Елбасы жайлы фильмнің жаңа тизері шықты
Нұрсұлтан Назарбаев жайлы деректі фильмнің жаңа тизері жарияланды. Оны Елбасының баспасөз хатшысы Айдос Үкібай Twitter желісіндегі парақшасына салды. Бұл туралы Bugin.kz платформасы хабарлайды.
«8 қаңтарда сағат 21.45-те «Хабар» телеарнасының эфиріне «Штрих к портрету» деректі фильмінің жалғасы шығады. Фильмнің үшінші сериясында саясат туралы сұрақ аз болады, сұрақтар жеке басына және бұрын белгісіз жайттарға қатысты болады«, — деп жазды Айдос Үкібай Twitter желісінде.
«Ұшқыш та, теңізші де болғым келді… Басшылық лауазымындағылардан, қазақстандықтардан әуестенбеуді сұраймын. Жеке өзіме бұл қажет емес. Адамдарды кешіру керек, мейірімді болу керек. Сол жиен немеремнің өліміне қатты қынжыламын «, — дейді Нұрсұлтан Назарбаев тизердің кадрында.
Фильм эксклюзив интервью негізінде түсірілген.