CaspianLife, 17 маусым — Вакцина алған атыраулықтарға сыйлық берілуде. Мұндай бастаманы «Дина» базарының басшылығы көтеріп отыр.
Мақсат — ұжымдық иммунитетті қалыптастыруға қандай да болсын септігін тигізу, дейді базар әкімшілігі. «Дина» базары шағын және орта бизнес субъектілері арасында осындай бастаманы бірінші болып ұсынды.
«Біз базардың вакцинация пунктінде екпе алған әрбір адамға сыйлық беруді шештік. Пандемия әлі аяқталған жоқ, вирус бар және қауіпті, бірақ біздер, тұрғындар ,кейде қауіпсіздік шараларын ұмытып кетеміз. Сондықтан, ұжыммен бірге халықты вакцинациялауға шақырып, бастама көтердік», — деді базар әкімшісі Баян Райымқұлқызы.
Ұйымдастырушылардың айтуынша, күзге қарай вакцинацияланғандар арасында тұрмыстық техниканың ұтыс ойынын өткізу жоспарлануда. Сонымен қатар, жақын арада басқа сауда орталықтарының иелері де вакцина алғандарға сыйлықтар беруді жоспарлап отыр.