Caspianlife, 25 сәуір. Бүгінгі таңда Қазақстанда 265 баспана іздеуші адам және 301 босқын тұрады. Республика аумағында баспана алған барлық шетел азаматтарына Қазақстанның халықаралық қауымдастық алдындағы босқындарға қатысты міндеттемелеріне сәйкес мемлекет тарапынан қорғау мен қолдау көрсетіледі. Бұл туралы ҚР Еңбек және халықты әлеуметтік қорғау министрлігінің (ЕХӘҚМ) баспасөз қызметі хабарлады. Ведомство 1998 жылғы 15 желтоқсанда Қазақстанның 1951 жылғы БҰҰ-ның «Босқындар мәртебесі туралы» Конвенциясына ресми түрде қосылып, белгілі бір міндеттемелерді қабылдағанын еске салды. Қазақстан аумағында баспана іздеушілер мен босқындардың құқықтық мәртебесіне қатысты қоғамдық қатынастар «Босқындар туралы» заңмен реттеледі. Бұл заң босқындардың құқықтары саласындағы халықаралық құқық қағидаттарына негізделген: елден шығармау, босқын мәртебесін беру рәсімінің…
Автор: Сайт әкімшілігі
СaspianLife, 24 сәуір. Бұл туралы кеше Астрахань облысының шекара саясаты жөніндегі кеңесінің отырысында белгілі болды. Кеңесті облыс губернаторы Игорь Бабушкин жүргізді. Өңір басшысы Астрахань облысы Қазақстанмен мемлекеттік шекараның ұзақ учаскесіне ие маңызды шекаралас аймақ екенін атап өтті. «Солтүстік – Оңтүстік» халықаралық көлік дәлізін (ХКД) дамыту аясында биылғы жылдың алғашқы тоқсанында транзиттік жүк пойыздарының саны 30%-ға артқан. Астрахань облысы губернаторының баспасөз қызметінің хабарлауынша, 2023 жылдан бастап шекара мен Аксарайский, Верхний Баскунчак өткізу пункттері арасындағы учаскеде жүк пойыздарының жоспардан тыс тоқтаулары 2,5 есеге артқан. 2025 жылы да өсім байқалады. Бұл шекаралық бақылау үшін күрделі мәселелер туғызып, ұлттық қауіпсіздікке қауіп төндіруі мүмкін. Ресей…
CaspianLife, 24 сәуір. Астрахань облысындағы Ресей географиялық қоғамының бөлімшесінің басшысы Петр Бухарицин аман-есен табылды. Бұл туралы «Лотос» мемлекеттік телерадиокомпаниясы Каспий флотилиясының жедел қызметіне сілтеме жасап хабарлады. Хабарламада айтылғандай, 23 сәуір күні ғалым әлі де аралда болған, ол Укатный аралында орналасқан далалық лагерьде жатыр. «Лотос» ГТРК мәліметінше, ғалым Каспий теңізінде, Қазақстан мен Ресей шекарасында өткен ғылыми экспедиция кезінде жоғалып кеткен.
CaspianLife, 24 сәуір. Бүгін таңертең Атырау қаласының орталық көшелерінің бірінде салынып жатқан тұрғын үй кешенінен өрт шыққаны туралы 112 пультіне хабарлама түсті. Төтенше жағдайлар министрлігінің баспасөз қызметінің мәліметінше, оқиға орнына кезекші бөлімшелер келген кезде өрт 13 және 14-қабаттарды қамтып, жалпы 450 шаршы метр аумақты шарпығаны анықталған. Өрт сөндірушілердің жедел әрекетінің арқасында жалын басқа бөлмелерге таралмай, толығымен сөндірілді. Зардап шеккендер жоқ.
CaspianLife, 24 сәуір. Бұл шешім Қазақстан футбол федерациясының (ҚФФ) Бақылау, тәртіптік және этикалық комитетінің отырысында қабылданды. ҚФФ баспасөз қызметінің хабарлауынша, отырыс қорытындысы бойынша «Атырау» футбол клубына (ФК) жаза қолдану туралы шешім қабылданды. Атап айтқанда, клуб жанкүйерлерінің орынсыз әрекеттері үшін жазаланды. Олар 2025 жылғы футбол маусымының 4-туры аясында өткен «Атырау» — «Қайрат» командалары арасындағы матч кезінде отқұрал (фаер) жаққан. Қолданыстағы ережелерге сәйкес, «Атырау» клубына 75 айлық есептік көрсеткіш (АЕК), яғни 294 900 теңге көлемінде айыппұл салынды. Еске салайық, 2025 жылы 1 АЕК — 3 932 теңгені құрайды.
CaspianLife, 24 сәуір. Қиғаш өзені – Еділ өзенінің төменгі ағысындағы тармағы. Ал Шароновка өзені – Қиғаштың тармағы болып табылады. Бұл екі өзен де Атырау облысының Құрманғазы ауданынан ағып өтеді. Сондай-ақ, Қиғаш өзені арқылы Қазақстан Республикасы мен Ресей Федерациясының (Атырау және Астрахань облыстары) мемлекеттік шекарасы өтетінін атап өткен жөн. Telegram-дағы Vолжская ГЭС арнасының хабарлауынша, Ресейдің Су ресурстары жөніндегі федералдық агенттігінің (Росводресурсы) нұсқауына сәйкес, 26 сәуірден бастап Волжская СЭС Еділ өзенінің төменгі ағысына арнайы су тастау режимінде жұмыс істей бастайды. Хабарламада былай делінген: «…Еділдің төменгі ағысына арнайы су тастау – жайылымдық шабындықтарды суару, жаз мезгілінде суару үшін жасанды және табиғи су қоймаларын…
CaspianLife, 24 сәуір. Бұл туралы кеше Премьер-министр Олжас Бектеновтің төрағалығымен өткен Үкімет отырысында айтылды. Жиында газ саласын дамыту мәселесі қаралды. Энергетика министрі Ерлан Аккенжанов өндіру көлемінің болжамы, инфрақұрылымды жаңғырту, әлеуметтік бастамалар мен цифрландыру шаралары туралы баяндама жасады. «Сондай-ақ, ол ішкі нарықта сұйытылған мұнай газы тапшылығының артуы мәселесіне тоқталды. Әсіресе сұйытылған газға сұраныс шекара маңындағы өңірлерде артып отыр. Энергетика министрлігі ай сайын еліміздің өңірлеріне шамамен 130 мың тонна сұйытылған газ таратады. Алайда бұл көлем жеткіліксіз – қазіргі қажеттілік ұсыныстан 25-30 мың тоннаға артық, бұл шамамен 23%-ды құрайды. Сұйытылған газ бағасының төмен болуына байланысты елімізде көлік жүргізушілері осы отын түріне жаппай ауысуда,…
CaspianLife, 23 сәуір. Ол – 37 жастағы жергілікті маман Қуаныш Қабдулов. 2009–2012 жылдары аралығында «Атырау» жастар командасының бас бапкерінің көмекшісі болып жұмыс істеген. «Атырау» футбол клубының әлеуметтік желідегі ресми парақшасында жарияланған ақпаратқа сәйкес, 2013 жылы Қ.Қабдулов «Атырау» футбол орталығының басшысы болып тағайындалып, сол жылы 1999 жылы туған жасөспірімдер командасы Қазақстан чемпионатында жеңіске жеткен. 2014–2020 жылдары аралығында ол «Атырау» негізгі командасының бапкерлік штабында бас бапкердің көмекшісі және бас бапкер қызметтерін атқарды. Осы кезеңде мұнайшылар Қазақстан Кубогының финалына екі мәрте (2017 және 2019 жж.) шыққан. 2021–2022 жылдары Қуаныш Қабдулов алдымен «Туран» клубында көмекші бапкер, кейін бас бапкер болды. Ал өткен маусымда Ақтаудың…
CaspianLife, 23 сәуір. Төтенше жағдайлар министрлігі (ТЖМ) балалар қауіпсіздігіне алаңдаулы екенін білдіріп, ата-аналарды барынша мұқият болуға шақырады. ТЖМ баспасөз қызметінің мәліметінше, 2025 жылдың басынан (22 сәуірдегі жағдай бойынша) бірыңғай кезекші-диспетчерлік қызметтің 112 пультіне көпқабатты тұрғын үйлердің терезелерінен балалардың құлауына қатысты 34 хабарлама келіп түскен. Соның салдарынан үш бала көз жұмып, қалғандары әртүрлі дене жарақатын алып, ауруханаға жатқызылған. «Оқиғалар Астана, Шымкент қалаларында, сондай-ақ Ақмола, Атырау, Шығыс Қазақстан, Қарағанды, Қостанай, Қызылорда, Жамбыл, Маңғыстау, Павлодар облыстарында және Абай мен Ұлытау облыстарында тіркелді», – делінген хабарламада. Бұрынғы жылдардағыдай, негізгі себеп – ересектер тарапынан жеткіліксіз бақылау. Балалар үлкендердің қарауынсыз қалып, терезе алдына шығып, жиһаздарды тірек…
CaspianLife, 23 сәуір. Каспий теңізінде белгілі астрахандық ғалым Пётр Бухарицынды іздеу жұмыстары жалғасуда. Бұл туралы «Лотос» мемлекеттік телерадио компаниясы (Астрахань) хабарлады. Телесюжетте атап өтілгендей, Ресейдің Географиялық қоғамының Астрахань облысындағы бөлімшесінің жетекшісі, ғылым докторы, профессор Укатный аралы маңында, Ресей мен Қазақстан шекарасында жұмбақ жағдайда жоғалып кеткен. ГТРК «Лотос» мәліметінше, Пётр Бухарицын Каспий жағалауының солтүстік бөлігін картаға түсіру мақсатындағы экспедицияны басқарған. Экспедиция Каспий флотилиясының кемесімен жүзеге асырылған. Қазіргі уақытта оны флотилия қызметкерлері мен шекара қызметінің өкілдері іздестіруде. Ертең іздеу жұмыстарына «ЛизаАлерт» іздестіру-құтқару тобы қосылады деп жоспарлануда. Бұл жағдайға байланысты Ресейдің Калмыкия және Астрахань облысы бойынша ФҚҚ Шекара басқармасы түсініктеме берді.