CaspianLife — 2 қаңтар күні сағат 11:10-да Атырау қаласы, Көкарна ауылы, Көкарна көшесі мекен жайындағы тұрғын үйлердің бірінде өрт шықты, деп хабарлайды CaspianLife.
Атырау облысы ТЖД мәліметінше, Call орталыққа түтін шыққаны жөнінде шақырту келген бойда өрт сөндіру бөлімшелері оқиға орнына барған. Газ-ауа қоспасының дүмпуінен 9 шаршы метрлік қабырға қирап, үйдің 140 шаршы метрі жанып кетіпті.
Салдарынан үйдің ішінде болған бір отбасының 5 мүшесі күйік алып, аурухана жатқызылды.
Өрт сағат 12:03-те оқшауланды, сағат 12:22-де жойылды.
Өртті сөндіруге Атырау облысы ТЖД 16 қызметкері жұмылдырылып, 3 техника пайдаланылған.
