CaspianLife, 17 сәуір. Астраханьда экзотикалық сакура ағаштарының керемет гүлдеу кезеңі басталды. Комсомол жағалауына апаратын аллеяда алғашқы абаттандыру кезеңі аясында отырғызылған «Кику Шидаре» сортындағы 17 жас ағаш гүлдеді.
Аймақ үкіметінің баспасөз қызметінің хабарлауынша, енді астрахандықтар мен қала қонақтары жапон шие ағаштарының әсем көрінісінен туған өлкеден шықпай-ақ ләззат ала алады. «Жасыл қала» МКҰ ландшафт дизайнері Ирина Скворцованың айтуынша, сакура аллеясы – аймақ үшін бірегей тәжірибе. Жылы климатқа байланысты гүлдеу ерте басталған, ал жақын арада ағашта ұсақ, жеуге келмейтін жемістер пайда болады.
Комсомол жағалауында қайта жаңғырту жұмыстары 2021 жылы «Тұрғын үй және қала ортасы» ұлттық жобасы аясындағы «Жайлы қалалық ортаны қалыптастыру» бағдарламасы бойынша басталды. Бұл бастама тұрғындардың қолдауына ие болды – астраханьдықтардың басым бөлігі осы орынды абаттандыру үшін дауыс берген. 2025 жылы бұл бағдарлама «Өмір сүруге арналған инфрақұрылым» атты жаңа ұлттық жоба аясында жалғасын табады.
