Caspianlife, 25 қараша. Бүгін түнгі дрондық шабуылдың салдарынан Новороссийск қаласында Каспий құбыр консорциумының (КҚК) Теңіз терминалының әкімшілік ғимаратына БПЛА-ның жарылғыш бөлігі зақым келтірді.
КҚК баспасөз қызметінің мәлімдеуінше, Новороссийск маңындағы Оңтүстік Озереевка ауылында Каспий құбыр консорциумының басты басқару орталығы орналасқан. Дәл осы орталықтан Теңіз – Новороссийск мұнай құбыр жүйесінің Ресей мен Қазақстан аумағындағы толық жұмыс үдерісі бақылауға алынады.
Хабарламада зардап шеккендер жоқ екені атап өтіледі. «Ұшқышсыз қауіптілік» атты дабыл жарияланғаннан кейін қызметкерлер дереу жасырын орындарға эвакуацияланған. Айлақтағы жүктеу-түсіру операциялары уақытша тоқтатылған.
Еске сала кетсек, 2025 жылғы 24 қыркүйекте Новороссийскіде КҚК теңіз терминалының қалалық кеңсесіне дрон соққы жасаған болатын. Бұған дейін, 2025 жылдың 17 ақпанында Каспий құбыр консорциумының ең ірі мұнай тасымалдау нысаны – «Кропоткинская» мұнай айдау станциясы жеті дронның шабуылына ұшырады. Қалпына келтіру жұмыстары аяқталғаннан кейін «Кропоткинская» нысаны 2025 жылдың мамырында қайта іске қосылған еді.