«Атырау барыстары» баскетбол командасы Қазақстан Кубогінің қола жүлдегері атанды. Бұл туралы облыстық дене шынықтыру және спорт басқармасының баспасөз қызметі хабарлады. Қаңтар айынан бастап ерлер арасындағы 7 команда Қазақстан кубогын сарапқа салды. Іріктеу қаңтар-ақпан айларында өтіп, ақтық сындар 17–19 қараша күндері Нұр-Сұлтан қаласындағы «Сарыарқа» велотрегінде қорытындыланды. Турнир қорытындысы бойынша атыраулық команда қола жүлдеге ие болды. Олар үшінші орын үшін ойында ақтаулық «Каспий» командасын 74–58 есебімен ұтты. Турнир қорытындысы бойынша, «Атырау барыстары» сапындағы Владимир Иванов «үздік ойыншы» атанды.
Автор: Сайт әкімшілігі
Ерекше білім мен медициналық көмекті қажет ететін балалар саны жыл санап артуда. Ал олардың денсаулығын оңалтып, қажеттілігіне қарай тәлім беретін мамандар тағы тапшы. Атырау облысында 2000 жылы ашылған балалар денсаулығын оңалту орталығы – балаларды дамыту және кешенді емдеу қызметін жүргізетін жалғыз орталық. Биыл аталған мекеменің ашылғанына 20 жыл толып отыр. Осыған орай, орталықта сала мамандары бас қосты. Жиында өткен жылдары атқарылған жұмыстардың есебі тыңдалды. Кездесуде орталық ардагерлері бейнежазба арқылы тілектерін жолдап, білім алушылардың ата-аналары алғыс білдірді. Сондай-ақ, мамандардың ғылыми-әдістемелік жұмыстары жинағының тұсауы кесілді. Анар КАЮПОВА, Атырау облыстық білім беру басқармасының бас маманы Қазір облысымызда 6 443 бала болса, солардың бәрі…
Жыл басынан бері облыстық пробация қызметінің есебінде тұрған 166 азамат тұрақты жұмысқа орналасқан. Бостандыққа шыққан бойда қоғамға бейімделіп, өз орнын тапқандар да бар. Жұмысқа орналастырылғандар сырттай бақылауда болып, оларға толықтай аяққа тұрғанша құқықтық көмек көрсетіледі. Пробация бөлімшесі бастығының сөзінше, жылына бірнеше мәрте бос жұмыс орындар жәрмеңкелері де өткізіліп тұрады. Нұрлан ҚАБДОЛОВ, Атырау облысы бойынша ҚАЖД бөлімше бастығы Жылда тоқсан сайын «Нұр Отан » партиясының залында, Атырау мемлекеттік университетінің спорт залында жәрмеңке өткізіледі. Мекемелер шақырылып, сотталғандардың бәрі өздерінң түйіндемелерін тапсырып жатады. Жұмысқа орналасқан азаматтар бар. Әлде де оларға әлеуметтік құқық көмек көрсетеміз.
Атырауда әдеби-мәдени, тарихи танымдық бағыттағы тұңғыш басылым – «Сарайшық» журналының тұсауы кесілді. Республикалық деңгейдегі жинақта жергілікті жазушылар ғана емес, еліміздің түкпір-түкпіріндегі сөз майталмандары қалам тербемек. 90 жылдық тарихы бар «Жұлдыз» журналының бас редакторы Ғалым Жайлыбай да өзі тұсауын кескен туынды оқырман сүйіспеншілігіне ие болсын деген тілек білдірді. Ғалым ЖАЙЛЫБАЙ, «Жұлдыз» журналының бас редакторы «Сарайшық» – қазақтың кеудесінде жоғалған қала немесе бір кездегі астанамыз сияқты ұғым емес, кәдімгі халықпен бір ұғымға айналып кеткен атау. Жаңа журнал үлкен таралымға ие болуы керек. Біз бүгін оқылмайтын уақытқа тап болдық. Сонда да оқырманы ортайып қалмауы тиіс. Басылым «Атырау-Ақпарат» ЖШС жанынан айына бір рет шығарылмақ.…
Беларусь билігі Лукашенконың отставкаға кетуін талап еткен наразылық акциясына қолдау білдіргендерді қыспаққа алды. Қысым көрушілер мұны «биліктің кек алу әрекеті» деп атап отыр. Бұл туралы Азаттық радиосы хабарлады. Сондай әрекеттердің бірі – Беларусь ғылым академиясының академигі, кардиолог Александр Мрочектің саяжайдағы үйіне қойылған өрт. Ол туралы дәрігердің ұлы хабарлаған. Қаскөйлер үй ауласындағы орындыққа қан түстес бояу жағылған қуыршаққа ота пышағын қадап, жазба қалдырып кеткен. Әйел адамның атынан жазылған қағазда Мрочектің науқастарға жаңа кардиостимулятордың орнына ескісін орнатқанын және өрттің сол үшін қойылғаны жазылған. Кардиостимуляторға қатысты оқиға расымен де болған көрінеді. 2005 жылы республикалық Кардиология ғылыми-өндірістік орталығының бірнеше дәрігері науқастарға шетелдік құрылғының орнына…
Жыл басталғалы адамның иммун тапшылығы вирусымен ауыратын үш науқас коронавирус жұқтырып, біреуі дүние салған. Мұндай жағдай марқұмның арнайы мамандардың көмегіне дер кезінде жүгінбеуінің салдарынан болып отыр. Бұл туралы Атырау облыстық ЖИТС-тың алдын алу және оған қарсы күрес орталығы мамандарының қатысумен өткен брифингте айтылды. Іргеден келген індет АИТВ жұқтырғандардың денсаулығын одан әрі әлсіретіп жіберген. Сондықтан орталықта АИТВ және КОВИД жұқтырудың алдын алу мақсатындағы жұмыстар күшейтілген режимде жүргізілуде. Нақтырақ айтқанда, дәрігерлер жеке қорғаныш құралдарымен түгелдей қамтамасыз етіліп, аймақ таза және лас болып екіге бөлінді. Әлфия ҚАРАБЕКОВА, Атырау облыстық ЖИТС-тың алдын алу және оған қарсы күрес орталығының инфекционист-дәрігері Қазір ЖИТС орталығында 237 адам…
Республикалық ведомствоаралық комиссия «жасыл» және «сары» аймақтағы қоғамдық көліктердің қатынауына қатысты шешім шығарды. Премьер-Министрдің орынбасары Ералы Тоғжановтың төрағалығымен өткен жиында «жасыл» аймақтағы автобустардың жұмысы күн сайын сағат 23:00-ге дейін ұзартылатыны мәлімденді. Сары аймақтағы қоғамдық көліктер де түнгі 11-ге дейін қатынамақ, тек демалыс және мереке күндері шектеу енгізіледі. Дегенмен бұл шешім қауіпсіз саналатын Атырау облысында жүзеге аспай тұр. Жауаптылардың сөзінше, қалада кешкі уақытта жаяу жүргіншілер азаятындықтан, автобустарды түнімен жүргізетін негіз жоқ. Сондықтан тек 2-ші, 12-ші және 14-ші бағыттағы қоғамдық көліктер ғана 22:00-ге дейін қатынап, қалғандарының жұмысы кешкі 8-де тоқтатылады.
Жылыойлық тәртіп сақшыларының ұйымдастыруымен «Отбасында зорлық-зомбылыққа жол жоқ» үш күндік акция өтті. Осы уақыт ішінде аудандық полиция бөлімшесінің сенім телефонына алты әйелден хабарлама түскен. Шағымданушыларға дереу құқықтық кеңес беріліп, Атырау қаласындағы тұрмыстық зорлық-зомбылыққа ұшыраған әйелдерге арналған «Пана» дағдарыс орталығына жолдама берілуі тиіс еді. Алайда белең алған індетке байланысты медициналық сараптамадан өткен жәбірленушілердің тест нәтижелері вирустың барын көрсетіп, аталған орталыққа орналастыру мүмкін болмады. Рысты МҰҚАНОВА, Жылыой аудандық полиция бөлімінің аға инспекторы Жергілікті атқарушы органдармен, жастар ұйымының волонтерлерімен бірлесіп іс-шаралар өткізілді. Онда тұрмыстық зорлық- зомбылықтың алдын алу жөнінде түсіндірме жұмыстары жүргізіліп, брошюралар таратылды. Акция барасында бес әйел 102 желісіне хабарласқан. Жергілікті полицейлердің…
АҚШ тұрғындары енді ешқайда шықпай-ақ бойында коронавирустың бар-жоғын тексере алады. Бұл туралы 24.kz порталы хабарлады. Билік ковидті анықтайтын тест жинағы өз бетінше қолдануға рұқсат берген. Осыған дейін де америкалықтар үйден тексерілу мүмкіндігіне ие болған. Алайда алынған материал зертханаға жіберіліп отырды. Ал жаңа сынаманың ерекшелігі оны үйден пайдаланып, ешқайда жібермей-ақ жарты сағат ішінде нәтижесін білуге болады. Сынама мұрын қуысы арқылы жүргізіледі. Тестті тек 14 жастан асқан азаматтар пайдалана алады. Сондай-ақ оны сатып алу үшін міндетті түрде дәрігердің нұсқаулығы болу керек. Оның құны шамамен 50 доллар тұрады. Қазіргі таңда АҚШ-тағы зертханаларда кезек көбейген. Ал үй жағдайындағы тексеру зертханаларға түсетін жүктемені азайтуға ықпал…
Еврей зергерлері әлемдегі ең қымбат масканы жасап шығарды. Оның құны бір жарым миллион долларға бағаланып отыр. Қымбат болуының себебі, демперде таза алтын мен үш мыңнан астам қара және ақ алмаспен безендірілген. Компания басшысы мен дизайнер Исаак Левидің айтуынша, тапсырыс берушінің екі талабы ғана болған. Яғни, өнім жыл аяғына дейін дайын болуы тиіс және ол әлемдегі ең қымбат маска болуы керек. Өндірушілер мұндай талап қойған адамның кім екенін әзірге атамады. Бір анығы, ол – АҚШ-тық кәсіпкер. Ал өнімнің салмағы шамамен 270 грамм болады. Бұл әдеттегі медициналық маскадан 100 есеге көп.