CaspianLife, 6 қараша — Исатай ауданындағы медицина мекемелеріне жол талғамайтын су жаңа ГАЗель автокөлігі берілді, деп хабарлайды CaspianLife.
Жанбай және Нарын, Исатай және Зинеден ауылдық амбулаториялары ортақ бір көлікке ие болса, Тұщықұдық пен Қамысқала ауылдық дәрігерлік амбулаторияларына, Исатай аудандық ауруханасына бір-бір жедел жәрдем автокөлігі табысы етілді. Аталған ауылдардың халқы медициналық мекемелердің балансындағы көліктердің тозығы жеткенін жиі айтатын. Медициналық көмекке зәру әрі тексерістен өтуі тиіс тұрғындардың біраз бөлігі шалғай елдімекендерде тұрады. Сондықтан жол талғамайтын көлік ауадай қажет.
– Осы жерден 45 шақырым жердегі Жасқайрат елдімекенін одан ары қарай Бекетай, Каштайдың жолдарындағы Бекайдары бар, 120 – 130 километрдей жерді Жасқайратты қосып алғанда 160-тай шақырымды қамтиды. 2015 жылы соңғы автокөлікті беріп еді. Содан бері жайлап жүріп жүр, бірақ дегенменен жаңаның келген аты жаңа, -деді Қамысқала ауылдық дәрігерлік амбулаториясының бас дәрігері Күләш Нұрманова.
Исатайдағы медицина қызметкерлеріне су жаңа көлік берілді
