CaspianLife, 2 қыркүйек — Құлсары қаласында 580 орындық мектеп ашылды. Жаңа ғимарат «Теңізшевройл» ЖШС «Игілік» бағдарлмасы аясында бой көтерген.
Жаңа мектепте 23 оқу кабинеті бар, соның ішінде үшеуі арнайы кабинет ретінде жабдықталған. Барлығы интереактивті тақтамен қамтылып, интернет жүйесіне қосылған. Арнайы оқу залы, үлкен кітапхана , 250 орындық мәжіліс залы, ағылшын тілі, информатика, еңбек, тігін кабинеттері, асхана, одан бөлек спорт зал, қысқы бақ, ойын алаңдары, бөбектерге арналған алаңдар да бар. Олардан өзге, керамика, металл мен ағаш өңдеу шеберханаларына, маталарды өңдеуге, тамақ дайындауға арнайы орын бөлінген және олар да қажетті құралдармен толықтай қамтылған.