Криттегі Ираклион ауруханасында 85 жастағы ер адам COVID-19 қарсы вакцина салған соң, араға 8 минут салып көз жұмды.
ERT арнасының мәліметінше, қария вакцина салған соң қабылдау бөлмесінде отырған. Кенеттен араға сегіз минут салып ол жерге құлап түседі. Дәрігерлер көмегіне қарамастан ол көз жұмды.
Алдын ала бағалау бойынша, оның өліміне вакцинаның, аллергиялық анафилактикалық шоктың қатысы жоқ.
Дәрігерлер бар болғаны оның өлімінің вакциналау кезімен тұспа-түс келгенін айтады.
Алайда өлімінің нақты себебін анықтау үшін дәрігерлер соттық-медициналық сараптама жүргізуді талап етті.
27 желтоқсаннан бері Грецияда вакциналау басталды. Қазір күн сайын 20 мың адамға вакцина салынып жатыр.
