CaspianLife, 21 қаңтар — Оқиға 21 қаңтар күні сағат 13:00 шамасында Қызылқоға ауданы Жасқайрат ауылында болған.
Жеке тұрғын үй аумағында «Уаз» автокөлігінде газ жабдығының ақаулығы (газдың шығуы) салдарынан газ-ауа қоспасының жарылысы орын алып, көлік түгелдей жанып кеткен. Сәлден кейін от жеке тұрғын үйдің төбесіне ауысқан.
ТЖД қызметкерлері оқиға орнына жеткенде автокөліктің және 160 шаршы метр аумақты құрайтын тұрғын үйдің шатыры жанып жатқаны анықталды.
Өрт сағат 14.40-та ауыздықталып, сағат 16.10-да сөндірілді.
