Мақат ауданында праймеризге қатысуға 44 адам өтінім берген. Олардың 17-сі – әйелдер болса, 21-і – жастар. Үміткерлердің арасында білім, спорт, теміржол, мұнай, баспасөз саласының мамандары және көпбалалы аналар, мүмкіндігі шектеулі жандар мен кәсіпкерлер бар. Аудандағы жария пікірсайыс қыркүйектің 15-і мен 17-сі аралығында өтті. Мінберде сөз сөйлеген әр қатысушы өзі туралы мағлұмат беріп, сайлауалды бағдарламасымен таныстырды. Қатысушылар өңірдегі ең өзекті және өткір мәселелерге тоқталып, оларды шешу жолдарын ұсынды. Бұдан соң қарсыластар бір-біріне сұрақ қойып, пікірталас тудырды. Сондай-ақ, тұрғындардың әлеуметтік желі арқылы келген сауалына жауап берілді. Үміткерлердің 38-і жария пікірсайысқа қатысуға ниет білдірген. Қай-қайсысы да Мақатта қауіпсіз әрі ыңғайлы өмір сүру үшін…
Автор: Сайт әкімшілігі
Өткен тәулікте коронавирустық инфекция белгілері бар пневмонияның 242 жағдайы және 2 өлім тіркелді. Оған қоса 55 адам емделіп шықты. Бұл туралы coronavirus2020.kz сайты хабарлады. 1 тамыздан бері ауырғандар 30 579-ға жетсе, 337 өлім жағдайы тіркелді. Сондай-ақ, 26 533 науқас жазылып шыққан. Ал Атырау облысынан 3 адам анықталса, Маңғыстау аймағынан ешқандай жаңа дерек тіркелмеді.
Түпқараған аудандық сотында ҚР ҚК-нің 378-бабының 1-бөлігімен Ш-ға қатысты қылмыстық іс қаралды. Бұл туралы Түпқараған аудандық сотының баспасөз қызметіне сілтеме жасап mangystaumedia.kz сайты хабарлады. Сотта анықталғандай, Ш. есімді азамат 2 тамыз күні Форт-Шевченко қаласында мас күйінде полиция қызметкерін балағаттап, олардың ар-намысына нұқсан келтірген. Сот үкімімен Ш. ҚР ҚК-нің 378-бабының 1-бөлігімен кінәлі деп танылып, оған 40 сағатқа қоғамдық жұмыстарға тарту жазасы тағайындалды. Үкім заңды күшіне енді.
Праймериз кандидаттарының кезекті кездесуіне Атырау қаласының әкімі Қайрат Оразбаев қатысты. Қатысушылар бағдарламаларымен таныстырып, шаhардағы өзекті деген мәселелерді көтерді. Үміткерлердің бірі ұзақ жылғы тәжірибесін алға тартса, енді бірі өз саласындағы кемшін тұстарды ортаға салды. Дегенмен олар жаңа леп әкелуден бұрын қолда бар бағдарламаларды тезірек жүзеге асыру керегін айтып шектелді. Ал депутаттыққа үміткерлердің жобасымен танысқан қала әкімі ішкі сайлауға жастардың белсенді атсалысып жатқанына ризалығын білдірді. Қайрат ОРАЗБАЕВ, Атырау қаласының әкімі: Қазіргі уақытта қала бойынша 135 кандидат тіркелген. Оның 51-і, яғни 38 пайызы жастар болғаны бізді қуантады. Бұл партияның жастарға көбірек сенім білдіріп, ісін көрсетуге жағдай жасап жатқанын білдіреді.
Мемлекеттік қызметкерлер келер жылдың шілдесінен бастап факторлы-балдық шкала бойынша жалақы алады. Бұл жүйе осыдан екі жыл бұрын пилоттық жоба ретінде Нұр-Сұлтан қаласы, Маңғыстау облысы әкімдіктерінде және Әділет министрлігі мен мемлекеттік қызмет Агенттігінде басталған еді. Еңбекақы мемлекеттік қызметкердің жұмысының көлемі мен қиындығына байланысты төленеді. Дәстүрлі жалақы төлеуден артықшылығы да осында. Мемлекет басшысының биылғы Жолдауында да жалақы төлеудің жаңа жүйесін енгізу тапсырылған еді. Қазір Маңғыстау облысында 2 800-ге жуық мемлекеттік қызметкер бар. Соңғы екі жылда пилоттық жобамен 1 200 қызметкер жалақы алып келеді. Ал келер жылдың 1 шілдесінен бастап олардың қатары 1 500-ге артпақ. Нұргүл ЖАННАЗАРОВА, ҚР мемлекеттік қызмет істері департаментінің Маңғыстау…
«Атырау – адалдық алаңының» жобалық кеңсесі сауда орталықтарында параның зардабы туралы үндеу парақшаларын таратты. Еріктілер халыққа сыбайлас жемқорлықтың зардабы темір тордың арғы жағында өтелетінін түсіндіруге қанша тырысса да, назар аударған ешкім кездеспеді. Тұрғындар бір жапырақ қағазға мән бермеді де. Алайда ұйымдастырушылар бұл бастаманың мемлекеттік қызметшіге пара ұсыну жағдайларын төмендетуге түрткі болатынына сенімді. Дәурен ҚҰНДЫЗБАЙ, «Адалдық алаңы» жобалық кеңсесінің менеджері: Осы шара халыққа ықпал етіп, сыбайлас жемқорлықтың азаюына өз септігін тигізеді деп ойлаймыз. Пара алған жағдайда тек мемлекеттік қызметшілер емес, пара берген тұлға да жауапкершілікке тартылатыны жөнінде парақшалар таратып, түсіндіру жұмыстарын жүргіздік.
Атырауда өндірістік кооператив басшылары мен балықшылар бір бағаға келісе алар емес. Әдетте күз келсе баға көтеріледі деп қуанатын олардың биыл жұмыс жасайтын құлшынысы жоқ. Өйткені, кооперативтер осыған дейін бір келісі 250 теңгеге бағаланған сазанды 150 теңгеге саудалап отыр. Ал балықшылар ол шыққан шығынымыз бен еңбегімізді өтемейді деп шағымдануда. 200-ге жуық балықшы кооперативтер бағаны көтермесе, жұмысқа шықпаймыз деп кесіп айтты. Осылайша, бірнеше күннен бері ереуілдеткен топтың ісіне жергілікті билік араласты. Дамбы ауылдық округінің әкімдігінде кездесу өткізіп, он шақты кәсіп иесімен мәселені шешуге тырысты. Жиын жабық есік түрінде өтіп, журналистер кіргізілмеді. Екі сағаттық кездесуде қанша шырылдаса да, балықшылардың талабы қанағаттандырылмады. Кооператив басшыларының…
Еуропалық ғарыш агенттігі астероидтың ықтимал қауіп-қатеріне төтеп беру жобасын қолға алды. Бұл туралы «Хабар 24» хабарлады. Оның құны – 130 миллион еуро. Агенттік «Гера» ғарыш аппаратын жасап шығаруды көздеп отыр. Бұл ретте еуропалықтар америкалық НАСА мамандарымен күш біріктірмек. Ортақ жоба 2 астероидтың қозғалыс траекториясын өзгертіп, олардың Жермен соқтығысуын болдырмауға бағытталған. Астероидтардың бірінің диаметрі – 160 метр. Өлшемі Гиза пирамидаларындай. Мұндай аспан денесі жермен соқтығысатын болса, бүкіл бір қаланы тып-типыл етуі мүмкін. Еуропалық ғарыш агенттігінің басшысы Рольф Денсингтің сөзінше, бұған дейін адамзат астероидтар пен өзге де жерге жақын қозғалатын нысандарға төтеп беруге қауқарсыз еді, енді қазір қажетті технологиялар арқылы қауіптің алдын…
Биылғы алғашқы алты айда елімізде мұнай өңдеу өнімдері өндірісінің жалпы көлемі өткен жылғы көрсеткішпен салыстырғанда 9 пайызға азайған. Яғни, өнім көлемі 10,2 млн. тоннаға жетті. Бұл туралы energyprom.kz сайты хабарлады. Өндірістің 86,1 пайызы қазақстандық мұнай өңдеу зауыттары жұмыс істейтін өңірлерден шығады. Тізім басындағы Атырау облысы былтырғымен салыстырғанда 2 пайызға аз, яғни 3,6 млн. тонна өнім шығарған. Павлодар облысы: 2,7 млн. тонна (өткен жылмен салыстырғанда, 13,8 пайыз аз), Шымкент: 2,5 млн. тонна (өткен жылмен салыстырғанда 15,4 пайызға аз). Мұнай отыны, дистилляттар мен газойл өндірісі қаңтар–тамыз аралығында 8,1 млн. тонна болып, өткен жылмен салыстырғанда 12,8 пайызға қысқарған. Соның ішінде керосин шығару, мазут…
Атыраудағы карантиндік шектеулердің ұзартылуына байланысты пойызбен жүру мүмкін болмай тұр. Облыстың бас санитар дәрігерінің қаулысына сәйкес, Нұр-Сұлтан, Алматы, Маңғыстау және Ақтөбе бағыттары бойынша теміржол қатынасы тоқтатылған еді. Дегенмен қалаға кіріп-шығу үшін әуе кемесі, жеңіл көліктер мен автобустарды пайдалануға болады. Жауаптылардың айтуынша, өңірдегі пойыз қозғалысы вирус жұқтырғандардың өсімі тоқтап, карантиндік шектеу алынған жағдайда ғана жанданады. Зульфия ҚАЙРЕДЕНОВА, Атырау облысы тауарлар мен көрсетілетін қызметтердің сапасы мен қауіпсіздігін бақылау департаментінің бас маманы: Темір жол қозғалыстарын жандандыру коронавирустық инфекцияның таралуына жол бермеудің мемлекеттік ведомствоаралық комиссиясының кеңесіне сәйкес қабылданатын болады. Сонымен қатар, бұл мәселе Атырау облысындағы коронавирустық инфекцияның эпидемиологиялық жағдайына байланысты шешіледі.