CaspianLife, 23 шілде – Оқиға 23 шілде күні түнде Бесікті ауылында болған. Жайық өзеніне 2010 және 2011 жылдары туған екі жасөспірім батып кеткен.
Төтенше жағдайлар департаментінің баспасөз қызметінің хабарлауынша, ұлдардың бірінің денесін туыстары өзеннен алып шыққан. Төтенше жағдайлар департаментінің құтқарушылар тобы су астында екінші жасөспірімді іздеу жұмыстарын жүргізуде. Іздеуге 11 қызметкер және 5 техника жұмылдырылған.
Төтенше жағдайлар департаменті Атырау облысында жүзу маусымы әлі ашылмағанын ескертеді. Жабдықталмаған жерлерде жүзу өте қауіпті және қайғылы жағдайларға әкелуі мүмкін. Құтқарушылар барлық тұрғындар мен келушілерді сақтық шараларын сақтауға және жабдықталмаған жерлерде жүзуден бас тартуға шақырады.
Атырауда тағы екі бала суға кетті
