CaspianLife, 4 шілде. North Caspian Operating Company (NCOC) – Солтүстік Каспий жобасының Операторы – Қашаған кен орны іске қосылғаннан бері 1 миллиард баррель мұнай өндірді. NCOC баспасөз қызметінің хабарлауынша, бүгін, 4 шілде күні компания маңызды межеге жетті – Қашаған кен орнынан өндірілген мұнай көлемі 1 миллиард баррельді құрады. «Бұл тарихи көрсеткіш – Солтүстік Каспий жобасының тұрақты өндірісі мен ілгерілеуінің дәлелі, сондай-ақ Қазақстан Республикасының әлеуметтік-экономикалық дамуына қосқан елеулі үлесінің көрінісі», – делінген хабарламада. Осы жетістікпен ұжымды құттықтаған North Caspian Operating Company компаниясының басқарушы директоры Джанкарло Рую былай деді: «Бүгін біз Компания тарихындағы маңызды кезеңге жеттік: 2016 жылдан бастап Қашаған кен орнында…
Автор: Сайт әкімшілігі
CaspianLife, 3 шілде. Қазақстанда шілде айының алғашқы жексенбісінде Ұлттық домбыра күні атап өтіледі. Биыл бұл мереке 6 шілдеге сәйкес келіп отыр. Қазақстан Республикасы Мәдениет және ақпарат министрлігінің баспасөз қызметі бұл мереке 2018 жылы Президенттің бастамасымен бекітілгенін еске салды. Ұлттық домбыра күні ұлттық бірегейлікті нығайтуға, жастардың дәстүрлі мәдениетке қызығушылығын оятуға және ұрпақтар сабақтастығын насихаттауға ықпал етеді. Мәдениет және ақпарат министрлігі мерекеге арналған республикалық іс-шаралар жоспарын бекітті. Биыл 300-ге жуық іс-шара ұйымдастырылады, оның 200-ден астамы өңірлерде өтеді. Мысалы, 6 шілде күні Алматы қаласындағы MEGA Alma-Ata ашық алаңында Құрманғазы атындағы Қазақ мемлекеттік халық аспаптары оркестрінің мерекелік концерті өтеді. Сонымен қатар, Көк Төбе саябағында…
CaspianLife, 3 шілде. Бұған дейін хабарланғандай, Мемлекет басшысының Жарлығымен Сыбайлас жемқорлыққа қарсы іс-қимыл агенттігі (Антикор) Ұлттық қауіпсіздік комитетіне қосылу жолымен қайта ұйымдастырылды. Жаңа ведомство – «ҰҚК Сыбайлас жемқорлыққа қарсы қызметі» құрылды. Ұлттық қауіпсіздік комитетінің баспасөз қызметінің түсіндіруінше, осыған байланысты Комитет тарапынан бірқатар ұйымдастырушылық, басқарушылық және практикалық шаралар жүргізіліп жатыр. «Құқықтары мен міндеттемелерінің құқықтық мирасқорлығына қатысты рәсімдер аяқталғанға дейін қайта ұйымдастырылған ведомство бұрынғы режимде жұмысын жалғастырады», – делінген хабарламада.
Caspianlife, 2 шілде. 2025 жылдың басынан бері Қазақстанда автокөлік жүргізушілері ақылы жолдармен 30 миллионнан астам рет жүрген. Бұл көрсеткіштер сапалы жол инфрақұрылымына деген сұраныстың артып келе жатқанын және оның ел экономикасын дамытудағы маңызды рөлін көрсетеді. «ҚазАвтоЖол» ұлттық компаниясының баспасөз қызметі республикалық маңыздағы автожолдардың жалпы ұзындығы 25 мың шақырым екенін еске салды. Оның ішінде 4 760 шақырым болатын 25 ақылы жол учаскесі бар. Бұл учаскелердің 12-сі I техникалық санаттағы, ал 13-і II және III техникалық санаттағы жолдар. Төменде ең көп жүріп өткен ақылы жол учаскелерінің рейтингі келтірілген: Алматы – Қонаев (5,1 млн) Шымкент – Өзбекстан шекарасы (4,4 млн) Шымкент – Тараз…
Caspianlife, 2 шілде. Ақтау қаласындағы IT бағыты бойынша жұмыс істейтін мектеп-лицейде жаңа оқу жылынан бастап жасанды интеллект негізінде басқару және бақылау жүйесі толық іске қосылады. Маңғыстау облысы әкімдігінің баспасөз қызметінің хабарлауынша, бұл – өңірде білім беру процесіне жасанды интеллект технологиясын ауқымды түрде енгізудің алғашқы үлгісі. Енгізіліп жатқан жүйе «Edus» білім беру платформасы арқылы жұмыс істейді. Аталған платформа ата-аналар мен мұғалімдер арасындағы байланысты қамтамасыз етіп, оқушының оқу үлгерімі, сабаққа қатысуы мен мектеп өміріндегі белсенділігі туралы мәліметтерді қолжетімді етеді. Сонымен қатар, төлемдер мен хабарламалар да осы жүйе арқылы жүргізіледі. Мектепке келушілер тек Face ID арқылы кіре алады, бұл оқушылардың қауіпсіздігін қамтамасыз етуге…
Caspianlife, 2 шілде. Ақтөбе облысындағы «Жайсан», Солтүстік Қазақстан облысындағы «Жаңа жол» және Атырау облысындағы «Бөкей хан» шекаралық өткізу бекеттерінде ондаған жүк көлігі мен рейстік автобустар Ресей Федерациясына кіру кезегін күтіп тұр. Бұл туралы Ішкі істер министрлігінің Polisia.kz ведомстволық сайты хабарлады. Полиция қоғамдық тәртіпті қамтамасыз етіп, көлік ағынын реттеп, жүргізушілерге көмек көрсетіп жатыр. «Оқиға орнында патрульдік экипаждар мен учаскелік инспекторлар жұмыс істеуде. Олар жүргізушілерге кеңес беріп, жағдайды бақылауда ұстап, жол қозғалысы қауіпсіздігін қамтамасыз ету шараларын қабылдауда. Қалған өңірлерде жағдай тұрақты, өткізу бекеттері қалыпты режимде жұмыс істеп тұр», — деп хабарлайды Polisia.kz. Полиция 30 маусымнан бастап Ресей Федерациясымен шекаралас кейбір өткізу бекеттерінде…
Caspianlife, 1 шілде. ҚР Индустрия және құрылыс министрлігінің баспасөз қызметінің хабарлауынша, биыл республикалық бюджет пен арнайы қордан су жеткізу бойынша 442 жобаны іске асыруға 183 миллиард теңге бөлінді. Бағдарлама аясында құрылыс-монтаж жұмыстары жүргізіліп, су құбыры желілерін қайта жаңғырту және кеңейту жүзеге асырылып жатыр. Ірі қалаларда су тазарту нысандарын жаңғырту жобалары басталған немесе аяқталған. Қазірдің өзінде ұзындығы 8,5 мың шақырымнан асатын желілер қайта жаңартылып, кеңейтілді. Сондай-ақ, бірқатар ірі қалаларда ауыз судың сапасы мен тапшылығы мәселесі су тазарту құрылғыларын салу және жаңарту арқылы шешілді. «Атырау қаласында құны 17 миллиард теңге болатын сүзгі станциясының реконструкциясы аяқталды», – делінген хабарламада.
CaspianLife, 1 шілде. Шілде айында Қазақстанның басым бөлігінде тұрақсыз ауа райы күтіледі — кей күндері нөсер жауынмен, найзағаймен, бұршақпен және дауылды желмен қатар жүреді. «Қазгидромет» РМК баспасөз қызметінің мәліметінше, Батыс Қазақстан облысында баяу жылжитын циклонның ықпалымен айдың бірінші онкүндігінің бірінші жартысында күндізгі ауа температурасы +18…+26°С шамасында сақталады, ал онкүндіктің соңына қарай +28…+33°С-қа дейін жылынады. Атырау және Маңғыстау облыстарында күндізгі ауа температурасы біртіндеп +25…+33°С-тан +30…+38°С-қа дейін жоғарылайды деп болжануда. Шілде айының екінші және үшінші онкүндіктерінде: — батыс, оңтүстік, оңтүстік-шығыс және орталық аймақтарда ең ыстық күндері ауа температурасы +33…+42°С-қа дейін көтеріледі; — Қазақстанның қиыр оңтүстігінде +46°С-қа дейін, ал салқын күндері +23…+28°С-қа дейін…
CaspianLife, 1 шілде. Мемлекет басшысы Қасым-Жомарт Тоқаев тиісті Жарлыққа қол қойды. Құжатта көрсетілгендей, бұл қайта ұйымдастыру мемлекеттік басқару жүйесін жаңғырту және оның тиімділігін арттыру мақсатында жүргізілді. Президенттің ресми сайтында жарияланған Жарлыққа сәйкес, Қазақстан Республикасының Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) Қазақстан Республикасы Ұлттық қауіпсіздік комитетіне (ҰҚК) қосу жолымен қайта ұйымдастырылды. Жарлыққа сәйкес, Ұлттық қауіпсіздік комитетінің құрылымында Сыбайлас жемқорлыққа қарсы іс-қимыл қызметі атты ведомство құрылды. Сонымен қатар, қайта ұйымдастырылған Сыбайлас жемқорлыққа қарсы қызметтің сыбайлас жемқорлыққа қарсы саясатты қалыптастыру және іске асыру, осы саладағы іс-қимылды үйлестіру, сыбайлас жемқорлық құқықбұзушылықтарының себептері мен жағдайларын азайту, сондай-ақ сыбайлас жемқорлыққа қарсы мәдениетті қалыптастыру…
CaspianLife, 30 маусым. Бұл туралы Қазақстан Республикасы Жоғарғы Сотының төрағасы Асланбек Мерғалиевтің қатысуымен өткен кеңейтілген кеңесте мәлім болды. Жоғарғы Соттың баспасөз қызметінің хабарлауынша, кеңесте республика соттарының бірінші жартыжылдықтағы жұмысының қорытындылары талқыланды. Оған Президенттің құқықтық мәселелер жөніндегі көмекшісі Ержан Жиенбаев пен Жоғары Сот Кеңесінің төрағасы Дмитрий Малахов қатысты. Кеңесте Жоғарғы Сот алқаларының төрағалары Нұрсерік Шәріпов, Назгүл Рахметуллина, Аслан Тұкиев және Сот әкімшілігі басшысы Наиль Ахметзакиров баяндама жасады. А. Мерғалиев жаңадан құрылған кассациялық соттардың міндеті – алдыңғы сатыларда кеткен сот қателіктерін сүзгіден өткізу екенін атап өтті. Азаматтық істер бойынша қаралған істердің саны артқанына қарамастан, сот төрелігінің сапасы сақталып отыр. 2025 жылдың бес…