Caspianlife, 31 наурыз. Мемлекет басшысының тапсырмасына сәйкес және Жұмысшы мамандықтары жылы аясында еліміздің орта білім беру ұйымдарында педагог-кәсіптік бағдар беруші лауазымы ресми түрде бекітілді. Оқу-ағарту министрлігінің хабарлауынша, бұл бастама оқушыларға мамандық таңдауда ерте бағыт-бағдар беруге, сондай-ақ оқушылар, ата-аналар, педагогтер, колледждер мен жұмыс берушілер арасындағы өзара байланыс пен ынтымақтастықтың тиімділігін арттыруға бағытталған. Педагог-кәсіптік бағдар берушінің негізгі міндеттері: — Оқушыларға мамандық пен білім бағытын таңдауда қолдау көрсету; — Жеке және топтық кәсіби кеңес беру жұмыстарын жүргізу; — Кәсіптік бағдар беруге арналған іс-шараларды ұйымдастыру; — Жұмыспен қамту орталықтарымен, колледждермен және кәсіпорындармен байланыс орнату; — Оқушыларға еңбек нарығындағы сұранысқа ие мамандықтар мен заманауи үрдістер…
Автор: Сайт әкімшілігі
CaspianLife, 31 наурыз. Бұл – Атырау облысының даласында өсетін және Қазақстанның Қызыл кітабына енген қызғалдақтар. Атырау облыстық орман шаруашылығы және жануарлар дүниесі аумақтық инспекциясының мәліметінше, Шренк қызғалдағы (Tulipa schrenkii) жойылып бара жатқан өсімдіктер қатарына жатады. Оларды жою Қазақстан Республикасының Қылмыстық кодексінің 339-бабының 1-бөлігіне сәйкес қылмыстық жауапкершілікке әкеп соғады. Заңға сәйкес, сирек кездесетін және жойылып кету қаупі бар өсімдіктерді заңсыз жинау, сатып алу, сақтау немесе жою, сондай-ақ олардың мекендеу ортасын бұзу үшін 3 000 (үш мың) айлық есептік көрсеткішке (АЕК) дейін айыппұл салынады. Биыл Қазақстанда 1 АЕК 3 932 теңгені құрайды, демек, қызғалдақтарды жою үшін салынатын айыппұл көлемі 11 млн 796…
CaspianLife, 31 наурыз. Бұл туралы Қазақстан Республикасының Бас прокуроры Берік Асылов өзінің әлеуметтік желідегі парақшасында хабарлады. «“Заң және Тәртіп” қағидатын іске асыру бойынша кеңес өткіздім. Кейбір өңірлерде (Ақтөбе, Атырау, Павлодар және т.б.) жасөспірімдер қылмысы өсіп келеді. Алдын алу шараларын күшейтіп, антибуллинг бағдарламаларының тиімділігін зерделеуді тапсырдым. Қоғамдық орындардағы қауіпсіздікке назар аудардым. Қауіпті учаскелерді бейнебақылау камераларымен және жарықтандырумен жабдықтау қажет, патрульдеуді күшейту керек. Азаматтар өзін қорғалған сезінуі тиіс – сөз жүзінде емес, іс жүзінде. Жол-көлік оқиғаларының күрт өсуі алаңдатып отыр: бір жылда +67%, зардап шеккендер саны +79%. Әсіресе, Атырау, Қостанай, Ақтөбе, Жетісу облыстарында. Жол-көлік оқиғаларынан болған өлім-жітімнің 72%-ы тас жолдарда орын алуда.…
Әлеуметтік желіде Жылыой ауданының тұрғыны бұрынғы әйелін жұмыс орнында пышақтап кеткені жөнінде ақпарат тарады, деп хабарлайды AtyrauPress тілшісі. Облыстық полиция департаментінен білгеніміздей, аудандық полиция бөлімінің қызметкерлері Шоқпартоғай ауылының тұрғынын жасырынуға әрекеттенгеніне қарамастан жедел түрде қолға түсірген. «Жылыой ауданы, Құлсары қаласында болған оқиға бойынша кісі өлтіру бабы бойынша қылмыстық іс қозғалып, кешенді тергеу басталды. 33 жастағы күдікті ізін суытпай ұсталып, қамауға алынды. Тергеу мүддесіне байланысты басқа ақпарат жариялауға жатпайды» дейді полиция департаментіндегі мамандар. Жұрттың жағасын ұстатқан жайтқа нақты не себеп болғаны әзірге белгісіз. Тек марқұм әйелдің Жаңа Қаратон ауылының тұрғыны екені және артында екі баласы қалғаны белгілі.
Бүгінгі, яғни, 28 наурыз сағат 08.00-дегі Жылыой және Қызылқоға ауданындағы өзендердің деңгейі туралы ақпарат белгілі болды, 28.03.2025 ж 08:00, деп хабарлайды AtyrauPress тілшісі. Жем өзені Ақкиізтоғай ауылы Су деңгейі 274 см Тәулік ішінде өзгеруі +1см Қауіпті деңгей 340 см 2024 жылдағы максимальды көрсеткіш 363 см Ойыл өзені Миялы ауылы Су деңгейі 529 см Тәулік ішінде өзгеруі +11 см Кезауыз-Қарабау ауылы Су деңгейі 99 см Тәулік ішінде өзгеруі 0 см Сағыз өзені Сағыз ауылы Су деңгейі 451 см Тәулік ішінде өзгеруі -27 см Ноғайты өзені Сағыз ауылы Су деңгейі 103 см Тәулік ішіндегі өзгеруі 0 см
CaspianLife, 26 наурыз. Мұндай коммуналдық гидротехникалық құрылыстарды пайдалану және басқару жөніндегі мамандандырылған ұйымдар Қазақстанның он өңірінде құрылды. ҚР Су ресурстары және ирригация министрлігінің баспасөз қызметінің хабарлауынша, бүгінде олардың балансына 809 нысан қабылданып, 203 бірлік арнайы техника берілді, 932 маман жұмысқа орналастырылды. Сонымен қатар, мұндай мекемелер Ақмола, Ақтөбе, Атырау, Батыс Қазақстан, Солтүстік Қазақстан, Қостанай, Қызылорда, Павлодар облыстарында, сондай-ақ Абай және Жетісу облыстарында ашылғаны нақтыланады. «Осылайша, еліміздегі коммуналдық гидротехникалық құрылыстарды пайдалану және басқару жөніндегі мамандандырылған ұйымдардың жалпы саны он алтыға жетті. Қазіргі уақытта Су ресурстары және ирригация министрлігі жаңа мамандандырылған ұйымдардың функцияларын, міндеттері мен өкілеттіктерін реттейтін нормативтік-құқықтық базаны жетілдіру бағытында жұмыс істеп…
CaspianLife, 26 наурыз. Атырау облысы полиция департаментінің мәліметінше, 26 наурыз күні таңғы сағат 07:30 шамасында Ақтөбе-Атырау-Астрахань тасжолының 575-шақырымында ауыр жол-көлік оқиғасы орын алды. Toyota Coaster маркалы жолаушылар автобусы мен Lada Vesta жеңіл көлігі соқтығысқан. Апат салдарынан жеңіл көлікте болған үш адам оқиға орнында көз жұмды. Тағы екі жолаушы түрлі дене жарақаттарымен облыстық ауруханаға жеткізілді. Олардың жағдайы туралы нақты ақпарат әзірге жарияланған жоқ. Қазіргі уақытта оқиғаның мән-жайын анықтау мақсатында тиісті сараптамалар тағайындалып, тергеу амалдары жүргізілуде. Полиция департаменті жүргізушілерді жолда сақ болуға және жылдамдықты шамадан тыс асырмауға шақырады.
CaspianLife, 26 наурыз. Бұл туралы Орынбор облысының басшылығы мәлімдеді, дегенмен өткен тәулікте өзен деңгейі 20 см-ге көтерілген. Орынбор облысының губернаторы Денис Паслер өзінің Telegram-арнасында былай деп жазды:«Бүгін Орынбор өңірінде су тасқыны бәсеңдеп жатқанын айтуға болады. Көптеген ірі өзендерде көктемгі су тасқынының шарықтау шегі өтті. Әрине, кіші өзендер, бұлақтар мен егістік алқаптардан аққан қар суы біраз уақыт бойы су әкеледі, бірақ бұл жалпы жағдайға әсер етпейді. Аумақтарда жоғары дайындық режимін біртіндеп алып тастап жатырмыз. Иә, су қоймаларындағы су ағымы мен өзен деңгейінің ауытқуы әлі де байқалады, бірақ биыл үлкен су болмайтыны анық». Сонымен қатар, Орынбор облысының гидрологиялық жағдайына қатысты 25 наурыздағы…
CaspianLife, 24 наурыз. Атырау облысының төтенше жағдайлар департаментінің (ТЖД) қызметкерлері, ҚР ТЖМ-нің 20982 және 28237 әскери бөлімдерінің әскери қызметшілері жергілікті атқарушы органдармен (әкімдікпен) бірлесіп жұмыс жүргізуде. 112 ATYRAU Telegram-каналының мәліметінше, бірлескен күш-жігермен су басудың алдын алу мақсатында Жем өзенінің жағалау сызығы бойында, Жылыой ауданының әкімшілік орталығы Құлсары қаласы маңында су тасқынына қарсы іс-шаралар жүргізілуде. «Бүгінгі таңда әскери қызметшілер жағалауға төсеу үшін 50 кг-дық 4 700 қап пен 1 тоннадан 300 қап дайындап, өзен арнасын 5 мың метрге дейін бекітті. Елді мекендерге қауіп төніп тұрған жоқ», – делінген хабарламада.
CaspianLife, 22 наурыз. Бүгін Наурыз мейрамын тойлау күні 5 мың адам қазақтың ұлттық киімін киіп, Ақтауда жиналып, Гиннесс рекордын орнатты. Бұл жетістік «Қазақтың ұлттық киімін киген ең көп адам» номинациясы бойынша тіркелді. Маңғыстау облысы әкімдігінің баспасөз қызметінің хабарлауынша, «Best Fest Nauryz» шарасына 5 500-ден астам адам тіркеліп, қазақ халқының мәдени мұрасын әлемдік деңгейде насихаттауға өз үлестерін қосты. Олардың қатарында әртүрлі сала мамандары, этнос өкілдері, аға буын өкілдері, сондай-ақ облыстың шалғай ауылдары мен еліміздің басқа өңірлері мен қалаларынан арнайы келген тұрғындар болды. «Рекордты тіркеу рәсімі Каспий теңізінің жағасында өтті. Арнайы дайындалған алаңға тіркелген қатысушылар жиналып, іс-шара барысын Ұлыбританиядан келген Гиннесс рекордтар…