Жаңа оқу жылында оқушылардың қай уақытта демалатыны белгілі болды. 1-қыркүйекте қашықтан оқу басталады. Ал шағын жинақталған мектептерде кезекші сыныптардың ашылатыны анық.
Министрліктің хабарлауынша, биыл 1-сыныптар 33 апта оқиды. Ал 2–11 сынып оқушылары мектеп табалдырығын алғаш аттайтындардан тек 7 күн артық білім алады.
I тоқсан немесе күзгі демалысқа 10 күн беріледі. Оқушылар 5-қарашадан 14-не дейінгі аралықта демалады. Ал екінші тоқсанда, яғни, қысқы демалыста білім алушылар 31-желтоқсаннан бастап 2021 жылдың 10-қаңтарына дейін сабақтан босатылады.
Осыдан кейін 8–14 ақпан аралығында 1-сыныптар үшін қосымша тағы бір апталық демалыс бар. Ал көктем шыққанда барлық оқушыны 12 күндік демалыс күтеді. Яғни, ең ұзақ үшінші тоқсан аяқталысымен 20 наурыздан 31-наурызға дейін алаңсыз тынығады.
КҮЗГІ ДЕМАЛЫС: 05.11.2020 – 14.11.2020 (10 күн)
ҚЫСҚЫ ДЕМАЛЫС: 31.12.2020 – 10.01.2021 (11 күн)
1-сыныптар үшін қосымша 7 күн қосымша демалыс: 8.02.2021 – 14.02.2021
КӨКТЕМГІ ДЕМАЛЫС: 20.03.2021 – 31.03.2021 (12 күн)
Осыған дейін Білім және ғылым министрі Асхат Аймағамбетов мектептегі демалыс мерзімінің қашықтан оқыту жүйесіне қарамастан өзгеріссіз қалатынын айтқан еді.