Коронавирусқа қарсы тиімді вакцина жасау мен оны өндіруге кем дегенде 100 миллиард доллар жұмсалады. Бұл туралы Дүниежүзілік денсаулық сақтау ұйымының бас директоры Тедрос Аданам Гебрейюс мәлімдеді. Оның айтуынша, қазіргі таңда тәжірибелік 9 вакцина клиникалық сынақтың екінші және үшінші кезеңінен өткізілуде. Препараттың сәтті шығуы үшін жобаны тиісті деңгейде қаржыландыру керек. Сондай-ақ, ол бейсенбі күні өткен брифингте халықаралық валюта қорының бағалау деректерін жариялады. Аталған есепке сәйкес, пандемия әлемдік экономикаға айына 375 миллиард доллар шығын әкеледі. Екі жыл ішіндегі жалпы шығын 12 трлн доллардан асады.
Автор: Сайт әкімшілігі
Қазақстанның қаңтар–маусым аралығындағы ЕАЭО елдерімен өзара саудасы 8740,1 млн. АҚШ доллары болды. Бұл былтырғымен салыстырғанда, 11%-ға азайғанын білдіреді. Соның ішінде экспорт 2392,3 млн. (20,2%), ал импорт көлемі 6347,8 млн. АҚШ долларына (7%) кеміген. Қазақстан Республикасының ЕАЭО елдерімен сыртқы сауда айналымының жалпы көлемі: Ресей Федерациясы – 92,4%; Қырғызстан Республикасы – 4,1%; Беларусь Республикасына – 3,4%; Армения Республикасына – 0,1%;
Елді жайлаған пандемия көптеген адамның өліміне әкелсе де, осы жылғы қаңтар–маусым айларының аралығында қазақстандықтардың саны өскен. 2020 жылғы 1-шілдеде еліміздегі халық саны 18760,2 мың адам болды. Оның ішінде қалалықтар 11 040 200 (58,8%) болса, ауылдықтардың үлесі 7 720 000 адамға (41,2%) жеткен. Бұл былтырғымен салыстырғанда халық санының 252 300 адамға немесе 1,4%-ға өскенін білдіреді.
Жаңаөзендік 8 кәсіпкер жылыжай шаруашылығымен айналысып отыр. Биыл тағы қалада 0,7 гектар аумақты алатын жылыжай іске қосылды. Бұл туралы Жаңаөзен қалалық кәсіпкерлік және ауыл шаруашылығы бөлімінің басшысы Жібек Бекова мәлімдеді. Жылыжайларда қияр, қызанақтар және құлпынай жемісі өсіріліп жатыр. 2020 жылы жоспар бойынша 200 тонна өнім алынады. Кәсіпкерлер алдағы уақытта шығарылатын өнімдерді жергілікті көтерме саудагерлерге және Ақтау қаласына өткізуді жоспарлауда. Жібек БЕКОВА, Жаңаөзен қалалық кәсіпкерлік және ауыл шаруашылығы бөлімінің басшысы: – Елімізде жылыжай шаурашылығын дамытуға қолдау бар. Мысалы, жаңа үлгіде автоматтандырылған жылыжай үшін оның құрылысына кеткен шығынның 25%-ы бюджеттен субсидияланады. Мұндай үлгідегі жылыжай Жаңаөзен қаласында жоқ. Алайда шаруа қожалықтарына ұсыныстар берілуде.…
Нұрсаядағы жаңа жолда белгілердің жоқтығы жүргізушілер мен жаяу жүргіншілердің наразылығын тудыруда. Бағыттағыш сызықтардың болмауы жол жүру ережесінің бұзылуына себеп болып тұр. Қалалық ТКШ бөліміндегілердің айтуынша, жол сызықтары Ғабдиев көшесіне жуық арада салынады. Өйткені, Әбілхайырхан және Елорда даңғылдары аралығындағы қайта жаңарту жұмыстары толық аяқталмапты. Бұл жолдың ерте ашылуы басқа көшелердің жөндеу жұмыстарына байланысты болған. Әкімдіктегілер мұндай шешім кептелістерді болдырмау үшін қолданылып отырған көрінеді. Аңсаган САҒЫНБАЕВА, қалалық ТКШ, ЖК және АЖ бөлімінің баспасөз хатшысы: – Әзірге жүргізушілердің жұмыс барысына түсіністікпен қарауларын сұраймыз. Жол белгілерінің орнатылмауына, үзік сызықтардың сызылмауына байланысты жылдамдықты асырмай, барынша жол ережелерін сақтап жүруін сұраймыз.
Қала жастары бір ай бұрын жөндеуден өткен скейт-парктың сапасыздығына шағымдануда. Өзі былтыр ғана салынған алаң содан бері сыннан көз ашпай келеді. Құрылысшылардың да «бәрін реттейміз» деген сөзі іс жүзінде расталмай шықты. Иван РЕСНОВ, қала тұрғыны: – Тіпті саябақты жабуға да тура келген. Жұмысшылар бізге бөлінген қаражаттың аздығын айтқан болатын. Сондықтан керемет дүние күтпедік те. Бәрін асығыс жасап тастаған. Бұрынғы күйінен түк айырмашылық жоқ. Аталған мәселе туралы құрылысшылардың өзінен сұрағанда мардымды жауап болмады. Абай ХАМИДУЛЛА, мердігер мекеме директорының орынбасары: – Егер бетон тым сапасыз болса, ендігі үгітіліп кетуші еді. Аздаған кем-кетік бар болар. Бірақ оларды алдымен қарап, тексеру керек. Бұл мәселеде…
Осы жылдың қаңтар–шілде аралығында республикалық бюджеттен базалық зейнетақы төлеуге 446,9 млрд теңге, ал ынтымақты зейнетақы төлемдеріне 997 млрд теңге бөлінді. Бұл туралы ҚР Еңбек және халықты әлеуметтік қорғау министрлігінің ресми сайты хабарлады. Ал өткен шілде айында республикалық бюджеттен зейнетақыға 210 млрд теңге төленген. Оның ішінде базалық зейнетақы төлеуге – 65 млрд теңге, ынтымақты зейнетақы төлеуге – 145 млрд теңге. 2020 жылғы 1-тамыздағы жағдай бойынша еліміздегі зейнеткерлер саны – 2 млн 220 мың. 1-тамыздағы көрсеткіш бойынша, зейнетақы төлемдерінің орташа мөлшері (оның ішінде базалық зейнетақы) 95 058 теңгеге жеткен. Міндетті зейнетақы жарналары неғұрлым тұрақты және толық салынатын болса, зейнетақы жасына жеткенде базалық…
Бүгін Парламент Сенаты Халықаралық қатынастар, қорғаныс және қауіпсіздік комитетінің депутаттары коронавирус пандемиясы кезінде халықты дәрі-дәрмекпен қамтамасыз ету және гуманитарлық көмекті бөліп, тарату мәселесі бойынша Денсаулық сақтау, Сыртқы істер, Қаржы министрліктерінің және тағы басқа мүдделі ведомстволардың басшыларымен ведио-конференция форматында кездесу өткізді. Мемлекет басшысы Қасым-Жомарт Тоқаев 10-шілдеде өткен Үкіметтің кеңейтілген отырысында індеттің Қазақстанға тигізген зардабының себептеріне тоқталып, оның алдын алудың нақты шараларын анықтап берген болатын. Сыртқы істер министрі Мұхтар Тілеуберді, Денсаулық сақтау министрі Алексей Цой және бірінші қаржы вице-министрі Берік Шолпанқұлов осы бағытта атқарылған жұмыстар бойынша баяндама жасады. Кездесу барысында Денсаулық сақтау министрлігінің басшылығына қаратып басқа ведомстволармен және өңірлермен тығыз байланыста жұмыс…
Өткен жылы 91 метрлік тутұғырдың құлауына оның құрылысына бөлінген қаражаттың ұрлануы себеп болған. Қала орталығындағы ең көрнекті жобалардың бірі болуы тиіс нысан жел қысымына төтеп бере алмады. Осылайша, бөлінген 203 млн теңгені үнемдемек болған мердігер мекеменің заңға қайшы әрекеттері анықталды. Бауыржан ЖҰМАҚАНОВ, Атырау облысы прокурорының орынбасары: – Сапасына күмән тудыратын материалдарды қолданған деректер анықталуда. Бұның нәтижесінде адамдардың өміріне қатер төнген. Нәтижесінде прокорутура сотқа дейінгі тергеп-тексеру жұмыстарын жүргізіп, болған оқиғаны анықтау үшін экономикалық тергеу департаментіне құжаттар жолданды. Прокурорлардың сөзінше, мердігер мен жергілікті атқарушы органның заңсыз әрекеттерінен туындаған апаттық жағдай адамдардың өмірі мен денсаулығына қауіп төндірді. Енді тергеудің қалай аяқталарын уақыт көрсетпек.…
Карантиндік шектеулер жеңілдетіледі. Атырауда 17-тамыздан бастап сауда ойын-сауық орталықтары мен базарлардың жұмысы қайта жанданады. Оған қоса, қоғамдық көліктер қатынап, мейрамханалар ашылады. Қойылатын талап бір – санитария нормаларының сақталуы. Ал кәсіпкерлік нысан иелері өз жұмыстарын жалғастыру үшін арнайы электронды платформа арқылы тіркеліп, рұқсат алулары тиіс. Жанар ДОСЫМБАЕВА, Атырау облысының бас санитар дәрігерінің орынбасары: – Шағын кәсіпкерлікке жататын қызметкерлер infokazakhstan электронды платформасы арқылы рұқсат алса жеткілікті. Ал базар сияқты ірі кәсіпкерлік нысандарына Атырау облысының әкімшілігі тарапынан құрылған мобильдік топ алдын ала тексеріс жүргізеді. Сонымен қатар, алдын ала жазылу арқылы сұлулық салондары, шаштараз, бассейні жоқ фитнес орталықтарына да баруға болады. Ал мектепке дейінгі…