CaspianLife, 1 мамыр – Атыраулықтар Азия чемпионатынан жүлделі қайтқан парадзюдошыларды күтіп алды, -деп хабарлайды сaspianlife.kz. Жарыс 29 сәуір күні Астана қаласында өткен еді. 11 елден келген 100-ден астам спортшы мүлде көрмейтіндер және нашар көретіндер санатында сайысты. Ерлер арасында өткен жарыста атыраулықтар — Аманжол Жанбота мен Ғалымжан Смағұлұлы күміс, ал Ерлан Өтепов қола медальға қол жеткізді. Чемпионат қорытындысында Қазақстан құрамасы 4 алтын, 4 күміс және 6 қол медаль жеңіп алды.
