CaspianLife, 2 сәуір. Атырау облысына Әзербайжаннан Қырғызстанға бағыт алған өрт сөндіру техникасының колоннасы келді.
Telegram-арна 112 KZ мәліметінше, Атырау облыстық төтенше жағдайлар департаментінің (ТЖД) қызметкерлері арнайы техникадағы әріптестерін жылы қарсы алды. Кеше атыраулық құтқарушылардың сүйемелдеуімен олар Ақтөбе облысына қарай жол тартты, түпкі бағыт – Бішкек.
«Бұл маршрут – жай ғана шекара асқан сапар емес, өрт сөндірушілер бауырластығының бірлігі мен қолдауының символы. Қай жерде болмасын, құтқарушылардың басты мақсаты – көмек қажет жерде болу», – делінген хабарламада.