CaspianLife, 11 маусым — Маңғыстау облысында екі ер адам теңізде сырғанаймын деп суға кете жаздады. ҚР ТЖМ хабарлауынша, осы түні 1998 және 1996 жылы туылған екі жергілікті тұрғын sup board пен сырғанауға барып, ағын су жастарды теңізге алып кеткен. Іздестіру жұмыстары 8 сағатқа жуық созылды. Жұмысқа құтқарушылардан басқа, әскери теңізшілер де тартылды. Жоғалған жігіттер таңға қарай жағалаудан 5 шақырым жерде Көгілдір айлақ аумағында табылды. Ер адамдардың жағдайы тұрақты. Олар Ақтау портына жеткізіліп, медициналық көмек көрсетілді.
Автор: Сайт әкімшілігі
CaspianLife, 11 маусым — Қорғаныс министрлігі бөлімшелерінің оқу-жаттығулар өткізуіне байланысты Жетібай-Жаңаөзен автожолының аэродромдық учаскесі барлық көліктердің қозғалысы үшін уақытша жабылады. Бұл туралы «ҚазАвтоЖол» ҰК» АҚ облыстық филиалынан хабарлады. Компанияның мәліметінше, 2024 жылдың 10 маусымы мен 19 шілдесі аралығында «Жетібай-Жаңаөзен» автожолының аэродромдық учаскесі (28-ден 31 шақырымға дейін) барлық көліктердің қозғалысы үшін уақытша жабылады. Бұл учаскеде Жаңаөзен бағытында және қарсы бағытта көліктердің қозғалысы айналма жолдың бойымен ұйымдастырылады, деп хабарлады компанияның баспасөз қызметі. «ҚазАвтоЖол» ҰК» АҚ облыстық филиалы жол қозғалысына қатысушыларды жол қозғалысы ережелерін қатаң сақтауды, уақытша жол белгілерінің талаптарын сақтауды және айналма жолмен жүруді сұрайды.
CaspianLife, 10 маусым — Атырау-Астрахань тас жолының құрылысы тағы да созылуы мүмкін. Өйткені, 20 шақырымдай айналма жолды өр суы басып, жұмыстың жүруіне кедергі келтіріп тұр. «ҚазАвтоЖол ҰК» АҚ басшылары осылай дейді. Мамыр айының аяғына қарай Құрғақ өзегіне келген су жайылып, қаладан шыға берістегі Сасықсайдан Байшақа көпірінің тұсына дейін жеткен. Енді осы аралықтағы жұмыс қарқынының бәсеңдеп қалған жайы бар. «Қазавтожол» ҰК АҚ АОФ директорының орынбасары Азамат Қабдығалиев — Бұл жағдай жобаның аяқталу уақытына әсер етуі мүмкін. Өйткені айналма жолды су басқандықтан, көліктер негізгі жолмен өтіп жатыр. Сондықтан оның беткі қабатын төсеу мүмкін болмай тұр. Дегенмен жұмысты тоқтатып қойған жоқпыз. Асфальттың екі…
CaspianLife, 10 маусым — Ақтауда 10 маусым күні дезинсекция жұмыстары басталды. Бұл жұмыстар қаладағы барлық ойын алаңдарында жүргізіледі, — деп хабарлайды қала әкімдігі. Дезинсекция жұмыстары 10-17 маусым аралығында жасалады. Ақтау қалалық тұрғын-үй коммуналдық шаруашылық бөлімінің сектор меңгерушісі Айдар Бисеновтің айтуынша, дезинсекция жұмыстары таңғы уақытта жүргізіледі. -Бүргелерді улау және оның таралмауын қамтамасыз ету мақсатында қала аумағындағы барлық балалар ойын алаңдарында дезинсекция жұмыстары жүргізілуде. Дезинсекция жұмыстары бекітілген кестеге сәйкес сағат таңғы 07:00-9:30 аралығында жасалады. Бұл жұмыстарды рұқсаты бар аттестатталған мекеме жүргізуде. Қолданылған препараттар адамдар мен жануарларға еш зияны жоқ. Бүгін 1-шағын ауданнан бастап 7-шағын ауднға дейін жүргізілдіДезинсекция барысында барлық санитарлық және қауіпсіздік талаптары…
CaspianLife, 10 маусым — Бүгін, 10 маусымда Атырау қаласында су тасқынынан қорғау мақсатында Жайықтың оң жағалауында салынған бөгеттерді тазалау жұмыстары басталды. Жұмыс барысында қызметкерлер құм толы қапшықтарды бір жерге жинап, кейін жүк көліктеріне тиеп, қала сыртына шығару жоспарланғанын айтты. Қала әкімдігінің хабарлауынша, өңірдегі төтенше жағдайға байланысты қалада салынған бөгеттерді ауқымды тазалау әлі басталған жоқ.
CaspianLife, 10 маусым — Бүгін таңғы сағат 03:06-да Атырау қаласы, Тұрғындар қалашығы ықшам ауданындағы көшелердің бірінде «Hyundai Elantra» маркалы автокөлігінің жануы бойынша шақырту түсті. Құтқарушылар автокөліктің қозғалтқыш бөлігінің жануы салдарынан қасында тұрған екі автокөлікке зақым келгенін анықтады. Атырау облысы ТЖД хабарлауынша, Өрт 03:17-де оқшауланып, 03:19-да толықтай жойылды. Зардап шеккендер жоқ.
Х.Досмұхамедов атындағы АтУ жатақханасы мен APEC жоғары колледжінің базасындағы эвакуациялық пункттерінде орналасқан тұрғындар 7 маусым күні толықтай өз үйлеріне оралды, деп хабарлайды Атырау облысының ТЖ жөніндегі жедел штабы. Атырау қаласы бойынша барлығы 94 эвакуациялық пунктте тұрғындарға 10 250 орын дайындалды. ⁃ Өткен жұмада екі эвакуациялық пунктке орналастырылған Талдыкөл ауылының 180 тұрғыны үйлеріне оралды. Қазіргі уақытта Атырау қаласында эвакуацияланған адамдар қалмады, деп нақтылады Атырау облысының ТЖ жөніндегі жедел штабы.
CaspianLife, 10 маусым — Ақтау қаласынан 25 шақырым жерде «Шора» каналында 2003 жылы туған жас жігіт суға батып кетті. Қайғылы оқиға шомылуға жабдықталмаған жерде болған. ТЖД қызметкерлері суға батып бара жатқан әкесін құтқарып алды. Ал 21 жастағы жігіттің денесі жедел құтқару жасағының күшімен, жағадан шамамен 130 метр қашықтықта, 2,5 метр тереңдіктен табылған. «ТЖМ барлық азаматтарды суда жүріс-тұрыс ережелерін сақтауға шақырады. Бейтаныс және жабдықталмаған жерлерде шомылуға болмайды», – деп ескертті Төтенше жағдайлар министрлігінен.
CaspianLife, 7 маусым — Маңғыстау облысы Полиция департаменті көші-қон қызметі басқармасының қызметкерлері Ақтаудағы құрылыс нысандарында жүргізілген рейд кезінде заңсыз жұмыс істеп жүрген 30 шетелдік азаматты анықтады. Құқық бұзушылар Қазақстан Республикасының көші-қон саласындағы заңнамасын бұзғаны үшін әкімшілік жауапкершілікке тартылды. Шетелден жұмыс күшін заңсыз тартқан жұмыс берушілерге де айыппұл салынады.
CaspianLife, 7 маусым — Бүгін Қазақстан мұсылмандары діни басқармасы Құрбан айт мейрамына қатысты түсінік берді. «Бүгін һижри жыл санауы бойынша зул-хижжа айы басталды. Яғни Арапа күні биыл 15 маусымға сәйкес келеді. 16 маусым – Құрбан айт мерекесінің бірінші күні», — делінген хабарламада. Діни басқарманың ақпаратына сүйенсек, ислам дінінде қасиетті күндер, түндер және айлар қамари жыл санауы негізінде анықталады. Мұндай жыл санақ ай фазасының өзгеруіне қарай есептеледі. «2024 жылы 6 маусымда жаңа айдың көрінуіне байланысты биыл зұлхижжа айы 7 маусымда басталып, арапа 15 маусымға, ал құрбан айт 16 маусымға сай келеді», — дейді басқармадан. Осы орайда Еңбек және халықты әлеуметтік қорғау…