CaspianLife, 21 маусым — Бұл туралы Атырау мұнай өңдеу зауытының (АМӨЗ) баспасөз қызметі хабарлады. Хабарламада көрсетілгендей, бүгін, 21 маусым күні кешкі сағат 20:00-ден 23 маусым (жексенбі) сағат 20:00-ге дейін Қабдолова көшесінің бойындағы жол учаскесінде демонтаждау және асфальт жол жабындысын қалпына келтіру жұмыстары жүргізіледі (№ 1 кірме теміржол жолының ауданы). Аталған жұмыстар Атырау қалалық әкімдігі мен полиция бөлімімен келісілді. Бұл аймақта автокөлік қозғалысы уақытша шектеледі.
Автор: Сайт әкімшілігі
CaspianLife, 21 маусым — Қазақстандықтар зейнетақы қорында жинақталған қаражатын алған жағдайда ЖТС (жеке табыс салығы) төлеуден босатылады. Ұлттық экономика вице-министрі Азамат Амриннің сөзінше, зейнетақысының бір бөлігін алып қойған және әлі де жеке табыс салығы бойынша 10 пайыз берешегі барлар үшін қарыз есептен шығарылады. Бұл салық зейнетке шыққан кезде алынбайды.
CaspianLife, 20 маусым — Қазақстан-Өзбекстан мемлекеттік шекарасында орналасқан Маңғыстау облысы бойынша Мемлекеттік кірістер департаментінің «Тәжен» кеден бекетінде есірткі заттарын алып өтпек болған шетел азаматтары ұсталды. Ақтау-Нөкіс бағыты бойынша 1992 жылы туған Өзбекстан азаматының қол багажынан салмағы 2 граммға дейінгі ерекше иісі бар жасыл түсті өсімдік заты табылды. Өзбекстан азаматы бұл заттың марихуана тұқымы екенін мойындаған. Дәл сондай Үргеніш (ӨзР) – Уфа (РФ) бағыты бойынша шекарадан «Kia carnival» көлігімен өтпек болған РФ азаматының қалтасынан салмағы 3 граммға дейінгі ерекше иісі бар жасыл түсті өсімдік заты табылды. Оның 1993 жылы туған Ресей азаматы екені белгілі болды. Ресей азаматының сөзі бойынша, бұл зат…
CaspianLife, 20 маусым — Тоқаев несие туралы заңға қол қойды. Жаңа заң бойынша азаматтар борышының өсуін болдырмау үшін мерзімі өткеніне 90 күннен асқан берешегі бар тұлғаларға кепілсіз тұтынушылық қарыздар беруге тыйым салынады. Алайда қарызды қайта қаржыландыруға бұл тыйым жүрмейді. Сондай-ақ әскери қызметшілер мерзімді әскери қызметін өтеу кезінде және демобилизациядан кейін 60 күн ішінде алған қарызына сыйақы есептеуден босатылады.
CaspianLife, 19 маусым — Атырау қаласының №2 сотымен облыстық мемлекеттік еңбек инспекциясы басқармасының бөлім басшысы С. Джабасовқа қатысты үкім жарияланды. Ол кәсіпкердің ақшасын алаяқтық жолмен жымқыруға оқталғаны және өндірісте екі қызметкердің қайтыс болуы фактісі бойынша оған қатысты қылмыстық қудалауды тоқтатуға байланысты лауазымды адамдарға пара беруге итермелегені үшін сотталды. Сот үкімімен оған мемлекеттік қызметте лауазымдарды атқару құқығынан өмір бойына айыра отырып, 4 жылға бас бостандығынан айыру жазасы тағайындалды. Алдын алу шаралары аясында процеске онлайн режимде еңбек инспекциясы басқармасының қызметкерлері қосылды. Үкім заңды күшіне енген жоқ.
CaspianLife, 19 маусым — Шілде айында қазақстандықтарға бір күн қосымша демалыс беріледі. 2024 жылы Астана күні сенбіге сәйкес келетіндіктен демалыс дүйсенбіге ауыстырылады. Бес күндік жұмыс аптасында қазақстандықтар Астана күніне үш күн демалады: 6, 7 және 8 шілде. Жалпы шілде айында қазақстандықтар 9 күн демалады: 6, 7, 8, 13, 14, 20, 21, 27, 28. Аптасына алты күн жұмыс істейтіндер үшін демалыс күндері 6, 7, 14, 21, 28 шілде болады. Елорда күні Қазақстанда 1998 жылы Астана қаласына бас қала мәртебесі берілген сәттен бастап атап өтіледі. Бұрын мереке 10 маусымда қалалық деңгейде атап өтілетін. 2006 жылдан Астана күні 6 шілдеге ауыстырылып, республикалық деңгейде…
CaspianLife, 19 маусым — Атырау облыстық дене шынықтыру және спорт басқармасын, Мақат ауданын басқарған Ринат Ибрагимов сотталды. Атырау қаласының №2 сотының судьясы Абылай Қарабеков оның бас бостандығын 2 жылға шектеді. Және бұрынғы әйелі Ақмарал Үмбетқалиеваға 2 миллион теңге моральдық шығын төлеуі тиіс деген үкім шығарды. Ринат Ибрагимовке қатысты іс ҚР қылмыстық кодексінің 107 бабы, 2-бөлігінің 3 тармағы бойынша қаралған еді. Анығын айтқанда, сотта шенеуніктің әйелінің денсаулығына қасақана зақым келтіргені дәлелденді. Еске салайық, мамыр айында Ақмарал Үмбетқалиева өзіне күйеуі — Мақат ауданының әкімі Ринат Ибрагимовтың 11 жылдан бері тұрмыстық зорлық-зомбылық көрсетіп келе жатқанын айтып, видео жариялаған еді. Ақмаралдың сөзінше, былтыр мамыр…
CaspianLife, 19 маусым — Меккедегі Әл-Муайсем ауданындағы мәйітхана 550 адамның қайтыс болғанын растады. Қаза болғандардың 323-і мысырлық болса, 60-ы иорданиялық. Ал 2 мыңнан астам адам медициналық көмекке жүгінген. 17 маусымда Меккедегі Харам мешітінде ауа температурасы 51,8 градусқа жетті. Сауд Арабиясының зерттеуіне сәйкес, аймақтағы температура әр онжылдықта 0,4 градусқа көтеріледі. Билік қажыларға күннің ыстық уақытында қолшатыр қолдануды, көп су ішіп, күн сәулесінен аулақ болуды ұсынды.
CaspianLife, 18 маусым — «Атырау — Орал» республикалық маңызы бар автожолының 44 шақырымында жолды қалпына келтіру жұмыстарының 80%-ы аяқталды, деп хабарлады Атырау облысы ТЖ жөніндегі жедел штабы. “Атырау-Орал” автожолын қайта қалпына келтіру жұмыстары осыдан бір апта бұрын басталған болатын. Аталған жолды толықтай аяқтауға 10 метрдей бөлігінде жұмыс қалды. Қалпына келтіру жұмыстары бір мезгілде екі жолақтан көлік жүретіндей етіп жасалуда. Жол уақытша қалпына келтіріліп, пайдалануға берілгеннен кейін, автожолдан жеңіл көліктер өте алады. Автокөлік құралдарының қауіпсіз және үздіксіз жүруін қамтамасыз ету мақсатында автожол бір — екі күнде пайдалануға беріледі” деді “ҚазАвтоЖол” АҚ Атырау облыстық филиалы Пайдалану және қауіпсіздік бөлімінің бастығы Еркен Шералиев.…
Жылдың басынан бері 45 адам, ал 1 маусымнан бері 27 адам суға батып мерт болды. Қазіргі су айдындарында 42 құтқару бекеті халықтың қауіпсіздігін қамтамасыз етуде. Бұл туралы Төтенше жағдайлар министрлігі мәлімдеді. Қайықтармен және құтқару құралдарымен жабдықталған мобильді посттарда су айдындарына кезекшілік пен патрульдеу жүргізіледі. ТЖМ құтқарушылары жыл басынан бері 76 адамды, суға шомылу маусымы басталғалы бері 24 адамды құтқарды. Бүгінде елімізде 708 шомылуға және демалуға рұқсат етілген орындар бар. Маусым айының соңына дейін тағы 33 жағажай ашылады.