CaspianLife, 27 қыркүйек — Қазақстанда ресейлік телеарналарды бұғаттау басталды деп хабарлайды Telegram арналарының бірі.
Келесі айдан бастап BeeTV қосымшасы мен сайтында бірнеше ресейлік арна көрсетілмейтін болады.
Олар: «Дом кино», «Победа», «Музыка Первого», «Телекафе», «Первый канал СНГ», «НТВ МИР», «Россия 24», «Дом кино Premium HD», «РТР Планета», «Карусель International», «О!», «Время: далекое и близкое», «Россия К».
Аталған арналардың орнына «Еврокино», «Любимое Кино», «1HD music» және «Еда Премиум HD» арналары қосылады. Ал TV100 жазылымы бойынша өңірлік 13 арна қосылады.
Ақпарат және қоғамдық келісім министрлігі басшысы қызметіне Дархан Қыдырәлі келгелі бері, отандық ақпарат кеңістігін ресейдің агрессивті пропагандасынан тазалау жұмыстары басталды.
«BeeTV басы ғана. Енді ірі кабельдік операторларға да кезек келмек», — делінген Telegram арнасы таратқан ақпаратта.
