Caspianlife, 20 желтоқсан. Бұл жан түршігерлік оқиға 5 маусым күні «Дина» базарында болған. 39 жастағы М.А. өзінің көлігін байқаусызда сызғаны үшін 56 жастағы А.С-ты қатыгездікпен ұрып-соққан. Бұл оқиғаны егжей-тегжейлі баяндаудың қажеті жоқ — бақылау камераларындағы соққының видеосы әлеуметтік желілерде кеңінен таралып, қоғамдық резонанс тудырды. Тек еске сала кетсек, жәбірленуші ауруханаға жеткізіліп, бірнеше күннен кейін алған жарақаттарынан қайтыс болды. Кеше, 19 желтоқсанда, Атырау қаласының №2 сотында жәбірленушінің өліміне әкеп соққан қасақана ауыр дене жарақатын салу фактісі бойынша қылмыстық іс қаралды (ҚР ҚК 106-бабының 3-бөлігі). Атырау облыстық сотының баспасөз қызметінің хабарлауынша, прокурор айыпталушыға 8 жыл бас бостандығынан айыру жазасын тағайындауды және азаматтық…
Автор: Сайт әкімшілігі
Caspianlife, 20 желтоқсан. Каспий теңізінің су биологиялық ресурстарын сақтау және ұтымды пайдалану туралы келісім аясында Астрахань қаласында су биологиялық ресурстарын сақтау, ұтымды пайдалану және олардың ортақ қорларын басқару жөніндегі Үкіметаралық комиссияның жұмысы басталды. Қазақстан Республикасы Ауыл шаруашылығы министрлігінің Балық шаруашылығы комитетінің (ҚР АШМ БШК) хабарлауынша, 2024 жылы Үкіметаралық комиссияның отырысына Ресей Федерациясы төрағалық етеді. Отырысқа Каспий маңының бес елінің ғылыми ұйымдары мен құқық қорғау органдарының өкілдері қатысуда. Қазақстан делегациясын ҚР АШМ Балық шаруашылығы комитеті төрағасының міндетін атқарушы Аян Бахиянов басқарады. Отырыс барысында тараптардың балық ресурстарын аулау квотасын пайдалану, Каспий теңізінің су биологиялық ресурстарын қалпына келтіру және қорғау, сондай-ақ теңіздегі ғылыми…
CaspianLife, 20 желтоқсан. Батыс Қазақстан облысының қылмыстық істер жөніндегі мамандандырылған ауданаралық соты аса ірі көлемде пара алғаны үшін Грузиядан экстрадицияланған БҚО бойынша Мемлекеттік кірістер органдарының бұрынғы қызметкеріне үкім шығарды. ҚР Бас көлік прокуратурасының хабарлауынша, «… сот процесі барысында көлік прокуратурасының мемлекеттік айыптаушысы сотталушының мемлекеттік функцияларды орындауға уәкілетті тұлға бола отырып, 2021 жылдың желтоқсанынан 2022 жылдың қыркүйегіне дейін Қазақстан-Ресей шекарасындағы автомобиль өткізу пункті арқылы көліктердің кедергісіз өтуі үшін 75 720 000 теңге көлемінде пара алғанын дәлелдеді». Сотталған адам 10 жылға бас бостандығынан айырылып, мемлекеттік және қаржылық ұйымдарда жұмыс істеу құқығынан айырылды. Сонымен қатар, сот мүлікті тәркілеу шарасын қолданып, сотталушыдан пара сомасын…
CaspianLife, 19 желтоқсан. Euronews телеарнасының аймақтық кеңсесінің салтанатты ашылу рәсімі кеше Астанада өтті. Кеңсе ашылуында ҚР Мәдениет және ақпарат министрі Аида Балаева сөз сөйлеп, Euronews қызметінің басталуы Қазақстанның ақпараттық саласы үшін маңызды оқиға екенін атап өтті. Ол бұл тек географиялық қатысуды кеңейту ғана емес, сондай-ақ Қазақстанның бай мәдени мұрасын және қазіргі заманғы дамуын бүкіл әлемге көрсетуге үлкен мүмкіндік екенін ерекше атап өтті. «Мемлекет басшысы қазақстандық мәдениетті, туристік және инвестициялық әлеуетті халықаралық деңгейде таныстыруды тапсырған болатын. Менің ойымша, бұл кеңсенің ашылуы осы жұмыстарға жаңа серпін беретіні сөзсіз. Бұл кеңсе мәдениеттер арасындағы диалог алаңына айналып, жаңа идеялар мен креативті шешімдерді ілгерілетуге үлес…
CaspianLife, 19 желтоқсан. Пекиндегі кездесуде «ҚазМұнайГаз» ҰК» АҚ басқарма төрағасы Асхат Хасенов пен China National Offshore Oil Corporation International Limited (CNOOC) директорлар кеңесінің төрағасы Ван Дунцзинь бас қосты. «ҚазМұнайГаз» ұлттық компаниясының баспасөз қызметінің мәліметінше, келіссөздер барысында тараптар екіжақты ынтымақтастықтың негізгі аспектілерін, соның ішінде «Жылыой» жобасын бірлесіп іске асыру мәселелерін талқылады. «2024 жылдың қазан айында ҚМГ мен CNOOC жаңа «Жылыой» жер қойнауын пайдалану жобасы бойынша серіктестіктің негізгі шарттарын анықтайтын келісімге қол қойған болатын. ҚМГ-нің алдын ала бағалауына сәйкес, учаскенің геологиялық ресурстық әлеуеті 185 млн тоннадан астам мұнайды құрауы мүмкін», – делінген «ҚазМұнайГаз» баспасөз қызметінің хабарламасында. Сонымен қатар, тараптар басқа да геологиялық…
CaspianLife, 19 желтоқсан. Астрахань қаласындағы Қазақстан Республикасының Бас консулы қызметіне Қанат Әбдікәрімұлы Хасенов тағайындалды. Бұл туралы Астрахань облысының губернаторы Игорь Бабушкин өз Telegram-каналында хабарлады. Ол Қазақстанның Астрахань облысының негізгі шетелдік серіктестерінің бірі екенін атап өтті. «Біз әртүрлі бағыттар бойынша тығыз байланыстар орнаттық. Бұл – сауда және өнеркәсіп, көлік және логистика, мәдениет пен туризм, медицина мен білім беру салалары. Біз өңіраралық ынтымақтастыққа ерекше көңіл бөлеміз. Атырау, Маңғыстау және Батыс Қазақстан облыстарындағы көршілерімізбен тығыз байланыстар қалыптасты. Алдағы жоспарымызда – Шығыс Қазақстан облысымен ынтымақтастық орнату бар. Жақында ғана Уфада өткен Ресей мен Қазақстан арасындағы өңіраралық форум аясында осы өңірлердің басшыларымен кездесулер өткіздім. Өзара…
CaspianLife, 18 желтоқсан. Атырау облысының әкімі Серік Шәпкеновтің өкімімен ҚР Президенті Әкімшілігі және аудандық мәслихаттың келісімімен Индер ауданының әкімі лауазымына Серік Бағытжанұлы Нысанбаев тағайындалды. Ол осы уақытқа дейін Атырау қаласы әкімінің орынбасары қызметінде болды,-деп хабарлайды облыс әкімінің баспасөз қызметі. Серік Нысанбаев 1980 жылы Атырау облысында дүниеге келген. Х.Досмұхамедов атындағы Атырау мемлекеттік университетінің «құқықтану» мамандығын тәмәмдаған. Еңбек өтілі: 2003-2008 жылдар аралығында Атырау қаласы әкімінің аппараты мемлекеттік-құқықтық және әскери жұмылдыру жұмыс бөлімінің бас маманы; 2008-2017 жылдар аралығында Атырау қалалық әкімі аппараты мемлекеттік-құқықтық жұмыс бөлімінің басшысы; 2017-2022 жылдар аралығында Атырау қаласы әкімі аппаратының басшысы; 2022 жылдан тағайындалғанға дейін Атырау қаласы әкімінің орынбасары лауазымында…
CaspianLife, 18 желтоқсан. Бүгін Атырау облысының әкімі Серік Шәпкенов Швейцария Конфедерациясының елші орынбасары Тобиас Вердермен және Халықаралық көші-қон ұйымы, БҰҰ Көші-қон агенттігінің (ХКҚҰ) Қазақстандағы Миссиясының басшысы, Орталық Азия бойынша үйлестірушісі Серхан Актопракпен кездесті. Атырау облысы әкімінің баспасөз қызметі хабарлағандай, кездесуде шетелде жұмыс істегісі келетіндерге қолдау көрсетуге бағытталған БҰҰ Көші-қон агенттігінің «Алдын ала даярлау орталығы» жобасы қаралды. Қазақстандағы БҰҰ миссиясының басшысы Серхан Актопрак осы жобаның жұмыссыздықты азайтуға, серіктестік нығайтуға және жаһандық Көші-қон қозғалыстарға үлкен әсер ететінін атап өтті. Өз кезегінде Серік Шәпкенов ХКҚҰ-мен ынтымақтастықты одан әрі дамытуға ниетті екенін және жобаны Атырауда пилоттық негізде іске қосуға қызығушылық танытатынын мәлімдеді. Біздің өңірімізде,…
CaspianLife, 18 желтоқсан. Атырау қаласының прокуратурасы жүргізген талдау барысында соңғы төрт жылда құмар ойындарға 800 миллионнан астам теңге жұмсаған 326 борышкер анықталды. Қадағалау органының мәліметінше, 45 борышкерге құмар ойын сайттарына кіруге шектеу қойылды. Сонымен қатар, он бір тұрақты төлемейтін борышкерге алимент төлеуден жалтарғаны үшін алдын ала тергеу басталды. Тағы 14 борышкер әкімшілік жауапкершілікке тартылды. Прокурорлар сондай-ақ, әрекетсіздік танытқаны үшін 69 жеке сот орындаушысы тәртіптік жауапкершілікке тартылғанын және екі жеке сот орындаушысының қызметті жүзеге асыру лицензиясынан айырылғанын нақтылады. «Борышкерлерге ескерту жасаймыз, алимент төлеу міндеттемелерін орындамағаны үшін Әкімшілік құқық бұзушылықтар кодексінің 669-бабы және Қылмыстық кодекстің 139-бабы бойынша әкімшілік және қылмыстық жауапкершілік қарастырылған.…
CaspianLife, 18 желтоқсан. Бұл туралы Қазақстан Республикасының Мәдениет және ақпарат министрі Айда Балаева әлеуметтік желідегі парақшасында мәлімдеп, азаматтарға алаяқтар туралы ескерту жасады. «Соңғы уақытта менің атымнан таныстарға да, таныс емес адамдарға да белгісіз тұлғалар дауыстық хабарламалар жіберу жағдайлары жиілеп кетті. Олар жасанды интеллектіні пайдаланып жатыр. Барлықтарыңыздан осындай хабарламаларды елемей, белгісіз нөмірлерді бұғаттауларыңызды сұраймын. Бұл алаяқтар, тым сенімді болмаңыздар. Өздеріңізді және жақындарыңызды қорғаңыздар!» — деп жазды Айда Балаева әлеуметтік желідегі парақшасында. Сурет: Айда Балаеваның Facebook парақшасынан