Атырау облысына «Сәби» қайырымдылық қоры атынан жалпы сомасы 128 млн. теңге болатын дәрілік препараттар тарту етілді. Астраханнан әрқайсысының құны 10 млн. теңгелік 10 жасанды тыныс алу аппараты, сондай-ақ, 26 млн. болатын дәрі-дәрмек жеткізілді. Ал қалған сомаға 40 шақты консентратор мен медициналық бетперде алынды. Көмекті «Иманғали» орталық мешіті қабылдап алды. Алтынбек ҰТЫСХАНҰЛЫ, Атырау облысының бас имамы: – ҚМДБ төрағасы және ондағы «Зекет» қайырымдылық қоры «Өмірге үміт сыйла» акциясын жариялаған еді. Акция барысында Атырау мешіттері атынан халыққа үндеу жасадық. Яғни, онда қазіргі таңда халыққа аудай қажет болған дәрі-дәрмекпен көмектесу, құрбандық шалып, етін тегін тарату, жасанды тыныс алу аппаратын алып беру туралы айтылды. …
Автор: Сайт әкімшілігі
SpaceX компаниясының басшысы Илон Маск туиттердегі парақшасында Мысырдағы пирамидаларды бөгдеғаламшарлықтар салғанын жазған еді. Іле оның жазбасына перғауын жұртының билігі де жауап беріп, жас ғалымның жұмысына риза екенін және оның өз еліне келіп көне жазуларды зерттеуін өтінген. Мысырдың туризм министрі Рания әл-Машат былай дейді: – Сізді және SpaceX компаниясын көне жазулар арқылы пирамидалардың қалай салынғанын және оларды салушылардың да зираттарын зерттеуге шақырамын. Мистер Маск, біз сізді күтеміз. Сондай-ақ, ол пирамидалардың құрылысына бөгдеғаламшарлықтардың еш қатысы жоқ екенін тілге тиек еткен.
Ішкі істер министрлігінің келісімімен Маңғыстау облысы Полиция департаментінің бастығы генерал-майор Жанарбек Бактыбаевтың бұйрығымен Қарақия ауданы Полиция бөлімінің бастығы болып Данияр Азимов тағайындалды. Жаңа басшыны жеке құрамға Полиция департаменті бастығының орынбасары полиция полковнигі Болатбек Ақшауов таныстырды. Данияр Азимов 1985 жылы туған. Ішкі істер органдарында 2008 жылдан бері қызмет атқарып келеді. Басшылық лауазымдарда атқарған үлкен тәжірибесі бар. Әр түрлі жылдарда жергілікті полиция қызметінде бастық орынбасары, Жаңаөзен қаласы Полиция басқармасы бастығының орынбасары, Бейнеу ауданы Полиция бөлімі бастығының орынбасары болған. 2020 жылы ҚР ІІМ Қарағанды академиясының магистратурасын тәмамдаған.
Мемлекеттік қызметшілер арасында жүргізілетін конкурстық іріктеу ережелері жеңілдетілді. Енгізілген түзетулерге сәйкес, мемлекеттік орган қызметкерлері арасында өтетін ішкі конкурс жалпы конкурспен біріктірілген. Өзгерістер 2020 жылдың 17-шілдесінен бастап күшіне енді. Мамандардың сөзінше, жаңашылдық бос лауазымдардың орнын аз уақытта толтыруға ықпал етеді. Руслан ТҰҢҒЫШБАЕВ, ҚР Мемлекеттік қызмет істері агенттігі АОД басшысының орынбасары: — Заңға енгізілген бұл жаңалықтар жұмысты 30 пайызға дейін қысқартады. Бұрынғы кезде конкурс үш кезеңнен тұрса, қазір екі кезеңнен. Бұрынғы үш кезеңнен тұрған кезде елу күнге дейін созылатын, қазір 15 күнге дейін қысқарып, уақыт үнемделеді. Сонымен қатар, өзгерістер бос лауазымдарға мемлекетті қызметшілерді тезірек алу мақсатында енгізілді.
Атыраулықтар жабайы жағажайдан әлі де алыстамай жүр. Жыл басынан бері тілсіз жау 15 адамды жалмаған. Салынған тыйымдарға қарамастан суға түскендерге жедел құтқару жасағы мен полиция қызметкерлері түсіндіру жұмыстарын өткізіп, ескерту жасады. Нұржан ЖАҚАТАЕВ, Атырау қалалық ТЖБ бастығының уақытша міндетін атқарушы: Рейдтік шара барысында төтенше жағдай қызметкерлері мен жергілікті полиция қызметкерлері және жергілікті атқарушы органдардың қызметкерлері бірге қызмет атқарады. Талаптарды бұзған азаматтар әкімшілік жауапкершілікке тартылады. Қазіргі жүргізілген рейдтік шаралар әлі де жалғасын табады. Талапты бұзған 30 шақты азаматқа ескерту жасалды. Жағажайда жүргендердің басым бөлігі жасөспірімдер мен бала-шағалы отбасылар. Әдетте тәртіп сақшылары келгенде өкпесін қолына алып қаша жөнелетіндер көздіаала бере қайта келетін…
Кеше ғана Атырауда шақырымдап созылған кептеліс мәселесі шешіледі деген полицейлердің ойлары оңды жүзеге аспай тұр. Амандосов пен Берғалиев көшелерінің қиылысында тосыннан басталған жол жөндеу жұмыстары көпшілікке қолайсыздық тудыруда. Әсіресе, пандемия уақытында дәріхана мен ауруханаға жете алмаған тұрғындардың қабағы қатулы. Қалалық әкімдіктегілер жөндеу жұмыстарының халық игілігі үшін жасалып жатқандығын айтады. Біраз әбігерге салғаны рас, бірақ аз уақыт шыдауды өтінеді. Теміржол көпірінің жанындағы айналма жол бұзылып, ондағы домбыраға арналған ескерткіш, гүлдер мен көгалдар да алынады. Қала әкімінің орынбасары Ринат Жаңғылышовтың айтуынша, мұндай өзгерістерге түрткі болған дәл осы толассыз кептелістер екен. Ринат ЖАҢҒЫЛЫШОВ, Атырау қаласы әкімінің орынбасары: – Жоба ұйымдастырушылары бұл мәселені шешу…
Атырауда дәрі-дәрмек бағасын тұрақтандыру қоры құрылды. Премьер-министрдің тапсырмасына сәйкес, облыс әкімдігі мен «Атырау» әлеуметтік-кәсіпкерлік коорпорациясы қолға алған бастамаға 500 миллион теңге бөлінген. Нақтырақ айтсақ, бұл ақшаға жыл соңына дейін 5 млн. данаға жуық медициналық өнім алынады. Одан бөлек, резервке тағы 900 мың медикамент алынбақ. Қазірдің өзінде дәрі-дәрмектің алғашқы легі келіп жетті. Данияр ТАХАНОВ, «Атырау» әлеуметтік-кәсіпкерлік корпорациясы төрағасының бірінші орынбасары: – Бүгінге дейін 240 миллион теңгеге 688 дана медициналық зат алынды. 50 миллион теңгенің дәрі-дәрмегі Жылыой, Индер аудандарына таратылып қойды. Қалған аудандарға да жақын арада толықтай жеткізілетін болады. Бұл қаржыға алынған медикаменттердің құны үкімет бекіткен шекті бағадан аспауы тиіс. Олар көтерме…
Анна Чепель – Астраханнан келген жедел жәрдем стансасының дәрігері. Ол коронавирус инфекциясымен күресте екі апта бойы атыраулық ақхалаттыларға көмектесті. Аннаның сөзінше, Ресей мен Қазақстанда вирусты емдеуде аса өзгешелік жоқ. Атыраулық дәрігерлердің індетпен күрес жолында жан аямай еңбектеніп жатқандарын айтады. Анна ЧЕПЕЛЬ, шетелдік дәрігер: – Атыраулық дәрігерлердің жанқиярлығы мен сауаттылығын айтпай кетуге болмайды. Нағыз мамандар. Расында эпидемиологиялық жағдайға қарамастан тырысып, күресіп жатыр. Дәрігерлердің айтуынша, Атырауда да, Ресейде де наурыз бен сәуір айларында жағдай ушыққанымен, қазір тұрақталған. Атырау облысының әкімі Махамбет Досмұхамбетов көрші елден келген ақхалаттыларға алғыс білдірді. Махамбет ДОСМҰХАМБЕТОВ, Атырау облысының әкімі: – Ең алдымен, бізге келіп, үлкен көмек бергендеріңіз үшін…
Атырау облыстық аурухана жанындағы инфекциялық стационардағы орындар саны қысқарды. Себебі, мұндағы науқастар саны екі есеге азайған. Ербол ЗЕЙНОЛЛАЕВ, Атырау облыстық ауруханасы директорының міндетін атқарушы: – Ауруханада қазіргі кезде пневмониямен ауырып жатқан науқастардың саны азаюда. Қазіргі таңда 137 адам емделуде. Әрине, ауыр науқастарымыз көп. Бұрын ауруханада 400 төсек болса, қазір 200 кереует қалдырып, қалғанын енді жоспарлы науқастарды қабылдауға дайындап жатырмыз. Қабылдау тамыз айынан бастап жүзеге асырылмақ. Емхана өкпені жасанды желдету аппаратының 18-імен және 40 шақты оттегі концентраторымен қамтылған. Сондай-ақ, дәрі-дәрмек пен қорғаныш киімдерінің тапшылығы да реттелген көрінеді. Осыған көз жеткізу мақсатында қоғамдық бақылау тобы медициналық мекемені көріп қайтты. Олжас СҮЛЕЙМЕНОВ, Атырау…
Қалада салынып жатқан тұрғын үй пәтерлерін заңсыз сатумен айналысқан үш құрылыс компаниясы анықталды. Бұл туралы Атырау облыстық прокуратурасы жүргізген мониторингі кезінде белгілі болды. Аталған мекемелер БАҚ арқылы пәтерлерді сатуға жарнама жасап, үлескерлерден ақша алған. Ал құзырлы органдағылардың айтуынша, мүлікті сатылымға шығармас бұрын кепілдік беру қоры, банк немесе әкімдіктің рұқсаты болуы керек. Бауыржан ЖҰМАҚАНОВ, Атырау облысы прокурорының орынбасары: – Нақтылап айтар болсам, «Bastau constraction», «Real estate», «Orkali» деген ЖШС тұрғын-үй құрылысымен айналысатын. Нәтижесінде кәсіпкерлік субъектілері ҚР ӘқбК-нің 320-бабымен жауапкершілікке тартылды. Оларға 1 700 000 теңге көлемінде айыппұл салынды. Құрылыспен айналысатын кәсіпкерлер өздерінің құжаттарын заң талаптарына сәйкестендірсе, әрі қарай құрылыстарын жалғастыра береді.…