Жылыойда жаңа аудандық орталық кітапхана ғимараты іске қосылып, оқырмандарға есігін айқара ашты.
Келушілерге рухани азық сыйлайтын, еңселі нысан қос қабаттан тұрады. Құрылыстың іргетасы 2018 жылдың маусым айында қаланған. Заман талаптарына сай жасақталған ғимаратта абонемент және акт залы, замануи технологиямен жабдықталған интернет және оқу залы қызмет көрсетеді. Кітапхана әр жыл сайын жаңа басылымдармен, әдебиеттермен толықтырылып тұрмақ. Онда сақталған кітап қоры екі жүз төрт мыңнан асады.
Балжан КЕНЖЕБЕКОВА, аудандық орталық кітапхана директоры
Жылыой аудандық орталық кітапханасына келер жылы 85 жыл толғалы отыр. Осы 85 жылдық тарихында кітапханаға жаңа ғимарат салынып, табысталып жатқанына өте қуаныштымыз . Сол үшін аудан басшыларына ризашылығымзды білдіреміз. Ауданымызда осындай жетістіктер көп болсын дейміз.
Өз жұмысын ширек ғасыр бұрын бастаған кітапхананың бұрынғы ғимараты әбден ескіріп, тозығы шыққан еді. Енді, міне, өзгеше келбетке еніп, келушілерге жаңаша қызмет түрін көрсетпек. Сәулетті нысанның еңсе тіктеуіне үлес қосқандар көп. Аудан әкімінің орынбасары салтанатты рәсімге арнайы келіп, ашылуымен құттықтады. Ал ғимараттың тұсауын мәдениет саласының ардагері Нұрдәулет Ақназаровпен бірге қиды.