Атырау–Орал тасжолында «Toyota Camry» автокөлігі аударылып, 4 адамның көз жұмғаны туралы облыстық полиция департаментінің баспасөз қызметі мәлімдеді. Жол-көлік апаты бүгін сағат 00:30 шамасында Атырау–Орал тас жолының Атырау қаласына жақын маңда болған. — 1999 жылы туған азамат рөлге ие бола алмағандықтан көлік аударылған. Оқиға салдарынан екі адам сол жерде қаза тапса, көлік жүргізушісі мен бір жолаушы облыстық ауруханаға жетіп көз жұмды. Қазір тағы бір жолаушы әр түрлі дене жарақатымен аурухананың жансақтау бөлімінде жатыр, — деп хабарлады баспасөз қызметі. Аталған оқиға байланысты ҚР Қылмыстық Кодексінің 345-бабының 4-бөлігімен сотқа дейінгі тергеп-тексеру жүргізілуде.
Автор: Сайт әкімшілігі
Мұнай және газ өндіру саласындағы кадрларды дайындайтын республикадағы жалғыз мамандандырылған жоғары оқу орны Сафи Өтебаев атындағы Атырау мұнай және газ университеті 22 сала бойынша білім береді. Биыл мекеме базасынан 150-ге жуық оқу гранты дайындалған. Университет абитуриенттерге дуалды оқу бағдарламасымен білім алуды және қаламыздағы орта білім беру мекемелерін аяқтап, ақылы негізге оқуға түсетіндер үшін 15%-тік жеңілдік қарастырып отыр. – Құрметті талапкер! С.Өтебаев атындағы АтМГУ құжаттар қабылдау 1-ші маусымнан басталды. Құжат қабылдау бізде электронды түрде өтіп жатыр. Электронды түрде, яғни, aogu.edu.kz сайтына кіру арқылы өзіңіздің құжаттарыңызды тапсыра аласыз. Керек құжаттардың тізімі осы сайтта көрсетілген. Қосымша қандай да бір сұрақтарыңыз болса, жауап беруге…
Президент Қасым-Жомарт Тоқаев Үкіметтің кеңейтілген отырысында өңірлік комиссиялардың жұмысын сынға алды. – Инфрақұрылымдық мемлекеттік бағдарламалар аясында әкімдер мен министрлер жергілікті қамту үлесін 90 процентке дейін жеткізу міндеттемесін алған. Жыл сайын бұл мемлекеттік бағдарламаларды қаржыландыру көлемі шамамен 2,8 трлн. теңгеге жетеді. Яғни, біздің экономикамызға 2,5 трлн. теңге құйылуы тиіс, – деді мемлекет басшысы. Алайда атқарылған міндеттер атүсті жасалады. Президенттің айтуынша, арнайы жоспарлау мен есептеудің бірыңғай жүйесінің жоқтығы кесірінен мемлекеттік органдар мен бас мердігерлердің жауапкершілікті сезінбейтіні және жергілікті қамту жөніндегі өңірлік комиссиялар жұмысының тиянақты атқарылмайтыны байқалады.
Атырау облысында жеке зейнетақы шоттарының саны 2700-ге көбейген. Мамандардың айтуынша, ең көп ашылған мезгіл – сәуір мен мамыр айлары. Жалпы республика бойынша биыл зейнетақы шоттарының саны 1 миллионға артып, 11 миллионнан асты. Сондай-ақ, азаматтардың зейнетақы жарнасының көлемі де артқан. Бұл көрсеткіш облыс бойынша 29 млрд. теңгеге жетіп отыр. Атырау облысы бойынша бірыңғай жиынтық төлем төлеушілерден 42 млн. теңге түскен. «Бірыңғай жинақтаушы зейнетақы қоры» ұсынған ақпаратқа сүйенсек, биыл өңірде белсенді салымшылардың көбейгенін байқауға болады. – Қазақстанда коронавирустық инфекцияның таралуына байланысты БЖЗҚ салымшылары қызметтерді толық көлемде алуда. 2020 жылдың 1 маусымында қор қызметтерінің 90%-ынан астамы электронды форматта көрсетілген. Ал осы жылдың алғашқы…
Облыстың жаңа бас санитар дәрігері тағайындалды. Бұл қызметті енді Сәдуақас Байғабұлов атқарады. Ол Қазақстанның Көліктегі бас санитар дәрігері лауазымында қала отырып, аймақтағы эпидемиологиялық жағдайға жауап береді. Сәдуақас Байғабұловтың бұл салада 20 жылдық тәжірибесі бар. Ол Павлодар облысы мен Нұр-Сұлтан қаласында санитарлық дәрігер қызметін атқарған. Айта кетейік, бұған дейін облыстың бас санитары міндетін Мейіржан Есімбаев, Темірбек Мұсағалиев және Амантай Жұмағалиевтар атқарған еді.
Атырауға Нұр-Сұлтаннан алты ресейлік дәрігер келді. Олар облыстық аурухана мен №2 жұқпалы аурулар ауруханасында көмек көрсетпек. Облыстық денсаулық сақтау басқармасы басшысының айтуынша, ақхалаттылар кеңес беріп қана қоймай, науқастарды емдеумен де айналысады. Әзірге бір инфекционист, екі пульмонолог, үш реаниматолог жұмысқа кіріспек. Облыс әкімі Махамбет Досмұхамбетов ресейлік дәрігерлермен кездесуде инфекциялық стационардың саны 600 кереуетке көбейетінін айтты. Сонымен қатар, қосымша орын Құрманғазы ауданында да дайындалып жатыр. Жиында жақын арада Ресейдің Астрахан облысынан 5 дәрігердің келетіні айтылды. Қажет болған жағдайда оларды аудандарға аттандырмақ. – Астарханнан келетін 5 дәрігер жөнінде біздің Сыртқы істер министрлігімен ортақ шешім бар. Енді Ресейдің Сыртқы істер министрлігінің рұқсатын күтіп отырмыз. Негізі,…
Атырауда коронавирус инфекциясынан қайтыс болған 4 дәрігерге орден мен медаль берілетін болды. Төртеуі де індетпен күресте алдыңғы шепте жүрген медицина қызметкерлері. Атырау облыстық №2 аурухананың 40 жыл инфекционисі болған Жұмабек Дәулетов, облыстық жедел жәрдем стансасының фельдшері Алмагүл Демисинова, Атырау облыстық ауруханада рентгенолог болып қызмет еткен Ғаділет Сұлтанғалиевке «Құрмет» ордені тағайындалады. Ал облыстық кардиология орталығының хатшысы Елена Папузинаның құрметіне «Ерен еңбегі үшін» медалі дайындалған.
Қазақстандықтар коронавирус құрбандарын аза тұтты. Атыраудағы бір минуттық үнсіздік сағат тілі тура 11-ді соққанда басталды. Мекемелердің ғимаратына ілінген ту төмен түсіріліп, қызметкерлер далаға шығып, қайтыс болғандарды еске алды. Қауіпті инфекциямен күресте көз жұмғандарға Атырау облысы әкімдігі де құрмет көрсетті. Сондай-ақ, ақхалаттылар да жұқпалы аурулар ауруханасының алдына жиналып, көз жұмған әріптестері үшін тағзым жасады. Марқұм болған атыраулық дәрігерлердің бірі – салада 40 жыл еңбек еткен Жұмабек Дәулетов. Ол өмірінің соңғы айына дейін індетпен күресіп, науқастарға көмек көрсетіп келген. Ал коронавирус инфекциясының аймақтағы ең ірі ошағы саналған Теңіз кен орнында осыған дейін 2 мыңнан астам жұмысшы қауіпті дертке шалдыққан. Сондай-ақ, «Ембімұнайгаз» АҚ…
Желіде ақылы жедел-жәрдем қызметінің жұмысы туралы түрлі ақпарат желдей есіп жүр. Бірнеше күн бұрын Денсаулық сақтау министрлігі құны 5400 теңге тұратын 3000 бригаданың іске қосылатынын хабарлаған еді. Жағымсыз хабардан әбден жауыр болған халық мұны «жығылғанға – жұдырық» деп түсінді. Бірақ атыраулық мамандар мұнайлы өңірде ақылы «Жедел жәрдем» қызметінің әлі қосылмағанын айтады. – «Жедел жәрдемнің» көмегі қазір көрсетіліп жатқан тегін кепілдендірілген медициналық көмекке жатады. Біздің жедел жәрдем тегін, барлық шақыртуларға да ақысыз барады, – деді облыстық жедел жәрдем стансасының бас дәрігері Ербол Иманғалиев. Ел «күткендей», емханалар жанынан ақылы мобильді жедел жәрдем бригадалары құрылатын болды. Олар науқастармен байланыста болғандардан және симптомы барлардан…
Құрманғазы ауданы Сүйіндік ауылдық округінде 3-шілде күні кешкі сағат бес шамасында басталған өрт туралы әлеуметтік желіде видео тарады. Сүйіндік округіне қарасты Шеркелі, Төлеміс, Тынысбек, Алғайыр елдімекендерінде жалпы аумағы 23 гектар болатын құрғақ шөп жанып кеткен. Тілсіз жауды ауыздықтауға ауыл тұрғындарымен қатар 30 адам және 2 су тасығыш көлі, екі жеңіл автокөліктен құралған өрт сөндіру жасағы жұмылдырылды. Аудан орталығы мен ауыл арасы қашық болғандықтан тұрғындар өрт сөндірушілер келгенше жалынды өздері сөндірген. – Өртті ауыздықтаған – ауыл азаматтары. Сол жігіттердің арқасында өрт таңғы сағат 4 шамасында өшірілді. Ауылдың жігіттері мен округке қарасты техникалардың көмегімен дер кезінде ауыздықтадық, – дейді Сүйіндік ауылдық округінің…