Облыстың шалғай аудандарындағы тұрғындарға ПТР тестілеу жүргізетін мүмкіндік туды. Жылжымалы зертхана Атыраудағы обаға қарсы күрес стансасына табысталды. «Аса қауіпті инфекцияларды ұлттық зерттеу орталығы» филиалы мамандарының айтуынша, бұл – халықтың санитарлық-эпидемиологиялық қауіпсіздігін қамтамасыз етуде таптырмас көмек. Жылжымалы зертхана жол талғамайтын КамАЗ автокөлігіне орналсқан. Оның бір уақытта 260 адамнан сынама алатын мүмкіндігі бар. Мамандардың сөзіне сенсек, тест тапсыру құны арнайы ауруханаларға арзанырақ болады. Осыған дейін мұндай автозертхана Қызылорда, Батыс Қазақстан, Маңғыстау облысындағы обаға қарсы күрес стансаларына тапсырылған еді.
Автор: Сайт әкімшілігі
Кеңес Одағының батыры, Халық қаһарманы, армия генералы Сағадат Нұрмағамбетовтың жеке заттары мен Рақымжан Қошқарбаевтың Рейхстагқа тіккен жауынгерлік тудың көшірмесі Атырау гарнизонына жетті. Оған қоса, төсбелгілер мен медальдар және әскери формалар қамтылған жылжымалы мұражай көпшілікке жол тартты. ҚР Қорғаныс министрлігінің өкілдері үгіт-насихат жұмыстарын жүргізіп, әскери қызметшілер мен олардың отбасы мүшелерінің моральдық-психологиялық ахуалын зерттеу мақсатында кездесу ұйымдастырды. Дәулет ҚАДІРОВ, көрмеге жауапты маман Аталған көрме Жеңістің 75 жылдығына орай ұйымдастырылып отыр. Осыған дейін Шымкент, Арыс гарнизонында болдық. Бұл көрменің негізгі мақсаты – жауынгерлердің бойында отансүйгіштік сезімдерін арттыру. Сондай-ақ, аталардың ерліктерін ұлықтау, құрмет ету және жауыынгерлерімізге сол батырларымыздың ерлігін үлгі тұтуға шақыру. Жұмыс тобының…
Жылыойда мүмкіндігі шектеулі жандарға арналған оңалту орталығы жоқ. Осы және өзге де мәселелер жөнінде аудан белсенділері, үкіметтік емес ұйымдар мен кәсіпкерлер қатысқан фасилитациялық сессиядада айтылды. Аудандағы 80 мыңнан астам халықтың 3 проценті – мүмкіндігі шектеулі жандар. Бірақ оларға көрсетіліп жатқан қолдау аса байқалмайды. Аймақта экология мәселесі өзекті. Сондықтан мүмкіндігі шектеулі жандарға арналған оңалту орталығы ауадай қажет дейді, – дейді белсенділер. Ақмарал ХАЛЕЛОВА, белсенді Ауданымыз мұнайлы өлке бола тұра оңалту орталығының жетіспеушілігі байқалады. Бүгінгі күнде 2 164 мүмкіндігі шектеулі жан бар. ТШО компаниясының «Игілік» бағдарламасы арқылы оңалту орталығын салып берсе деген ұсыныс бергіміз келіп отыр. Жиынға қатысушылар ең маңызды әлеуметтік бес…
Маңғыстау облысының әкімі Серікбай Трұмов АҚШ-тың Қазақстан Республикасындағы Төтенше және Өкілетті елшісі Уильям Мозерді қабылдады. Бұл туралы Маңғыстау облысы әкімдігінің әлеуметтік желідегі ресми парақшасы хабар таратты. Екіжақты кездесуде қауіпсіздік пен мұнай секторындағы сауда-экономикалық ынтымақтастықтың жай-күйі мен даму перспективалары мәселелері талқыланды. Сондай-ақ, Елші Маңғыстау облысының туристік және бизнес әлеуетіне жоғары баға беріп, АҚШ дипломатиялық миссиясы қолдаған жобалардың оң нәтижелеріне ризашылығын білдірді. Уильям МОЗЕР, АҚШ-тың Қазақстан Республикасындағы төтенше және өкілетті елшісі Өте керемет, ерекше әсер алдым. Менің ойымша, сіздерде туризм бағыты бойынша үлкен әлеует бар. Шынында да тартымды, таңғажайып жерлер бар екен. Америкаға көптеген туристер Еуропадан осындай табиғи сұлулықты көру үшін келеді.…
Мешіттерде жамағатпен намаз оқуға рұқсат етілді. Карантиндік шектеулердегі соңғы өзгерістерге байланысты бес парыздың бірін 2 қарашадан бастап ұжыммен орындауға болады. Алайда жұма намазы оқылмайды. Санитария талаптарына сәйкес, мешіттің 30 проценті ғана толуы тиіс, залдағы адам саны да 100 адамнан аспауы шарт. Сондай-ақ, Алла үйіне келгендерге бетперде тағып, екі метр арақашықтық сақтау міндеттелді. Алтынбек ҰТЫСХАНҰЛЫ, Атырау облысының бас имамы Тек жұма намазынан басқасының барлығына рұқсат бар. Яғни, неке қиылуы, құранның оқылуы және де жамағатпен намаздың өтелуі сияқты мешітте атқарылатын шараларға санитарлық тәртіпті сақтай отыра өткізуге рұқсат етілді.
Мақат аудандық ауруханасына берілген жылжымалы медициналық кешен орталықтан 60 шақырым қашықтықтағы Ескене және Таскескен бекеттеріне барды. Білікті қызметкерлер тұрғындарға дәрігерлік кеңес беріп, денсаулық жағдайына байланысты айтқан шағымдарына қарай тексеру жүргізді. Топ құрамында хирург, терапевт, лор, лаборант, гинеколог, узи, тіс, көз дәрігерлері және басқа да ауру түрлерін қарайтын мамандар бар. Тамаша мүмкіндікті пайдаланған ауыл тұрғындары кезек-кезегімен дәрігерлердің қабылдауында болып, ем-шараларын алды. Компьютерлік құралдармен жабдықталған көлік үстіндегі көшпелі медициналық кешен алдағы уақытта да алыс ауылдарға жиі барып тұрмақ.
Францияда пандемияға қарамастан Канн фестивалі ашылды. Бес айға кешіккен шара қысқартылған форматта өтіп жатыр. «Люмьер» байқау залында 4 толықметражды, 11 қысқаметражды фильм және әлемдік киномектептердің 17 жұмысы көрсетілетін болады. Жеңімпаздарды қазылар алқасы анықтайды. Биылғы байқау алғаш рет төрағасыз өтіп жатыр. Фестиваль француз режиссері Эммануэль Куркольдің «Триумф» фильмімен ашылды. Бұл түрмеде «драмалық өнер» сабағынан дәріс беретін әйгілі актер туралы комедия. Басты рөлде Кэд Мерад ойнаған. Сондай-ақ, Сан-Себастьянда өткен фестивальде ең жақсы фильм мен режиссура үшін сыйлық алған Деи Кулумбегашвилидің «Начало» картинасы да көрсетілмек. Шара қорытындысы 3 күннен кейін белгілі болады.
Атырау облысында 26 қазаннан бастап республикалық «Құқықтық тәртіп» жедел-профилактикалық іс-шарасы басталды. Шараның бірінші күні өңірдің полиция қызметкерлері 11 қылмысты әшкереледі. Олардың екеуі – бұрын жасалған қылмыстар. Ашылған қылмыстың екеуі – ұрлық, үшеуі – алаяқтық және басқалар. Сондай-ақ, тәртіп сақшылары 800-ден астам әкімшілік құқықбұзушылықты анықтады. Олардың басым бөлігін жасаған – көлік жүргізушілері. Атап айтқанда, автокөлік жүргізушілерінің 500-і жылдамдықты арттырған, 100-і қауіпсіздік белдігін тақпаған, ал 12 жүргізуші мас күйінде көлік жүргізген. Сонымен қатар, спирттік ішімдік ішкен және қоғамдық орындарда мас күйінде жүру бойынша 90 факті, 45 ұсақ бұзақылық, алкоголь өнімдерін сатуға байланысты екі құқықбұзушылық тіркелді. «102» кезекші пультіне тым шулы көршілері туралы 31…
23 қазаннан бастап АМӨЗ ЖШС жанында орналасқан LED-экранда зауыттың санитарлық-қорғау аймағы шекарасындағы бақыланатын төрт нүктеден түсетін атмосфералық ауаның жай-күйі туралы деректер сағат сайын жарияланып келеді. Бақылау тәулік бойы автоматты түрде жүзеге асырылады. Ауадағы ластаушы заттар күкіртсутегі, көміртегі оксиді, азот оксиді, күкіртті ангидрид және көмірсутектердің көрсеткіштері бойынша нақтыланып отырады. Сондай-ақ, стансаларда желдің бағыты мен жылдамдығы, ауа температурасы, атмосфералық қысым және салыстырмалы ылғалдылық сынды метеорологиялық сипаттамалар анықталуда. Автоматты стансалардың деректері «Wincollect» ақпарат жинау мен өңдеу бағдарламасымен «Қазгидромет» РМК-ның FTP-серверіне жіберіледі.
Атыраудағы Назарбаев Зияткерлік мектебінің бес оқушысы халықаралық «MINIBOSS» бизнес-мектебінің білім грантына ие болды. 1 жыл тегін білім алатын дарынды балалардың төл жобасын жасауға және олардың еңбегін нарыққа шығаруға Қазақстан мен Ұлыбританияның бизнесте жүрген жетекші мамандары қолдау көрсетпек. Лилиана ХЕГАЙ, бизнес-мектептің директоры Соңғы үш жыл бойы «MINIBOSS» Қазақстандағы жастардың кәсіпкерлік әлеуетін арттыруда. Ал Атырауда биыл жұмысын бастаған орталық өңірдегі жас өнертапшықтардың бастамаларын қолдауға ниетті. Алғашқыларының қатарында Назарбаев Зияткерлік мектебінің бес оқушысы бар. Олар мектепшілік конкурстарда көзге түскен және әлеуметтік осал отбасыдан шыққан балалар. Көп жағдайда дарынды балалардың тырнақалды бастамалары қаржылық қолдаудың тапшылығынан аяқсыз қалады. Ал «MINIBOSS» бизнес-мектебі оқушылардың өз идеясын толық…