CaspianLife, 5 шілде – Жем өзенінің бойынан «Аралтөбе» деп аталатын су қоймасы салынуы мүмкін. Бұл туралы Атырау облыстық мәслихатының депутаты Сырымбек Сәрсембаев өзінің әлеуметтік желідегі парақшасында хабарлады. Оның ҚР су ресурстары және ирригация министрлігінің су шаруашылығы комитетіне жіберген сұранысына осындай жауап келіпті. Уәкілетті органның ресми хатында биыл су қоймасын салу жобасының техникалық-экономикалық негіздемесін жасау үшін 148 миллион теңге қарастырылғаны айтылыпты. Қаражат облыстық әкімдіктен шығады. Қазір негіздемені жасап беретін компания-мекемені анықтау мақсатында конкурс жариялау үшін тиісті жұмыс жасалып жатқан көрінеді. Гидронысан көктемде Жем өзеніне келетін өр суын жинауға арналған. Жоба бойынша сыйымдылығы 200 миллион текше метр болуы мүмкін.
Автор: Сайт әкімшілігі
CaspianLife, 5 шілде — Ағымдағы жөндеу жұмыстары толық аяқталуына байланысты, «Атырау – Орал» тас жолының 5-67 шақырым аралығы, яғни, Атырау қаласы — Махамбет ауылы учаскесі ашылды. Жол жеңіл және ауыр жүк көліктері үшін де ашық. Еске сала кетсек, тасқыннан кейінгі ағымдағы жөндеуге байланысты 3 шілде сағат 8:00 ден бастап, республикалық маңызы бар «Атырау – Орал» тас жолының 5-67 шақырым аралығы жабылған болатын.
CaspianLife, 5 шілде — Жайық өзенінің жағасындағы құм толтырылған қапшықтар бір апта ішінде жиналуы тиіс. Бұл туралы Атырау облысы әкімінің орынбасары Жасұлан Бисембиев жедел штаб отырысында мәлімдеді. Қазіргі уақытта қала аумағындағы Жайық жағасы 16 учаскеге бөлініп, әр учаскеге жауаптылар бекітіліп, іске кіріскен. Жасұлан Бисембиев, Атырау облысы әкімінің орынбасары: «Ендігі үлкен міндеттердің бірі – жасалған жұмыстарды қалпына келтіру және басты мақсат санитарлық тазалықты қамтамасыз ету туралы облыс әкімі тапсырма берген. Соған байланысты біздер қайтадан ұйымдастыру жасап, 16 учаскеге белгілеп отырмыз. Бұл негізгі бетондық жағажайларды, және қапшықтарды басқа да тазалық жұмыстарын қамтамасыз ету. Бұл тек қапшықтарды алып тастау емес, тазалап-жуып дым болмағандай…
CaspianLife, 5 шілде – ҚР Президенті Қасым-Жомарт Тоқаев Шанхай ынтымақтастық ұйымының (ШЫҰ) саммитінде маңызды мәселелерді көтерді. Ол сөзінде ШЫҰ-ның өңірлік қауіпсіздік, экономикалық ынтымақтастық және мәдени-гуманитарлық байланыстарды нығайтудағы рөлін атап өтті. Президент өз сөзінде мынадай негізгі тақырыптарға тоқталды: Аймақтық қауіпсіздік: Тоқаев терроризммен, экстремизммен және есірткі тасымалымен күрес бойынша бірлескен іс-қимылдарды күшейту қажеттігін атап өтті. Экономикалық ынтымақтастық: Президент сауда-экономикалық байланыстарды кеңейту және инвестициялық жобаларды қолдау арқылы ШЫҰ елдерінің экономикалық ынтымақтастығын тереңдету қажеттігін айтты. Мәдени-гуманитарлық байланыстар: Тоқаев ШЫҰ аясында мәдениет, білім және ғылым салаларындағы ынтымақтастықты нығайтуға шақырды. Климат өзгерісі: Қазақстан Президенті климаттық өзгерістерге қарсы күресте халықаралық ынтымақтастықтың маңызды екенін атап өтті және экологиялық…
CaspianLife, 4 шілде — Қазақстанның Елтаңбасы өзгермейтін болды. Мәдениет және ақпарат министрлігі жақын арада Елтаңбаны ауыстыру мәселесі қаралмайтынын хабарлады. «Мәселе күн тәртібінен шығарылды», — деп мәлімдеді министрлік өздерінің Елтаңбаның өзгеруін талқылау процесі туралы ресми өтінішіне берген жауабында. Еске сала кетейік, Қасым-Жомарт Тоқаев Атырауда өткен Ұлттық құрылтайдың үшінші отырысында Елтаңбаға қатысты сындар айтылып жатқанын мәлімдеген болатын. «Елтаңбамызға қатысты сыни пікірлер айтылып қалады. Оны Кеңес заманындағы Гербке ұқсатып жатады. Тым эклектикалық, күрделі дейді. Мұндай ойды ел ісіне бей-жай қарамайтын белсенді азаматтар ғана емес, мамандар да айтып жүр. Орынды пайымдар ескерусіз қалмауы керек», — деген Мемлекет басшысы сол кезде.
CaspianLife, 4 шілде — Қазақстан ғарыш саласын дамыту мақсатында Қытайдан 100 миллион юань (15,1 миллион доллар) көлемінде грант алады. Цифрлық даму министрі Жаслан Мәдиевтің айтуынша, бұл қаржы есептеу астрономиясы мен астрофизикадағы модельдеуді бірлесіп дамытуға, ғылыми-техникалық инфрақұрылымды нығайтуға, Қытайда тәжірибе алмасу, оқыту және тағылымдамадан өтуге жұмсалмақ. Осы бастамалар аясында екі ел ынтымақтастық туралы меморандумға қол қойды.
CaspianLife, 4 шілде — Еске сала кетейік, маусымның 25-нен 26-на қараған түні күшті жел мен нөсер жауын кезінде Жеңіс саябағы аллеясында жеті жасар қызға ескерткіш құлап кеткен еді. Бала ауруханада көз жұмды. Аталған оқиға бойынша полиция тергеу жұмыстарын бастады, түрлі сараптамалар тағайындалды. Бүгін Атырау облысы полиция департаментінің баспасөз қызметі қайғылы оқиғаға куә болғандар мен ескерткішті көтеруге көмектескен азаматтарға тергеу басқармасына хабарласуын сұрап, мәлімдеме таратты. Бұл үшін төмендегі мекенжай немесе телефон нөмірлері арқылы хабарласуға болады: — Атырау қаласы, Әбілқайыр хан даңғылы, №55 (№329 кабинет) — телефон нөмірлері: 98-22-72, +7 702-741-53-95, +7 747-750-95-95.
CaspianLife, 4 шілде — Қазақстан Республикасы Денсаулық сақтау министрлігі бұрын амбулаториялық емделуге жеңілдікпен берілген дәрі-дәрмектер мен медициналық бұйымдардың тізіміне түзетулер енгізеді деп хабарлайды CaspianLife. Атап айтқанда, тізімнен 32 ауруды емдеуге арналған 38 препарат алынып тасталады: «Омепразол», «Амоксицилин», «Кларитромицин» (және тағы үш позиция). МӘМС аясында ересектерді емдеуді жоспарламайтын дәрі-дәрмектер тізімінде: «Азитромицин», «Фамотидин», «Карбамзепин»; «Ацикловир» көзге арналған жақпа және басқалар. МӘМС жүйесі бойынша 18 жасқа дейінгі балаларға бұдан былай тегін берілмейді: «Ранитидин», «Мультифермен», «Ибупрофен», «Парацетамол» (және басқа дәрілер). Денсаулық сақтау министрлігінің түсіндіруінше, бұл аурулар өлім-жітім мен өмір сүру ұзақтығына әсер етпейді. Сонымен бірге, өлім-жітім мен өмір сүру ұзақтығына әсер ететін басқа созылмалы…
CaspianLife, 3 шілде — Атырау облысында су тасқынынан зардап шеккен 116 шағын және орта кәсіпкерге 1 миллиард теңгеден астам өтемақы тағайындалды. Бұл туралы Атырау облыстық кәсіпкерлік және өнеркәсіп басқармасының бөлім басшысы Саттығұл Сабыров мәлімдеді. Жалпы Атырау аймағында 300-ден астам кәсіпкер су тасқынынан зардап шеккен. Оларға келген жалпы шығын көлемі 4 миллиард теңгеден асады. Сонымен қатар, басқарма өкілінің мәліметінше, биыл бизнеске қолдау көрсету мақсатында бюджеттен 11,8 миллиард теңге бөлініп, 400-ге жуық жоба қаржыландырылды. Жыл соңына дейін 1000 жобаға көмек көрсету жоспарланып отыр. Саттығұл Сабыровтың сөздерінен үзінді: Жалпы бағдарлама «Бизнес жол картасы 2020-2025» мемлекеттік бағдарламасы. Ол шағын және орта бизнес субъектілеріне бағытталған.…
CaspianLife, 3 шілде — Атырау облысының Индер, Исатай және Құрманғазы аудандарында қарақұрт қаптауына байланысты ветеринариялық емдеу іс-шаралары жүргізілуде. Атырау облысы ауыл шаруашылық және жер қатынастары басқармасының хабарлауынша, зиянкес шаққан 397 Ойсылқара тұқымының 63-і өлген. Индер ауданы бойынша қарақұрт шағып өлтірген малдың есебі жасалып, деректер арнайы тізімге енгізілген. Мал шығыны бойынша мәліметтер: Индер ауданы бойынша қарақұрт шаққан 97 түйенің 79-ы емделіп, 1-і емделуде, 17-ы қырылған. Ал жылқыдан 16-сін зиянкес шақса, оның 7-і емделіп, 3-і емделуде, 6-ы қырылған. Қарақұрт шаққан 4 ұсақ малдың, 4-і де емделуде. Емдеуде қолданылатын дәрі-дәрмектер тізімі: Система: Рингера-Локка ерітіндісі, Натрий хлориді Витаминдер: Антитокс, B12, Катазалан Мочегонка: Фуросемид, Лазикс…