CaspianLife 28 шілде. «Атырау Жарық» ЖШС электр желілеріне қосылуға және реттеліп көрсетілетін қызмет көлемін арттыруға өтінім беру тәртібінің өзгергенін хабарлады.
Жаңа ережелер 2026 жылғы 12 шілдеден бастап күшіне енді. Олар сәулет, қала құрылысы және құрылыс мәселелері бойынша Қазақстан заңнамасына енгізілген түзетулерге сәйкес енгізіліп отыр.
Енді технологиялық шарттарды (ТШ) алуға өтінім беру және оның нәтижесін алу тек цифрлық ресурстар арқылы жүзеге асырылады: ·
eGov.kz: Электрондық үкімет веб-порталы; ·
Уәкілетті орган жүйесі: Сәулет және қала құрылысы істері бойынша уәкілетті органның ақпараттық жүйесі;
Мемлекеттік қала құрылысы кадастры: Мемлекеттік қала құрылысы кадастрының автоматтандырылған цифрлық жүйесі.
«Атырау Жарық» ЖШС канцеляриясы, технологиялық қосылу және техникалық шарттарды беру қызметі, сондай-ақ басқа да құрылымдық бөлімшелері арқылы өтінімдерді қағаз түрінде қабылдау толығымен тоқтатылды. Құрылыс немесе қайта жаңарту жобаларын әзірлеу кезінде электр желілеріне қосылуға техникалық шарттарды алу бойынша толық қадамдық нұсқаулық компанияның jaryk.kz ресми сайтында орналастырылған.