 228 адамға жетті. Сонымен қатар, 316 өлім тіркелсе, 6 546 науқас жазылып шықты. Кеше Атырау облысында 6 адамның ауру жұқтырғаны туралы дерек тіркелсе, Маңғыстау өңірінде әдеттегідей ешкімнен коронавирус табылмады.