CaspianLife, 27 қаңтар — Өткен жылы Маңғыстау облысындағы 500-ден астам адам жұмыс іздеп еліміздің солтүстік өңірлеріне аттанды. Оның ішінде 200-і жергілікті тұрғын болса, қалғандары Түрікменстан мен Өзбекстанның бұрынғы азаматтары, деп хабарлайды CaspianLife.
«Солтүстікке өз еркімен қоныс аудару» деп аталатын ұлттық жоба аясында көшкен жандарға материалдық көмек көрсетіледі. Яғни отбасының әр мүшесіне 200 мың теңгеден тиесілі. Және бір жыл бойы тегін баспанада тұра алады. Түрікменстаннан келген 36 жастағы Тұрар Сүйіқұловтың мұндай мүмкіндікті қалт жібергісі жоқ. Қандастың Павлодар облысында тұрақтап қалатын ойы бар.
«Барлығы жақсы. Балалар мектепке барып жүр. Енді үй берсе қаламыз. Өзімізге ұнайды. Ақтаудан достарым хабарласты. Мен көшіп келіп жатқанда сұрады. Тұрар қалай? Үй бере ма?-деп. Айттым, шақырдым. Көбісі келді» — деді Ақсу қаласының тұрғыны Тұрар Сүйіқұлов.
Тұрар Рысқұлов та мемлекеттен жарты миллион теңге көлемінде көмек алып, өз мамандығы бойынша жұмысқа орналасқан. Жалақысы 220 000 теңге шамасында. Дегенмен қаражатының баспана сатып алуға аздық етіп тұрған жайы бар. Маңғыстау облыстық жұмыспен қамтуды үйлестіру және әлеуметтік бағдарламалар бағдарламасының өкілдері баспана мәселесін қабылдап алатын тараптың шешуі керектігін айтады.
«Нақты олар үшін біз жауап бере алмаймыз. Бірақ мысалы Солтүстік Қазақстанда нақты дайын үйлер бар. Павлодар облысындағы жағдайға келсек бірінші көшіп кеткендерге оларға арнайы үй тапқанға дейін үй тапқанға дейін үй, жатақхана берілетін еді» — деді Маңғыстау облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Досан Жеткізген.
Шенеуніктердің сөзінше қоныс аударғандар бағдарламаны пайдалана отырып, алдағы уақытта өз қаражатына үй сатып алу үшін жұмыстануы тиіс. Дегенмен солтүстікке қоныс аударғысы келетін жандардың қатары жыл өткен сайын көбейіп келеді. Ал жұмыссыз жүргендердің Абай, Ақмола, Қарағанды, Қостанай, Павлодар, Ұлытау, Солтүстік және Шығыс Қазақстан облыстарына көшулеріне мүмкіндік бар.
