Мұнай саласында қызмет ететін жергілікті бес компания өңірдегі ауруханаларға 10 өкпені жасанды желдету аппаратын алып берді. Бастаманы мұнай-сервис компаниялары одағы қолға алыпты. Жаны қысылған жандарға ауадай қажет құрылғылар тапсырыс арқылы Атырауға жеткізілді. – Ауырып жатқан халыққа көмегіміз тиіп, ары қарай жазылып кетуін тілейміз. Ауырсын деп алып жатқан жоқпыз. Аз да болса, қол ұшымызды беріп жатқанымыз деп түсініңіздер, – деді «NSS LTD» компаниясының өкілі Рашид Отаров. Компания өкілдері өздері бөлген қаржыға тек сапалы құрылғы алуды шешіпті. Өйткені, аппарат елдегі ахуал тұрақталғаннан кейін де қолданысқа жарауы тиіс. – Өкпені жасанды желдету аппараттары көп функциялы. Кішкентай сәбиден үлкен қарттарға да қолдануға болады. Ота кезінде…
Автор: Сайт әкімшілігі
Соңғы кезде Маңғыстауда өлім-жітім жиіледі. Мысалы, бір ғана «Бердібек әулие» зиратында айға жуық уақытта 230 мәйіт жер қойнына тапсырылған. Жерленгендердің дені – қауіпті вирустан көз жұмғандар. – Қайтыс боп жатқан адамдардың көбі – Мұнайлы ауданы мен Ақтау және Жаңаөзен қалаларынан. Біразы – індетпен кеткендер. Оның ішінде жастар да бар, – дейді «Бердібек әулие» қорымының шырақшысы Жамбыл Нұрбаев. Індеттен қайтыс болғандар туралы нақты ақпар беретін уәкілетті орган көрінбеді. Ал шырақшының сөзіне сенсек, өткен демалыста жерленгендердің саны едәуір азайған. Ал шаhардан 20 шақырым жерде орналасқан христиандар қабірінде індеттің кесірінен қайтыс болғандардың саны 60-қа жеткен. Көр қазушылардың айтуынша, өлім саны күрт көбейіп кеткен…
Бұған дейін берісі әлеуметтік желі, әрісі парламент мәжілісінде көтеріліп келген мәселенің түйіні шешілгендей болды. Бірінші сынып оқушылары қыркүйектен бастап «Сауат ашуды» емес, қайтадан «Әліппе» мен «Ана тілін» оқитыны туралы Білім және ғылым министрінің өзі жазды. Министр Асхат Аймағамбетов өзінің фейсбуктегі парақшасына жаңа оқу жылының алғашқы екі тоқсанында шәкірттер «Әліппені» оқыса, үшінші және төртінші тоқсанның оқу бағдарламасына «Ана тілі» қосылатынын жариялады. Сонымен қатар, орыс тілінде немесе басқа тілдерде білім алатын сыныптарда да «Букварь» мен «Обучение грамоте» пәндері жүргізілетін болды. Аймағамбетов айтқан «Әліппе» Ахмет Байтұрсынұлының әдістемесі негізінде дайындалып жатыр. Оқулық дайын болысымен алдын ала кей мектептерде сынақтан өткізіледі.
Ақтауда кәсібін құпия жолмен айналдырған бірнеше кафе, дәмхана, кәуапхана иелеріне әкімшілік хаттама толтырылды. Себеп анық: олар карантин талаптарына құлақ аспай, қызметін жасырын атқарған. Ереже бойынша тамақтану орындары тұтынушыға жеткізіп беру әдісімен жұмыс жасауы тиіс еді. Заңды белден басқандарға әкімшілік құқық бұзушылық туралы Кодексінің 425 бабына сәйкес, 30 бен 200 АЕК аралығында айыппұл салынып, жинақталған іс сотқа жолданбақ. Айта кетейік, рейдтік іс-шаралар карантин уақыты аяқталғанша жалғасады. – Жалпы, облыс көлемінде осындай жұмыстарды жиі атқарамыз. Себебі, біздің осы күнге дейінгі ескертуімізге мән бермегендер көп болды. Енді осындай қатаң әрекеттерге көшпесек, түсініспеушілік арта бермек, – деді Маңғыстау облыстық жергілікті полиция басқармасы басшысының міндетін…
Жаңаөзен қаласында «Өзенэнергосервис» мекемесінің 50 шақты жұмысшысы кеңсе алдына жиналып, басшылыққа талап қойып отыр. Олар компания басшысынан жұмыстан себепсіз қысқартуды тоқтатып, жалақыларын көтеруді ұсынуда. Алайда жергілікті билік олардың бұл талаптары қисынсыз екендігін айтып, босқа байбалам салмауға шақырды. Жұмыстан қысқарту мәселесі енді тумайды деп те сендірді. – Қала басшылығы кәсіпорын басшылығымен бірге оқиға болған жерде жұмысшылармен кездесіп, түсіндіру жұмыстарын жүргіздік. Ешкімнің қысқартылмайтынын сол жерде өздеріне айттық, – деді Жаңаөзен қаласы әкімінің орынбасары Берік Ізғалиев.
Атырауда көлік жөндеу орталықтарының бірі отқа оранып, тұтынушыларға тиесілі 8 автокөлік жанып кетті. Оқиға кезінде ғимарат ішінен 50 литрлік 2 газ баллоны мен 70 литрлік 3 оттегі баллоны табылған. Қазір осы жағдай бойынша полиция департаменті тергеу жүргізіп жатыр. Өрттің шығу себебі анықталуда. – Атырау облыстық төтенше жағдайлар департаментінен 15 адам, 4 техника жұмылдырылып, сағат 20:00-де оқшауланған өрт 20:41-де толығымен сөндірілді. Қаза болғандар мен зардап шеккендер жоқ. Қазір өрттің себебі анықталуда, – деді Атырау облыстық ТЖД бастығының орынбасары Асхат Ержанов.
Атырау облысы аумағында дәрі-дәрмек бағасының тұрақтылығы мен медициналық препараттар саудасының заңдылығын қадағалайтын мобильді топтар жұмыс атқарады. Алайда заңбұзушылық анықталған жағдайда дәріхана иелерін жауапқа тарту оңай шаруа болмай тұр. Бұған мобильді топ мүшелерінің жұмысындағы жүйесіздік себеп болып отыр. Мәселен, кей дәріханадағы препараттардың ішінара рұқсаты болмай шықты. Ал мобильді топ хаттама толтырудың орнына істі үнемі бір-біріне сілтеумен болады. – Мониторингтік топтың негізгі жұмысы – шектік бағаларды асырмау, алыпсатарлыққа жол бермеу мәселелерін қадағалау. Сондай жағдай анықталған жағдайда заңбұзушылықты көрсететін видео, фото материалдар департаментке тапсырылады. Заңсыздықты көре тұрып, хаттама толтырмауымыздың себебі, бұл мобилді топтың құзырына кірмейді, – деген уәж айтты Атырау облыстық тауарлар мен көрсетілетін…
Атыраулықтар түрлі басқосулар мен қонақ шақыруын тоқтатар емес. Полицейлер жүргізген рейд барысында осындай 7 жағдай анықталды. Ал өткен аптаның өзінде карантин ережесі бұзылған 300-ден астам дерек тіркеліпті. Саудасын күйттеген кәсіпкерлер де шектеуге бағынғылары келмейді. Тексеріс нәтижесінде супермаркет, кафе-мейрамхана, кілем дүкені және көлік жөндеу орталықтарының санитария талаптарын орындамай, есігін уақытынан кеш жапқандықтары белгілі болды. – Эпидиеломогиялық тәртіпті сақтау мақсатында тауарлар мен көрсетілетін қызметтердің сапасы мен қауіпсіздігін бақылау департаментінен және полиция өкілдерінен құралған 20-ға жуық мобильдік топ 11-шілдеден бастап қала аумағында жұмысқа кірісті. Соңғы 3 күн ішінде облыс орталығында 80-нен астам карантин ережелерін бұзғандар анықталды, – дейді облыстық ПД ресми өкілі Гүлназира…
Атырау облысындағы ахуал мемлекеттік қызметшілерді де бей-жай қалдырмады. ҚР Мемлекеттік қызмет істері агенттігінің АОД басшысы бос тұрған қызметтік көлігі мен жүргізушісін көмекке зәру тұрғындардың мұқтаждығына жұмылдыруды жөн көріпті. Департаменттегілер игі бастамаға басқа да мемлекеттік органдағылар үлес қосады деп сенеді. – Департамент басшысы, Әдеп жөніндегі кеңес төрағасы Салауат Сыйлыбайұлының ұсынысы негізінде барлық мемлекеттік қызметшілерге үндеу жолданып отыр. Қазіргі кезде үйден шыға алмай ауырып жатқан, дәріге мұқтаж жандарға дәріханадан дәрі әкеп беру, олардың ем-домына апарып-алып келу және медицина қызметкерлерін үйіне тасымалдауға, жұмысқа апаруға қызметтік көліктерді пайдалануды ұсынып отырмыз, – ҚР Мемлекеттік қызмет істері агенттігінің АОД ӘБ басшысы Сапарбай Қуанышев. Игі істің бастаушылары қашықтан…
Атыраудан сенат депутаттығына бес кандидат ұсынылды. Олардың төртеуі өз-өзін ұсынса, бір үміткер – облыстық мәслихаттың таңдауы. Бұл туралы ӨКҚ-де өткен баспасөз мәслихатында облыстық аумақтық сайлау комиссиясының төрағасы Азамат Айманакумов айтты. Атыраулық үміткерлер – әуежай байланысы, білім, өндіріс, сондай-ақ, темір жол саласының қызметкерлері. Олардың ең жасы – 44-те. – Осы ұсынылған адамдарды айта кетсек, өзін-өзі ұсынған кандидаттар – «АТМА-Атырау Әуежайы және тасымалдау» АҚ басқарма басшысының орынбасары Серік Сұмағұлов, «ҚТЖ» ҰК» АҚ магистральдық желі Атырау бөлімінің бас инженері Сағын Сейілханов, АМӨЗ департамент директоры Арыстан Серік және Қатира Дүтбаева атындағы колледждің директоры Қарабаева Айжан. Бір кандидатты облыстық мәслихат ұсынды, ол – Лұқпанов Сағындық, –…