CaspianLife, 5 наурыз — Экология департаменті Каспий теңізі мен Қаракөл көліне сарқынды суларды ағызу фактісі бойынша Ақтау қаласындағы «Aktau tourism city ltd» компаниясының филиалына жоспардан тыс тексеру жүргізді. Бұл туралы Қазақстан Республикасы Экология, геология және табиғи ресурстар министрлігі хабарлады.
Тексеру барысында сарқынды суларды ағызу фактісі расталып, ҚР Экологиялық кодексінің 222-бабы 8-тармағының талаптары бұзылғаны анықталды. Қазір компания дихлорланған бассейндік су жіберу құбырын бөлшектеді, екінші құбырды бөлшектеу жұмыстары жүргізілуде.
Су сынамаларын талдау нәтижесінде нитраттар мен хлоридтер бойынша нормативтерден ауытқушылық байқалған. Бұл факт Экокодекстің 39-бабы 9-тармағының талаптарына қайшы, деп мәлімдеді министрлік.
«Бүгінгі таңда компания дихлорланған бассейн суы ағызылатын құбырды демонтаждады, екінші құбырды демонтаждау жұмыстары жүргізілуде. Айта кету керек, кәсіпорын бассейн суларын және теңіз суын тұщыту қондырғысында тазартқаннан кейін ағызды», — деді ведомствоның баспасөз қызметі.
Оған қоса, 2021 жылғы 15 қыркүйектен бастап КТҚ бойынша техникалық проблемаларға байланысты компания сарқынды суды биологиялық тұрғыдан тазартуды жүргізгенбеген. Осылайша, Кодекстің 393-бабы 1-тармағының талаптары орындалмаған. Сондай-ақ, «Aktau tourism city ltd» компаниясына қатысты ҚР Әкімшілік құқық бұзушылық туралы кодексінің 324, 325, 326, 328, 331, 332 баптары бойынша 6 әкімшілік іс қозғалды.Серіктестеріміздің арқасында сіз онлайн режимінде кез-келген қалауыңыз бен бюджетіңізге сай галстуктарды таба аласыз, бюджеттен бастап ең үздік супер стильді модельдерге дейін.
Экология департаменті «Маңғыстау облысының Табиғи ресурстар және табиғат пайдалануды реттеу басқармасы» ММ-не компанияға бұған дейін берілген қоршаған ортаға эмиссия беру рұқсатын кері қайтарып алу мәселесі бойынша хат жолдады.