Ағымдағы жылдың мамыр айынан бастап қараша айына дейін волонтер-тьютерлер ауылдық орта білім беру мектептерінің жоғары сынып оқушыларына, оның ішінде халықтың әлеуметтік осал топтарына Ұлттық бірыңғай тестілеуге, олимпиадаларға және ғылыми-зияткерлік конкурстарға дайындық, ағылшын тілін үйрену, компьютерлік және құқықтық сауаттылықты арттыру бойынша онлайн курстар өткізді.
Құрамында білім беру ұйымдарының мұғалімдері, ЖОО және колледждердің педагогикалық мамандықтарының студенттері және белсенді азамат бар жүзден аса волонтер қатысқан жоба бойынша мектептердің мыңдаған оқушысы білім алды.
«Birgemiz: Bilim» жалпыұлттық волонтерлік жобасын жүзеге асырушы Жастар қызметкерлер қоғамдастығы барлық қатысушылармен онлайн қорытынды форум өткізді.
Онда оқушылар арасындағы онлайн олимпиада жеңімпаздары марапатталды. Үздік нәтиже көрсеткен оқушыларды Жастар қызметкерлері қоғамдастығының кеңес төрағасы Н.Наурызбаев, Атырау облыстық Білім басқармасының әдістемелік орталығының өкілі А.Адилова және Атырау облысындағы «Birgemiz: Bilim» жобасының экперттік кеңесінің мүшесі, құрметті ұстаз З.Дүйсекеноваға құттықтады.
Сондай–ақ, қорытынды шараға арнайы шақырылған Атырау облысының Азаматтық орталық жетекшісі Әмина Жәрдемқызы, «Birgemiz: Bilim» жобасының волонтері, тренер Алтынгүл Атабаева, Қарағанды облысы «Birgemiz: Bilim» жобасының жетекшісі, волонтер Дәурен Рахымбек және Атырау жастарын дамыту бастамасының жетекшісі Арсен Камбаловтар жастарға құнды ақпарат беріп, шеберлік-сағатын өткізді.