CaspianLife, 1 шілде — Қазақстандық лоукостер Ақтау – Стамбул – Ақтау бағытындағы авиарейстер санын арттыруда.
Бұл туралы бүгін FlyArystan әуе компаниясының баспасөз қызметі хабарлады. Қосымша рейстер 2024 жылдың 2 шілдесінен бастап сейсенбі күндері және 2024 жылдың 24 шілдесінен бастап сәрсенбі күндері ұшады.
Негізгі рейстер бейсенбі және сенбі күндері аптасына екі рет орындалады, ал әуе тасымалдаушы Ақтау мен Стамбул арасындағы рейстер санын аптасына төртке дейін арттырды. 2 шілдеден бастап Стамбулға рейстер сейсенбі, бейсенбі және сенбі күндері, ал 24 шілдеден бастап сейсенбі, сәрсенбі, бейсенбі және сенбі күндері орындалады.
Әуе компаниясы билеттерді алдын ала FlyArystan мобильді қосымшасында немесе www.flyarystan.com сайтында сатып алуды ұсынады. Лоукостер сондай-ақ 2024 жылдың 25 маусымы мен 24 қазаны аралығында халықаралық рейстерде салмағы 20 кг-нан 60 кг-ға дейінгі ұлғайтылған жүк бағасына жеңілдік ұсынады.
