CaspianLife, 14 ақпан — 13 қаңтар күні сағат 16.50-лер шамасында Қызылқоға ауданы Миялы ауылынан 5 шақырым жерде, Аққора елді мекеніне бара жатқан жеңіл автокөлік қарға батып қалған.
Автокөлік ішінде 3 адам: 1986ж.т. ер адам, 1990ж.т. әйел адам, сондай-ақ 2021ж.т.бала болған.
Шақыру орнына 10-ӨСБ және жергілікті атқарушы орган қызметкерлері жедел жетіп, отбасын эвакуациялап, автокөлікті қардан шығарып, Аққора ауылына жеткізді.
Отбасы медициналық көмекке мұқтаж емес. Авариялық-құтқару операциясына 10-ӨСБ 2 қызметкері, Жергілікті атқарушы органның 2 қызметкері және 1 бірлік техника Урал-вахтовка жұмылдырылды.
Атырау облысы ТЖД азаматтардан елді мекеннен шыққан кезде қауіпсіздік ережелерін сақтауды сұрайды! Жолға шығар алдында ауа райы болжамымен танысып, автокөліктің техникалық жай-күйінің дұрыстығына көз жеткізіп, өзімен бірге қажетті заттарды алып жүру ұсынылады. Бірыңғай құтқару телефоны 112.
