CaspianLife, 6 қазан. Атырау облысындағы Қашаган кен орнында газ өңдеу зауытының құрылысына қазан айының басына қарай шамамен 2000 маман келген. Түнгі ауысымда 155 жұмысшы қосымша жұмыс істеуде.
Бұл туралы бүгін ұлттық компания «QazaqGaz» баспасөз қызметі хабарлады. Қазіргі уақытта құрылыс алаңында 360 құрылыс техникасы жұмыс істейді. Сонымен қатар, еңбек қауіпсіздігіне ерекше көңіл бөлініп, оның ішінде түнгі уақытта да қауіпсіз еңбек жағдайлары қамтамасыз етілуде.
Құрылыс-монтаждау жұмыстарының ағымдағы прогресі:
— Дымқыл құбырлар орнату жұмыстары аяқталды;
— Іргетастарды бетондау, металл конструкцияларын орнату және бояу, қызмет көрсету алаңдарын орнату, технологиялық жабдықтарды орнату және байланыстыру жұмыстары, сондай-ақ РВС-5000 типті және 600 м³ көлеміндегі шар тәрізді резервуарларды жинау жұмыстары жүргізілуде;
— Сыртқы инженерлік желілердің құрылысы (НВК-2) жалғасуда;
— GPCI вахталық ауылында әкімшілік-тұрмыстық кешенде және 140 және 132 орындық екі жатақхананың төбесін орнату жұмыстары аяқталды. Қазіргі уақытта жатақханалардың ішкі қабырғалары мен электр монтаждау жұмыстары жүргізілуде. Бұл ғимараттар тұрақты вахталық қалашық құрамына кіреді.
Негізгі жұмыс түрлері бойынша атқарылған жұмыстар:
— Іргетастарды бетондау жұмыстары: 54 262 м³ орындалды (71,5% прогресс);
— Металл конструкцияларын орнату: 4 328 тонна (21,4%);
— Механикалық жабдықтарды орнату: 4 326 тонна (44,6%);
— Резервуарларды орнату: 1 187 тонна (43,9%);
— Жер асты құбырларының құрылысы: 20 453 м (42,1%).
Құрылыс жұмыстарының бақылауы мен сапасы
«QazaqGaz» акционерлік қоғамы жобаны жүзеге асыруға кешенді бақылауды жалғастырып, құрылыс мерзімдерінің сақталуын және барлық кезеңдерде сапа мен қауіпсіздік стандарттарының орындалуын қамтамасыз етуде.