CaspianLife, 02 тамыз — Қазақстандық «Мыстан» веб-хикаясы Realist Web Fest Халықаралық веб-контент фестивалінде қазылар алқасының арнайы жүлдесіне ие болды.
«Мыстан» веб-сериалы — Salem social media және art Dealers кинокомпаниясының бірлескен жобасы Ресей, Бразилия, АҚШ, Корея, Швейцария, Уругвай, Франция, Австралия, Аргентина, Италия, Канада, Германия, Испания, Израиль және Нидерландыдан келген 43 қатысушының арасынан қазылар алқасының арнайы жүлдесін алды.
Қазылар алқасының таңдауы бойынша продюсер, сценарист және Испаниядан келген режиссер Роуз оф Доллстың айтуынша «Мыстан» мықты әлеуметтік мәселе мен көтерілген тақырып үшін таңдалған.
«Біз веб-хикаялардың көбінесе ойын-сауық мақсатын көздейтінін түсінеміз. Алайда, кейде олар маңызды әлеуметтік мәселелерге назар аударып, қоғамды өзгерістерге ынталандыруы мүмкін. Біздің таңдауымыз да сонымен байланысты, өйткені бұл жобада әйелдердің құқықтары мен мүмкіндіктері тақырыбы көтерілген, Қазақстандағы әйелдер туралы айтылады», — деп түсіндірді ол.
Сонымен қатар, Роуз оф Долс Бильбаодағы (Испания) басқа халықаралық веб-фестивальдің негізін қалаушы болып табылады, оған да «Мыстан» хикаясы қатысады. Фестиваль 2021 жылдың қазан айында өтеді.
«Біз фестиваль жолын жеңістен бастаймыз. Менің ойымша, бұл жақсы белгі. Біздің сериалды бұдан да басқа көптеген марапат күтіп тұрғанына сенімдімін», — деп бөлісті режиссер Ернар Нұрғалиев.
«Мыстан» хикаясы сюжетінің негізінде тұрмыстық зорлық-зомбылықтың түрлі нысандарына және өздері сенген адамдар тарапынан сатқындыққа тап болған үш қыздың оқиғасы жатыр. Қолдауды қайдан іздеу керектігін білмей, олар кек алу туралы қиын шешім қабылдайды. Бірақ олардың жазалау жолы қайда апарады және ойланбай жасаған әрекеттері үшін қандай баға төлеуге тура келеді?
«Мыстан» веб-сериясы Қазақстанда мұндай форматта әлі айтылмаған маңызды тақырыпты көтереді. Біз осындай баға үшін фестиваль ұйымдастырушыларына қуаныштымыз және ризамыз. Қазылар алқасының арнайы жүлдесі Salem social media және art Dealers кинокомпаниясының үлкен аудиториядағы маңызды мәселені айқындай алғанын көрсетті», — деді Salem social media PR-директоры Юлия Галенко.
Халықаралық Realist Web Fest фестивалі Нижний Новгородта (Ресей) өтті, ол бүкіл әлемдегі ең жақсы веб-мазмұнды көрсету үшін құрылған. 2018 жылдың соңынан Халықаралық веб-сериалдар чемпионатының (Web Series World Cup, WSWC) бір бөлігі болды. Биыл пандемияға байланысты фестиваль 29 шілде мен 1 тамыз аралығында онлайн режимде өтті. Қатысу үшін 3 000-нан астам өтінім қаралды, олардың ішінде әлемнің 75 елінің жобалары бар.
Кинофестивальдің үздік веб-сериясы канадалық the Communist ‘ s Daughter («Коммунистің қызы») шығарған картина болып танылды.