CaspianLife, 9 маусым — Қазақстандық бокс ардагері Қазбек Ашляев өмірден озды. Бұл ақпаратты мәдениет және спорт министрлігі растады.
Қазбек Ашляев — бокстан КСРО, Қазақ КСР және Қазақстанның еңбек сіңірген жаттықтырушысы. Ол Қарағандыда дүниеге келген.
1962 жылы Қазбек Ашляев бокстан жасөспірімдер арасында Қазақ КСР жеңімпазы және жасөспірімдер арасында КСРО біріншілігінің чемпионы атанды. 1964 жылы ересектер арасында КСРО біріншілігін жеңіп, бокстан Еуропа Кубогын жеңіп алды.
Қазбек Ашляев туризм және спорт министрінің орынбасары және білім Министрлігінің дене тәрбиесі және спорт басқармасының бастығы қызметтерін атқарды.