CaspianLife, 16 ақпан — Индер ауданында жоғалған азамат табылды, деп хабарлайды CaspianLife.
Кеше сағат 09:00-де Индер ауданы Өрлік селосынан 30 км қашықтықта орналасқан «Аманғали» қыстағында 53 жастағы азамат түйемен мал бағуға шығып, кері оралмаған.
Құтқарушылардың жедел әрекетінің нәтижесінде, сол күні ауылдан 5 шақырым қашықтықтан жоғалған азамат табылды. Табылған азаматтың жағдайы бірқалыпты, медициналық көмекті қажет етпеді.
Іздестіру-құтқару жұмыстарына Атырау облысы Төтенше жағдайлар департаментінен 4 қызметкер мен 1 бірлік техника, сонымен қатар АПБ, жоғалған азаматтың туыстары мен жергілікті тұрғындар да қатысқан.
